I francesi vincenu a cuppa di u mondu... di u pumataghjisimu

I francesi anu di chè cunsulassi dop'à a so eliminazione catastròfica di l'Euro 2008 :

Per a segonda volta à filu, un'inchiesta internaziunale fatta ind'è i prufeziunali di u turisimu dimostra chì i più antipatichi, rancichi è scrianzati sò... i turisti francesi.

Ùn semu micca noi chì a dimu, hè una inchiesta assai seria fatta ind'è 4.000 osteriaghji di u mondu. U bilanciu hè tremendu è u guatru pintu da sti prufeziunali e face falà scutrate :

Prima i turisti francesi sò gattivissimi in lingue. I francesi à l'esteru ùn ci capiscenu nunda ! È ùn facenu micca u sforzu di circà d'amparà a lingua di u paese induv'elli vanu.

Dopu sò scrianzati. Chì di siguru, "le client est roi" è si permettenu tuttu. Sopr'à tuttu ind'è l'altri !

Sò dinù azezi è sfacciati. Iè, ancu puru in vacanze, trovanu à dì è à anerbassi...

Infine, hè ùn hè micca una surpresa, l'osteriaghji i trovanu rancichi.

In testa di a classifica di i turisti i più appreziati, generosi, curtesi, discreti è garbati : i giappunesi è l'americani.

Allora, site pronti pè dui mesi d'infernu ?

l'11 di Lugliu 2008

U Sgaiuffu

Accueil

Envoyer à un ami

Version imprimable

1.mandatu da estrimei u 11/07/2008 09:02

o Sgaiu ' ,
un ci he bisognu d'inchieste ,tutti i ghjorni si ne vede o si n'ampara una (eri dopu mezziornu ,nu un cummerciu , avemu avutu una dimustrazione di smurfia di un coppiu di marsigliesi imbecilli e sumeri ) ma u peghju so sti corsi impizzutiti chi ci piglianu per "gnaccuè ".

2.mandatu da un d'i marsigliesi... u 11/07/2008 10:22

… imbecilli è sumeri ? ùn ci vole micca à fà d’un casu una generalità, mà sopratuttu ùn ci vole micca à scurdassi chì Marsiglia hè a prima cità corsa di Francia…
Eccu :
http://www.google.fr/search?hl=fr&q=marseille+premi%C3%A8re+ville+corse&btnG=Rechercher&meta=

3.mandatu da Mazzone u 11/07/2008 10:41

Ma chì c'entre à fà quì Marseglia ?
Cità di pastizzoni techji à bucciate !

Eh iè... Cum'è diciaria l'eccelente "A Techja" :
"I stereotipi duranu di più chì a siesta d'un Corsu".

http://www.atechja.com

4.mandatu da Gilbert u 11/07/2008 13:35

Mà chi bellu zitellu!!! Pare tuttu a gilbert thiel!

Marseglia? parlate di a cità occitana induve si beve un pastizu di qualità a l'umbrìa di u vechju portu nanzu di fassi una bucciata?

5.mandatu da estrimei u 11/07/2008 15:39

a un d'i marsigliesi... ,
m'hai mal capitu, aghju ammentatu un fattu accadutu eri , e so cascatu nant'a un coppiu di marsigliesi (pudia esse statu parigginu, o parmiggianu) . sta manera d'esse e di fà si ritrova abbastanza spessu 'nde ghjente chi stannu nu e grande cità di Francia e he praticata spessu ,per disgrazia , per corsi chi stannu in Francia .
ha raggio , U Sgaiuffu , ghjente scrianzata ,azzeza , sfacciata e fumuta inde quelli chi sbarcanu d'estate ci n'he troppu .
Forse serrai un bè ,di riceve mennu turisti e fà a penna di piu di pustimme chi l'essenza ha da incarisce i prezzi.

6.mandatu da ribella u 11/07/2008 18:39

O Estime' , ma perche i chjami "gnacoué", era un nome datu dà i militari frencesi à i cumbatenti d' Indochina, nò?
Sò piutostu PUZZERE, u nome corsu pè rimpiazza c---i chi hè un francisume , e pò issa parte di u corpu di a donna a me mi piace ,à voi no? Un c'hè che i frencesi pè sprimesi di manera cusi sprezzante pè cose cusi impurtanti è in piu dicenu dinu ch'elli sò i piu forti! .........sera vera?....A chi parla troppu.....

7.mandatu da ribella u 11/07/2008 18:45

O Estime' , ma perche i chjami "gnacoué", era un nome datu dà i militari frencesi à i cumbatenti lucali d' Indochina chjamata oghje Vietnam, nò?
Sò piutostu PUZZERE, u nome corsu pè rimpiazza c---i chi hè un francisume , e pò issa parte di u corpu di a donna a me mi piace ,à voi no? Un c'hè che i frencesi pè sprimesi di manera cusi sprezzante pè cose cusi impurtanti è in piu dicenu dinu ch'elli sò i piu forti! .........sera vera?....A chi parla troppu.....

8.mandatu da estrimei u 11/07/2008 20:30

a ribella ,
forse mi sbagliu,ma mi pare chi "gnacué" era u termine sprezante adupratu da i suldati francesi per sballurizà i vietnamiani (culunizati) e s'aduprava in Corsica tant'anni fà per qualificà qualchissia chi un sentia di nunda.
aghju vulsutu adupra stu termine ch'aghju intesu nu a mio giuventu - e custi a vogliu impuntellà- senza vulle sprezza i vietnamiani. d'altronde vogliu salutà stu Populu chi s'he sfattu di a culunisazione francese e americana.
un cuniscia micca PUZZERE . so d'accunsentu per un piu aduprà sti termini currenti di a lingua francese , chi un hanu micca a so piazza nu u nostru parlatu

9.mandatu da Còsulu u 03/08/2008 15:11

U pumataghjisimu di unu é u putanisimu di l'altru ...
Ùn aghju ancu fattu a mé scèlta !!

10.mandatu da ghisonesi u 04/08/2008 10:51

A parolla "puzere" hè ancu impiecata da i nostri vechji in una spressione.

Si dice "e to puzere" per dì e to pazzie, o e to scimità... in stu sensu quì.

Eccu à prestu.

11.mandatu da suffia u 26/08/2008 23:51

Un hé micca una surpresa que!!nunda chi a faccia ch'elli anu...............^^Parenu pitochji e a chi bruttu di natura un vale lavatura alora in vacanze o no!un cambia nunda a l'affare............

12.mandatu da Culomba1 u 15/03/2009 23:45

Questione à 1 Eurò : è noi, i Corsi, cum'è simu classati da "ricivitori"?? lol...

13.mandatu da Accunsentu u 22/01/2010 21:05

Aghju un'idea (o forse hè stata aghjà pruposta) parchè chì ùn fariamu micca un cuncorsu di fotò di i francesi l'istate è l'invernu. (postu chì li piace cusì tantu u ridiculu -vede l'enquête corse-);
È dopu ne femu un album, è un ghjornu un filmu.
Chì vi ne pare?

Novu cumentu :