Chì vutate à l'elezzioni auropee ?

Si vota dumenica è tuttu u mondu si n'impippa.

Avete fattu a vostra scelta per dumenica ? Piaghja ? Muntagna ? Paese ? Jet-ski ? Pesca ? L'integrale di i Feux de l'Amour in DVD ?

S'è vo ùn sapete chì fà, sappiate ch'è vo pudete dinù andà à vutà per l'elezzioni à u parlamentu auropeanu.

Ma forse fate parte di a maiò parte di a pupulazione chì si n'impippa è pensa piuttostu à l'apertura di l'Acapulco ?

Peccatu, hè purtantu in Strasburgu è Brusselle ch'ellu si ghjoca di più in più u nostru avvene. Più di 60% di e lege aduttate in Francia venenu in fatti da direttive auropeane pigliate da u parlamentu.

Parechji canditati corsi seranu presenti nant'à e liste. Appena da per tuttu, facenu a figurazione :

Ritruvemu à Christiane Leccia-Cianfarani è Claude Flori nant'à a lista MODEM di Bennahmias. Nant'à a lista PS di Vincent Peillon ci hè Emmanuelle de Gentili. Pè l'UMP ci hè Karine Fenocchi. Cun Le Pen si ritrova Olivier Martinelli. Nant'à quella di u Front de Gauche truvemu à Dominique Bucchini.

I naziunalisti ci anderanu cun François Alfonsi è Norbert Laredo nant'à a lista ecologista di Michèle Rivasi. Alain Mosconi ci và cù u NPA di Besancenot.

U nostru Jean-François Baccarelli naziunale s'hè trovu à Francis Lalanne cum'è capimachja. Un antru umoristu, Dieudonné, ùn hà ancu trovu sustegni in Corsica.

Per avà dunque, sta campagna interessa poca ghjente. Ci hè poca sperenza per chì a frebba eletturale infiaressi a Corsica. L'urne ùn seranu micca empiute à rioccu à colpi di falsi elettori è di froda.

I soli à scatinassi parenu esse François Bayrou è Daniel Cohn-Bendit chì s'insultanu in diretta à a tv à colpi di "minable" è di "ignoble". Iè hè magru, ma hè tuttu ciò ch'ellu si trova...

Allora, avete fattu a vostra scelta ?

u 5 di Ghjugnu 2009

u webmaestru

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

51.mandatu da estrimei u 05/07/2009 10:53

forse chi a lettura di st'articulu ne po interressà unipochi ?
http://tempsreel.nouvelobs.com/actualites/international/20090704.OBS3061/cohnbendit__fillon_est_mieux_que_barroso_pour_la_commis.html?idfx=RSS_notr&xtor=RSS-17

50.mandatu da estrimei u 10/06/2009 06:08

a Ghjuvancamellunicolai ,
estrimei cunfonda vittoria è piccatu
quand'omu vota cum'omu pensa un si "sbaglia" omu micca e un he "peccatu "!
una vincita nu a chjamu micca vittoria .
l'ellezzione di F.Alfonsi un mi dispiace micca , e si , quelli chi un so micca naziunalisti l'hanu vutatu per ch'ell'he corsu serà una bella avanzata , ma aghju i dubiti -e e leghjitimu ch'o a dica -

49.mandatu da Ghjuvancamellunicolai u 09/06/2009 23:37

Sogu naziunalistu è t'aghju vutatu à gandolfi scheit à u sicondu ghjiru di i ligislativi. Sogu naziunalistu è t'aghju vutatu à renucci à u sicondu ghjiru di i ligislativi. Sogu giacubbistu è t'aghju vutatu à alfonsi. Chi so tutti sti ghjenti chi si sbagliani ? quandu un clanistu vota naziunalistu l'affari hè suspettu, quandu un naziunalistu vota clanistu hè nurmali ? t'hà a raghjò sensitivu: estrimei cunfonda vittoria è piccatu .... Piccatu .... Pari ch'iddu li dispiaci di veda vincia un naziunalistu ...

48.mandatu da paulu Giacobbi u 09/06/2009 21:32

Tamantu affare!!,i Giacobbisti hanu vutatu per un corsu per s'elezziòne.Ch'o sappia ,'sse gative personne sò per l'amparera di a lingua corsa in scola,per parèchji di e nostre rivindicazione (e vera dapoi pocu tempu), ma so elli chi ci seguitenu,allora chi fà postu chi sò corsi anch'elli?Ci vularebbe a obligali a vutà contr'a noi? Per contu meiu un aghju vutatu ni per Alfonsi ni per Mosconi ni per nisunu.

47.mandatu da estrimei u 09/06/2009 18:31

o Ghjuva Ma ',
Aghju fighjatu i risultati di è cinque paesi di u Vinachese, a lista Europe Ecologie hè passata senza dubbitu incu i votti di Giaccobisti
aghju lettu i risultati nanzu di venne nantu a piazzetta e l'aghju pensata cume tè, sta mane u mere di Castellu di Rustinu chi, so un mi sbagliu , he un fidatu di Giacobbi a dettu a so gioia di st'ellezzione.
pensu chi stu ghjurnale ci 'ole a tennelu , he forse , una prima chjave chi ci pò aiutà a vede so chi si prepara per e regiunali !

46.mandatu da paulu Giacobbi u 09/06/2009 17:58

O ghjuvan marcu hè vera chi si mosconi (l'indipendentistu chi uni pochi tempi fà,s'arriccumandava a u statu frencese per a sncm) éra statu élettu cume deputatu ,sarià statu bella sicura un deputatu propriu Corsu ellu!! E ben cunisciutu chi Besancenot ghjè Niulincu (e nantu a a so lista tutti corsi) ;Per i prigiuneri ghjè un bellu pézzu chi u pnc ,nanzu a ellu l'upc é tutti quanti, dumandenù ch'elli sianu raptriati in corsica;d'altronde tantu meiu si i "clanisti" votenu per un naziunalistu. "sse liste dette ecologiste so a fiancù a i patriotti autonomisti prima ch'a u npa .(per finisce chi ghjè un patriottu veru?)

45.mandatu da sensitivu u 09/06/2009 17:30

O ghjente mi pare d'esse più chè curettu. L'aghju vutatu à Alfonsi è sò cuntentu di u risultatu. Ghjudicheremu à a fine di u so mandatu s'ellu hà aiutatu A Corsica è sopr'à tuttu u POPULU CORSU. Simu infine d'accunsente tutti mi pare.
Allora lacate da cantu u "neoclanisimu" è altre spressione di "fori pulitichi". Nè cunvincenu nè sò accertate.
Per u restu, ùn pigliate micca e mo rimarche per punghjiture di vespa, simu quì à cuntrastà è u cuntrastu certe volte s'infiara, nò? Ciò chì mi pare di primura, hè quantunque d'avè un deputatu naziunalistu. E quì mi pare chì à certi li dispiace è quessa ùn la capiscu micca, mi scuserete. Era megliu ch'ellu ùn ci ne fussi ? o ch'ella sia eletta Stéphanie Grimaldi ? Ferà ciò ch'ellu ferà, o ciò ch'ellu puderà fà. Era stata megliu s'ellu ci n'era statu dui cù Mosconi. Ma hè cusì. Allora ch'emu da fà ? Emu da pienghje o rallegracci ? Per contu meiu a sapete, hè festa in paese. .

44.mandatu da ghjuvan marcu u 09/06/2009 16:33

Un Corsu a l'assemblea auropeana, mi pare chi ghjè una bell'affare. Ma un hè micca un deputatu corsu hè un deputatu francese ellettu nant'a una lista francese ch'un ha promessu nunda per u populu corsu e a Corsica; a sferenza 'ncu u candidatu Mosconi hè chi era nant' una lista di u NPA di Besancenot è questu qui ha dichjaratu chi u so partitu era per l'autodeterminazione è ha fattu parechji communicati di sustegnu per i nostri prisgiuneri pulitichi è ha dumandadu chjaramente ch'elli sianu rimpatriati in Corsica è dopu puru cappiati s'ellu nasce un prucessu di liberazione.
Ghjè per quessa ch'aghju vutatu a Alanu Mosconi, patriottu veru. ,
Aghju fighjatu i risultati di è cinque paesi di u Vinachese, a lista Europe Ecologie hè passata senza dubbitu incu i votti di Giaccobisti : é quessa hè gattivu segnu d'una alleganza di u Pnc neoclanista incu i clanisti i più periculosi...
Ma pregu bona furtuna a Francescu Alfonsi, videremu in fine sè l'avemu da filicità per u so azzione ...

43.mandatu da filidatu u 09/06/2009 15:00

per schjarinì l'affari ùn aghju micca vutatu à Alfonsi perchè chì a pulitica annunziata da u partitu ch'ellu riprisenta ùn mi garba manc'appena ( u fattu di vulessi assucià cù e forze dette prugressiste ùn mi cunvene chì Giacobbi postu chì ghjè d'ellu ch'ellu si tratta hè per mè l'omu puliticu u più pessimu per a Corsica) ùn l'aghju micca vutatu dinù chì hà ricevutu sustegni da ghjente chì ùn mi garrbanu tantu dinù(Guazzelli per indettu)
Eppuru a s'elezzione ùn mi dà nè pene in capu nè frastorni aspetteraghju cum'è scrittu più sopra a fine di u so mandatu per ghjudicà di a s'azzione

42.mandatu da circinelludiguagnènativupèliguagnesusosanguaversatu u 09/06/2009 14:39

à tutti i lettori di stu situ, è tè, in particulari à Sensitivu:
ùn sminticheti micca chì:
1- semi nantu à u blog APiazzetta, "puliticamente scurrettu", in 'ssu sensu dogu a raggiò à babbò...
2- mi vene in mente una frasa di Umberto Eco, à pocu pressu: "ma chi sarà 'ssa moda di u puliticamente currettu chi vole chì si deve rispettà è micca attaccà u so adversariu puliticu ? S'è omu hè in pulitica cont'à un antru u deve attaccà, deve difenda i so opinioni, è ancu esse gattivu..." à pocu pressu vi dicu...

dunqua: s'eu pensu chi, ben ch'essendu naziunalistu, ùn possu vutà pà FAlfonsi, hè u me drittu, u spiegu, è quissa dinò hè pulitica. è s'eu vogliu ghjastimà, ghjastimeghju... ; )))

41.mandatu da babbo u 09/06/2009 14:03

Iè aspitemu a fine di a mandatura di u nostru Francescu, femu pianu, sopratuttu firmate puliticamente curretti, mica una porola piu alta che l'altra, simu tra ghjente civilisate.

E po si a a fine di a mandatura un simu cuntenti, tandu pruveremu cu un altru, e di una mandatura a l'altra u tempu sguassera u nostru populu e ancu a so memoria.
Ma a storia tenera a mente chi in lu 2009, un corsu, Francescu Alfonsi he statu eletu diputatu europeanu.
So quantunque cuntentu per ellu chi sa da piglia 30 000 euros per mesi, ma zitu, so gativa lingua.

40.mandatu da sumenta u 09/06/2009 13:08

filidatu a dettu: videremu à a fine di a mandatura di Francescu Alfonsi
Tandu puderemu ghjudicà si a corsica hà vintu o s'ella hà persu
hè una vittoria quessa di alfonsi è pudemu esse cuntenti. per una volta ùn so micca certe fiure di merda chì anu pigliatu una piazza maiò. issu statutu di diputatu resta quantunque qualcosa di seriu è di impurtante mi pare ! o allora perchè vuta ? perchè pigliassi u capu per esse riprisentati à u parlamentu auropeanu? Hè vera chi a voce di alfonsi ùn sara ascultada da nimu. Ghjè una verità proria à tutte e minurità. tutta sta marmaglia si n’impippa di a corsica. ma hè megliu avè unu di i nostri che unu di sti corsi cumplitamente assimilati à a cultura francese. què si mi da a pena in capu !

39.mandatu da ircinelludiguagnènativupèliguagnesusosanguaversatu u 09/06/2009 11:47

filidatu ha dettu:
"videremu à a fine di a mandatura di Francescu Alfonsi
Tandu puderemu ghjudicà si a corsica hà vintu o s'ella hà persu "
Quissa hè saviezza schietta, ùn ci da aghjustà quasgi nunda !

38.mandatu da estrimei u 09/06/2009 11:16

o sensitivu,
O ghjente, "relax" dicenu l'inglese. :mi pare chi in corsu si po di:O ghjente, pianu ! pianu!
filidatu a dettu:
videremu à a fine di a mandatura di Francescu Alfonsi
Tandu puderemu ghjudicà si a corsica hà vintu o s'ella hà persu
so d'accunsentu 'ncu ellu!

37.mandatu da babbo u 09/06/2009 10:03

Chi Naziona Corsa ?

Chi VOce di a Corsica in Brusselle ?

Eleti e diputati so quant'e sturnelli in lu guvernu francese, e Alfonsi sara unu di piu un eletu francese di u partitu PNC e po basta.
He statu eletu in lu cadru di a ripublica francese, si o no ?

Apri l'occhji e a mente, fireghja intornu a te i furesteri chi sbarcanu sempre piu numerosi, chi si piglianu a terra e nostre case e certe volte e nostre donne.
Cerca a sente a nostra lingua chi si ne va a quaternu, fireghja nostra ghjuventu rifugiàssi in lu fume di l'allopiu, e u nostu tintu populu chi si spenghje pianu pianu.

Parole ! parole ?

Ma INNO ! avemu vintu ! simu i piu forti ! a Corsica s'affaca a Brusselle!

Pin pan ! campane e viulini !
Avemu a sciàrpa ! avemu a sciàrpa! avemu a sciàrpaaaaaaaaaaaaaa....

36.mandatu da filidatu u 09/06/2009 09:40

videremu à a fine di a mandatura di Francescu Alfonsi
Tandu puderemu ghjudicà si a corsica hà vintu o s'ella hà persu

35.mandatu da sensitivu u 09/06/2009 09:11

O ghjente, "relax" dicenu l'inglese. Dicu bè, avemu un deputatu naziunalistu, u solu elettu isulanu, in Brusselle. Cunfundite a vittoria cù u peccatu. Tantu peghju : ùn circheremu più di fà beie u sumere s'ellu ùn vole... Ma sentite po, ùn ete micca bisognu di mettevi in zerga o di ghjastimà. Aiò, emu vintu, puntu è basta.

34.mandatu da circinelludiguagnènativupèliguagnesusosanguaversatu u 09/06/2009 07:41

Una vittoria di u naziunalìsimu...
o figlioli ! Di essa elettu trà Cohn Bendit è Bovè sarìa una vittoria ? Puttana a madonna, cosa ci voli à fà pà essa elettu ?

33.mandatu da estrimei u 09/06/2009 06:32

oghje ci sò i naziunalisti chì ridenu è quelli chì anu a pena in capu.
s'elli ci so naziunanisti chi hanu "a pena in capu" per i risultati di st'ellezzioni, he gattivu segnu per elli.

A vittoria d'Alfonsi hè una vittoria di u naziunalisimu.
ancu si, in Corsica , F.Alfonsi ha fattu una bella ellezzione, "vittoria di u naziunalisimu" mi pare sprupusitatu: a vittoria he quella di i 70% chi un hanu micca vutatu , e quella di l'ump chi senza canditatu, senza campagna face 30% di i voti .

32.mandatu da sensitivu u 08/06/2009 20:52

O Babbò, parli di "Corsu", di "francese", d'indipendenza, d'autonumia: à mè mi pare chì st'alta riflessione semantica si chjami "pena in capu" ! ùn hè Dalida chì cantava "parole, parole, parole"; ti n'arricordi o babbò ? Sì in traccia di scrive listessa canzona. U naziunalisimu corsu hà un deputatu auropeu è basta. Hè u deputatu di a nazione corsa è basta. Hè a voce di a Corsica in Auropa è mi basta. Per una volta aghju vintu fendu una scelta chjara. Certi naziunalisti anu vutatu à Mosconi. Ma dimmi allora, hè autunumistu o indipendentista stu Mosconi ? Mi n'inpippu. Era stata megliu ch'ellu ci ne fussi dui deputati "corsi" nò ? Quandu sentu "deputatu corsu" o "deputatu francese" mi pare di turnà in daretu, in l'annate 80. Rispettu a scelta di quelli ch'anu vutatu à Besancenot è a so lista "pas question de payer leur crise" ancu s'ella ùn mi paria mancu à pena logica di pettu à quella d'Alfonsi (chì venia in seguita à quella di l'89 cù Simeoni). Ci sò chì sò firmati in casa à chì sò andati à u mare: mi n'inpippu ! Li dicu :" bravi !" è dopu ? U scopu di u PNC ? Mi n'inpippu. U scopu di u naziunalisimu, è ci mette à buleghju u PNC, hè quellu di a supranità. Dimu l'affari cum'elli sò: oghje ci sò i naziunalisti chì ridenu è quelli chì anu a pena in capu. Hè logica sta situazione chì simu fatti cusì. Ma ùn circate micca scuse o ùn vi piattate micca daretu à parole cum'è autunumia o indipendenza. A vittoria d'Alfonsi hè una vittoria di u naziunalisimu. Quale chì pò crede o fà crede à i corsi ch'ella seria megliu una situazione senza deputatu corsu in Auropa ?

31.mandatu da babbo u 08/06/2009 20:18

per risponde a serra diceraghju, chi per u pnc e Francescu Alfonsi, l' autonomia un hè una tappa, ma u scopu finale, di a pulitica di issu partitu.
Alfonsi e u so babbu spirituale Simeoni l'hanu sempre dettu, elli so per una piu grande autonomia, ma sempre in lu cadru di a ripublica francese.
Alora quandu sentu parla di diputatu corsu a l'assemblea europeana, mi face a pena ride, Alfonsi sara un diputatu francese cume l'altri.

30.mandatu da SERRA u 08/06/2009 18:43

quandu parlu di "divisione falza" vogliu parlà solu di divisioni ch'un so micca motivate da l'idee pulitiche ma solu da u scopu d'addebulisce l'altru per negozià l'annu prussimu in pusizione di forza e custi se tu mi capisci saperai ch'o parlu più di personne che d'un partitu sanu . inquant'à i boni e i gattivi so qualificativi che tu impiechi tu e chi un currispondenu à u mio pensamentu , i boni à u pnc ? micca peghju ,puntu e basta (un so micca l'avucatu di stu pertitu) . per a quistione di l'indipendenza u prublemu un he micca d'impedì à nisunu di sunnià ma d'un chjodeci nu una dimarchja per troppu minoritaria senza circà d'avanzà nant'à tutti i suggetti e in particulare a lingua senza a quale s'o a perdimu poremu lascià corre u restu di e nostre rivindicazioni (l'indipendenza per chi fà se no simu diventati francesi cume l'altri ?). almenu di rimpiazzà stu populu per un antru , per avanzà averemu bisognu di l'accunsentu di i novanta per centu ch'un pensanu micca cume noi (in tuttu casu d'une pochi) o allora cuntentemuci di pigliàcci per i piu puri e i piu duri serà tutta a nostra cuntentezza , ma appressu tuttu se tu credi chi u tempu ghjoca per noi (? ) !!!
per me cio chi conta un he micca di parla avà d'un indipendenza pocu d'attualità ma di salvà cio chi u po esse di stu populu per ch'ellu esisti sempre e ch'ellu sia capace un ghjornu d'avè sta scelta . avanzà à u pianu eleturale e ammaestrà l'attracci pulitichi n'he a cundizione sine qua non .

29.mandatu da ZIU ANTO U PURCAGHIU u 08/06/2009 17:54

Ghè ora q'ellu ci fussi un diputatu corsu a l'Assemblea Europeana!sopra tuttu Francescu Alfonsi,militante onestu e vulintariu.Forse fara u so duvere per fa cunosce a nostra Cursichella in Auropa...Perchè avariatè vulsutu a Stephanie Grimaldi? ?L'aghiu intesa pienghiè st' a matina nantu a rcfm,a lacrimè pienè.O zitté istimemuci tantti felice d'avè a Francescu ALFONSI . E Quellu faccia dà bè. . . . .

28.mandatu da circinelludiguagnènativupèliguagnesusosanguaversatu u 08/06/2009 16:36

quissa po allora, hè una di e frase ch'ùn si ponu sente ch'è in CORSICA: "eo credu chi simu nant'una strada longa duve un automia larga he a tappa a sola per u mumentu chi possa permette di piglià i nostr'affari in manu tuttu offrendu in apparenza e garanzie à a maggiorità"
Digià hè troppu longa... bon.
Dopu, t'aghj'à dì: ùn si po micca essa indipendentistu, sunnìa d'indipindenza, s'è a strada hè longa ??? Umbè, quissa a custanza, mi !
ùn si po micca custruiscia un paesi, luttà ogni ghjornu par ellu, s'è, nanz'à l'indipendenza, ci hè una tappa d'autonomìa ?
Chi sò 'ssi sous-entendus "divisione falsa" (sè ci sò chi so falsi, l'altri di u pnc ùn lu sarìanu micca... ci so dunqua i boni: u pnc - i gattivi: a chjama - i scemi: corsica libera... hè cusì ?) ...

27.mandatu da SERRA u 08/06/2009 14:58

perchè ci serebbi d'appressu à te una cuntradizzione trà e duie parolle ? se tu credi chi a corsica he à l'alba di piglià a so indipendenza (cun pensu micca di piu che dui o tre per centu di veri indipendentisti) allora liber'à te di sonnià e fussila puru ch'o mi sbaglii . eo credu chi simu nant'una strada longa duve un automia larga he a tappa a sola per u mumentu chi possa permette di piglià i nostr'affari in manu tuttu offrendu in apparenza e garanzie à a maggiorità . allora in tantu tengu à salutà l'elezzione di francescu alfonsi chi s'ella un ferà micca avanzà (o pocu) i cartulari corsi à u livellu auropu he impurtante omancu nu a so simbollica , in più ha u meritu d'acchjarinì i raporti di forza per raportu à quelli ch'intrattenianu una divisione falza in vista di e territoriali di quist'annu chi vene (e custì un parlu micca di mosconi ch'era nu a so logica ma d'une pochi chi l'"accumpagnavanu" , seguitate u mio sguardu) .

26.mandatu da filidatu u 08/06/2009 13:49

serà naziunalistu o autonomistu u nostru deputatu??

25.mandatu da sensitivu u 08/06/2009 13:09

Ammè, è cusì sia !

24.mandatu da estrimei u 08/06/2009 12:00

o sensitivu ,
un diceraghju micca " Deo gratias ", postu chi a mio scelta era rispunsevulle e era astra.
ma postu chi u mio votu un bastava e chi parechji corsi hanu fattu un astra scelta , salutu 'ncu piacè l'ellezzione di un deputatu naziunalistu ; vogliu dinnu salutà l'ellezzione di M. Rivasi chi un ci'ole micca a scurdassine he stata quella chi a scupertu a vergogna francese di Tchernobyle .
u novu ellettu ha una difficultà majò : he solu a difende u nostru Paese , li preggu vuluntà , curragiu , per strappà so chi si pò a prò di u nostru PAESE e di u so POPULU-tuttu u so Populu-

23.mandatu da sensitivu u 08/06/2009 10:20

Emu un diputatu naziunalistu in Auropa. Serà u solu riprisentente corsu. Nimu ùn ci hà cridutu chè? Eccu quì una bella vittoria. Speremu ch'ella ùn dispiaci à quelli ch'anu sceltu u "tourniquet". I clanisti elli sò cuntrariati chì a Francia ùn hà vulsutu piazzane unu nant'à e so liste in pusizione d'esse elettu. Altru nunda à aghjustà o amichi. Ite missa est è eviva u nostru diputatu.

22.mandatu da sensitivu u 08/06/2009 10:19

Emu un diputatu naziunalistu in Auropa. Serà u solu riprisentente corsu. Nimu ùn ci hà cridutu chè? Eccu quì una bella vittoria. Speremu ch'ella ùn dispiaci quelli ch'anu sceltu u "tourniquet". I clanisti elli sò cuntrariati chì a Francia ùn hà vulsutu piazzane unu nant'à e so liste in pusizione d'esse elettu. Altru nunda à aghjustà o amichi. Ite miossa est. è eviva u nostru diputatu.

21.mandatu da yop u 08/06/2009 08:28

François Alfonsi deputatu auropeanu!

20.mandatu da estrimei u 07/06/2009 06:45

o Battiscaffu ,
c'he qualcosa chi un mi garba 'nu a to spieggazione: quande tu dici : " Vuteraghju è feraghju vutà à Alfonsi ". che tu voti, he capita!, che tu faccia campagna a pro di e d'edee , a capiscu dinnu! ma mi pare chi di fà vutà un he tantu democraticu.
un crede micca ch'o vo a circa u pellu 'nde l'ovu , per purtatti un attaccu .
per nepochi a campagna si face per riguara voti di tutte e manere , in aduprendu ancu i mezi i piu vergugnosi, un he micca a to manera di vede e cose, ne so sicuru , ma so mi permettu di fà sta rimarca e per dì a tutti quelli facenu campagna, oghje, dumane e dopu dumane, un dite piu vutate e fate vutà, mi pare chi vutate e fate campagna he piu degnu e rispettuosu per l'ellettore
allé, ava, mi tramutu chi so di scagnu ,oghje .

19.mandatu da saveriu u 07/06/2009 00:27

Aghjusteraghju ch'un vuteraghju micca dinò, per" l'amicu "Alfonsi,ammintemucci di e parolle di u pnc contra a ghjuventù corsa.(azzufi carrughju drittu ecc...)

18.mandatu da saveriu u 07/06/2009 00:08

Un vutaraghju mai a Mosconi per vìa di scritti di A MANCA.Lighjimu piuttostu.(e scrittu in frencese); ARTICLE VII des Stauts di a MANCA:A MANCA ne peut cautioner tous discours sur la maitrise des flux migratoires,qui favorise le discour anti-immigrés en général. O ghjènte a dilla franca so i nostri chi ci portenu a u macéllu.

17.mandatu da Battiscaffu u 07/06/2009 00:02

Anch'eiu vuteraghju Alfonsi, ma sicuramente. Perchè? Micca solu perchè ci hè oghje sta pussibulità storica d'avè un diputatu corsu, ma dinù perchè NPA, s'ella hà diputati (per avà sò à 5,5% è ùn anu nunda ...) seria in u gruppu GUE (gauche unie européenne, cù i cumunisti è mélenchon). Serà un votu per nunda questu o sippuru un votu contr'à a nazione corsa. Basterà ... In secondu, cù tutti i so difetti, Massimu Simeoni avia 20 anni datu un sensu internaziunale à a lotta corsa, cù l'alleanza cù i verdi. I verdi, da tandu, sò stati à spessu cù noi à tante elezzione. Vuteraghju è feraghju vutà à Alfonsi in a cuntinuità di a nostra lotta. Cù sundasgi ingiru à 14 %, ci hè forse qualcosu di storicu à realizà. Allora à quelli chì cercanu spiegazione di sottuscala per spiegà ch'ellu ci vole à vutà un tourniquet cù l'anticapitalisti di Krivine, è chì si dicenu naziunalisti corsi, ch'elli mi scusinu. Per quale ci pigliate? Per a maiò parte di st'elettori quì, u megliu seria d'andà à piscà o à fassi un giru in muntagna. A so paura, mi pare in fatti ch'ella sia quella di vede un naziunalistu in Strasburgu. poveri à noi. Infine, per quelli chì anu a mimoria corta, pensate à e lotte per a terra è contru à l'incineratore. Simonpieri (chì hè nant'à a lista Rivasi) ci era, Michele Salotti chì sustene a lista ci era. Alfonsi è Gilles Simeoni ci eranu. Ma l'ete vistu voi à Mosconi tandu? Arrestemu l'ippucrisie di quelli chì facenu crede chì vutendu stu sindicalistu vutemu per a corsica. U so votu ùn hà chè un scopu, impedisce à u naziunalisimu corsu d'avè un diputatu è basta. vutatu l'eculugia è l'ALE cù Alfonsi.

16.mandatu da yop u 06/06/2009 23:40

Vuteraghju prubabilmente pè i Verdi e a lista Rivasi/Alfonsi.

15.mandatu da estrimei u 06/06/2009 20:37

o Savé' ,
ti capiscu e sie puru sicuru ch'o so d'accunsentu 'ncu tè.
ci'ole a esse chjari vulimmu salvà e imponne a lingua per chi u Populu sie maestru 'nu u so Paese .

14.mandatu da saveriu u 06/06/2009 19:55

O estrimei ,u mo scopu un'hè di traparla o d'imbruttà a ghjènte,allòra scusami so l'aghju fattu.Parlava di i nostri capi-machja.Pensu chi di piglià a referenza frencese di u"politiquement correct" cume pulitica per a corsica ,ghje per me ,mandà a u macéllu u nostru populu.Sò inchietù per l'avvene di 'ssu vecchju populu cume cumunita storica.

13.mandatu da estrimei u 06/06/2009 17:56

o Savé ' ,
he capita ch'o un so micca d'accunsentu 'ncu a spieggazione di SERRA , ma he u so parè e he ghjusta ch'ellu a dica .
quand'e tu scrivi:" So i listessi chi hanu lampàtu u muvimentu naziunale corsu a catèrnu." traparli , apenna di cuscenza pulitica l'aghju anc'eiu, e un he micca a mio pratica di ghjittami a ghjacara tecchja nant'a u primu canditatu chi si presenta .
a mio manera di vede e cose un t'accunsente ? he ghjusta che tu a dica ! ma siene puru sicuru, eu , a causa naziunale l'aghju difesa e a difendu , ma a modu meiu , senza suttummettemi ne a i partiti , ne a i capizzoni .

12.mandatu da Saveriu u 06/06/2009 17:17

O amicàcciu Serra, sò d'accunsènte a 100 per 100 incù tè.So i listessi chi hanu lampàtu u muvimentu naziunale corsu a catèrnu.

11.mandatu da SERRA u 06/06/2009 14:47

naziunalisti alleati cu i trotchisti chi sterpavanu e naziunalità u pocu di tempu ch'elli so stati à u pudere in russia he megliu à ride ( o piuttostu à pienghje) , qualchi unu facianu megliu d'apre i so libri di storia . besancenot po puru prumette cio chi no vulemu sente sopra tuttu senza alcuna scenza di ghjunghje à u guvernu e essendu rifugiatu nu a cuntestazione , un li costa nunda . e d'esse imbolighjati à i cgttisti chi difendenu i funziunarii e altri francesi stallati quì un pone problemu à nimu ? dicia u poverettu di carlu Marx "i proletarii un hanu patria" , ha ha ha !!! . u piu amusante he statu mosconi circhendu à a radio di ghjustificà chi u npa un fussi micca ghjuntu à accordàssi cu i cummunisti e u fronte di manca di melenchon , grande mumentu di surrealisimu ! in casu cuntrariu averebbimu avutu u piacè di ritrovà nant'à a listessa lista mosconi , melenchon (grande difendidore di e lingue regiunali s'o mi ricordu ben !!) e bucchini ; peccatu , ci serebbimu campi .

10.mandatu da estrimei u 06/06/2009 07:12

un pensu micca chi stu temma sie prupostu per ciarlà .
quandu provu a spieggà a mio pusizione pulitica un provu ne a ghjucammi , ne a fà pensà a l'astri di listessa manera che me .ha prupongu per aghjustalla a d'astre e di manera ch'ella possi esse cuntrastata.
u parraggone 'ncu l'attaccu chi ci he statu tra Bayrou e Cohn Bendit mi pare inghjuliosu perche sti dui omi pulitichi so pronti a ghjucassi a leghjitimma per strappassi un votu , e ch'elli difendenu interressi (persunali , pulitichi ,o i dui ).
e postu che vo l'ammentate , aghjusteraghju chi st' emmissione à vous de juger me parsa a piu bella dimunstrazione di u ligame tra u putere e l'infurmazione " publica " .
o ghjente , a sapete , so fattu a estri , perdunatelli chi facenu avanzà u cuntrastu in lingua nustrale

9.mandatu da circinelludiguagnènativupèliguagnesusosanguaversatu u 05/06/2009 21:48

ùn t'annarba micca o estrimè, chì t'ha raghjò orsufrancè: quì ci amusemi, è arisera i ghignoli di froooonce 2 s'amusavani listessu chi so tutti cumedienti. Noi paghemi l'intrata è eddi ci facini u spittaculu...
ma bon, n'aghju una techja di u pubbliccu dinò, cum'edda a dici heliofobu (chi beddu nomu, chi faci pinsà à i longhi sirati d'inguernu à bìa ind'i bar bughji...) cum'edda a dici heliofobu, dunqua: Accident'u populu è quellu chi l'hà inventatu... !!!

8.mandatu da estrimei u 05/06/2009 20:23

o orsufrancè ,
fà so ch'ella ti pare , e nimu un ti ne ferrà u rimprovaru , ma u to paraggone he inghjuliosu !
'ncu circinelludiguagnènativupèliguagnesusosanguaversatu , cuntrastemu - un he micca a prima volta - , ognunu dice so chi li pare 'nu u rispettu di l'astru , e un ci so ne parullacie , ne bisognu d'imponnene a l'astru .

7.mandatu da orsufrancè u 05/06/2009 19:00

Vi salutu a tutti.I naziunalisti hé quilaltri.Ma mi parè chi stu dibbatitu trà èstrmei hè circinèddu s'assumiglia assai a quellu di èri sera tra cohn-bendit è bayrou nantu a la2 .A Corsica un'a bisognu di sti francesi scrianzati per divendè u so populu.Alora per contu meiu mi anderaghiu a pisca in fume.E cusi mi passareghiu u mio tempu...

6.mandatu da KÜG u 05/06/2009 15:30

cum'è a dicia u puverettu di Cicerone: "suffragium naufragium", ossia elezzioni tràppule à conni ...

5.mandatu da heliofobu u 05/06/2009 15:00

Pensu chi st'elezione, sò un bellu sìmbulu di ciò ch'elli sò diventati oghje l'utopia demucratica è u so strumentu calamitosu, u suffraghju universale.

Un'hè tantu luntanu stu ghjornu induve un carnavale lampò sta cacciata trimenda "travailler plus pour gagner plus !", s'hè vistu tutti i discraziati è i sumeri di a criazione andà a vutà per sta rubaccia, è ancu cantà l'innu internaziunale di i conni "on a gagné !" a la so elezione, bell'esempiu di rifflessione idéulogica... (tuttu què per, cume sempre, fallà a pienghje in carrughju dui anni dopu...).
Piu vicinu di noi, quell'epica induve a maiò parte di a populazione si passiunava di sapè se u presidente Americanu avia da esse biancu o neru (fù un esempiu pianetariu di populisimu, d'incultura pulitica è di pecurisimu diciarbellatu tamantu !)...
Oghje allora ? Cumme l'ha detta u nostru webmaestru, i testi di e stituzione legislative auropèe hanu un pesu maiò annant'a nostra sucetà, ch'ellu sia inde i regulamenti, e direttive ò e decisione auropée, u dirittu cumunutariu hè supranu a u dirittu naziunale ...
Ma bon... Què, so elezionne ch' un interessanu a nimu !
Accident'u populu è quellu chi l'hà inventatu...

4.mandatu da estrimei u 05/06/2009 12:09

o circinelludiguagnènativupèliguagnesusosanguaversatu ,
aghj' a pruvà a esse piu chjaru:
so citadinu francese -aghju a carta d'identita francese,so suttumessu a e legge francese, devu paggà i m'impositi , ....-, mi tocca a difende a mio situazione di citadinu francese (fin ch'ella dura) e quellu chi secondu mè difende u megliu u citadinu he Besancenot.
so naziunalistu corsu - ancu si u mio Paese he suttumessu a a culunisazione francese, un rinneggu micca a mio nazione , un rinneggu micca u mio Populu - e cume naziunalistu corsu , mi pare chi Mosconi , per so ch'o ne sò , he un naziunalistu sinceru e di core , e chi s'ella capita piglierà a pratesa di u nostru Paese e di u so Populu .
stu raggionu he u meiu e he capita chi d'astri naziunalisti ne hanu un astru, mi pare chi u scopu di stu st'articulu he di cuntrastà nant'a ste manere di pensà.

3.mandatu da circinelludiguagnènativupèliguagnesusosanguaversatu u 05/06/2009 09:58

"aghju sceltu Besancenot, ch'o votu dipoi ch'ell'he canditatu a e presidentiale.
cume naziunalistu corsu , Mosconi , mi pare un militenti sinceru e generosu di a nostra lotta"
à me mi pare strana 'ssa frasa...

2.mandatu da estrimei u 05/06/2009 08:53

"I soli à scatinassi parenu esse François Bayrou è Daniel Cohn-Bendit chì s'insultanu in diretta à a tv à colpi di "minable" è di "ignoble". Iè hè magru, ma hè tuttu ciò ch'ellu si trova..."
quessa he a traduzzione data da e "medie" di l'emissione "a vous de juger " !
per contu meiu, chi l'aghju vista, st'emissione he stata a prova di una vuluntà tra u putere e A2 , di fà nasce un cumbugliu per sbrembà quelli chi stavanu a sente .
a vergogna un he micca l'azzuffu tra Bayrou e Cohn Bendit-chi he statu cortu - a gran vergogna he stata sta manera di vulle scimullì l'ascultaori .
in Francia , he virgulette so diventate una regulla per a parulla " justice ", ci vulera a mettelle dinu a " information " !