![Libertà pè Tony Vairelles Libertà pè Tony Vairelles](https://www.wmaker.net/apiazzetta/photo/art/default/3385189-4864606.jpg?v=1319628365)
Tonygol hè maladettu. Dopu à e so stagioni in Bastia (2001-2002 è 2004-2005) hà pigliatu a trafalata. Gattive scelte spurtive, affare di i matches truqués in Bèlgica, fiascu in Sète è à Gueugnon in tantu chè azziunariu, falata da u National à a DH.
Oghje, hè dunque à u centru d'un cumbugliu abbastanza goffu. Hè accusatu di tentativa d'omicidiu è hà passatu a so prima notte in prigiò. Hè accusatu d'avè tiratu una fucilata nant'à i videurs d'una buatta di notte, a stampa ùn parla più ch'è di quessa.
A baruffa si passa in a sinistra piaghja di a Meurthe et Moselle, in una discoteca (o piuttostu un hangar) chjamata "Les 4 As". I dui fratelli di Tony, Giovan è Jimmy facenu a bomba è beienu appena troppu. Tandu, si facenu mette fora da unepochi di videurs antipatichi, cum'è sempre. Voltanu una prima volta per vindicassi, ma piglianu i colpi.
Hè tandu ch'elli chjamanu i dui fratelloni, chì sarianu venuti cù i fucili è tiratu nant'à i videurs. Per avà ùn si sà nunda d'altru, è tutti anu dirittu à a famosa "présomption d'innocence" chì noi Corsi, cunniscimu cusì male.
Ma l'affari sò in francese per u nostru poveru Tony, purtatu in trionfu dopu à meza finale Bastia-Sedan in 2002 è chì avia dichjaratu à Téléfoot, davant'à un Thierry Roland stumacatu "ça fait bizarre de le dire, mais oui le peuple corse existe"...
Una cosa hè strana, cumu serà chì Thiriez ùn hà fattu nisun cummunicatu pè cundannà à Bastia in l'affare Vairelles ?
Oghje, hè dunque à u centru d'un cumbugliu abbastanza goffu. Hè accusatu di tentativa d'omicidiu è hà passatu a so prima notte in prigiò. Hè accusatu d'avè tiratu una fucilata nant'à i videurs d'una buatta di notte, a stampa ùn parla più ch'è di quessa.
A baruffa si passa in a sinistra piaghja di a Meurthe et Moselle, in una discoteca (o piuttostu un hangar) chjamata "Les 4 As". I dui fratelli di Tony, Giovan è Jimmy facenu a bomba è beienu appena troppu. Tandu, si facenu mette fora da unepochi di videurs antipatichi, cum'è sempre. Voltanu una prima volta per vindicassi, ma piglianu i colpi.
Hè tandu ch'elli chjamanu i dui fratelloni, chì sarianu venuti cù i fucili è tiratu nant'à i videurs. Per avà ùn si sà nunda d'altru, è tutti anu dirittu à a famosa "présomption d'innocence" chì noi Corsi, cunniscimu cusì male.
Ma l'affari sò in francese per u nostru poveru Tony, purtatu in trionfu dopu à meza finale Bastia-Sedan in 2002 è chì avia dichjaratu à Téléfoot, davant'à un Thierry Roland stumacatu "ça fait bizarre de le dire, mais oui le peuple corse existe"...
Una cosa hè strana, cumu serà chì Thiriez ùn hà fattu nisun cummunicatu pè cundannà à Bastia in l'affare Vairelles ?
![Libertà pè Tony Vairelles Libertà pè Tony Vairelles](https://www.wmaker.net/apiazzetta/photo/art/default/3385189-4864671.jpg?v=1319628366)