A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

CGT-SNCM, u hold up permanente

Nanzu, i zitelli dicianu "quandu seraghju più grande, vogliu esse maffiosu". Oghje, dicenu "seraghju à a CGT di a SNCM".



CGT-SNCM, u hold up permanente
È voi chì pensavate avè a pace cù a ritirata di Jean-Pôl Israël... U lider màssimu di i marinari di Marseglia (alias U Bulldozer) si n'hè andatu ma a CGT cuntinuveghja à fà greva.

Quantu volte seranu stati bluccati i belli battelli bianchi di a cumpagnia maritima, pagati à colpi di milioni d'euro di suvvenzioni di a CTC.

Paul Giacobbi vene d'esse elettu sceffu di a Corsica è eccu chì i Marsegliesi si sò digià messi in greva. A situazione ùn sterà tantu : "La collectivité de Corse appuie la CGT", dice 20minutes.fr... Ùn si pò esse più chjaru.

In nome di a difesa di u serviziu pùblicu (ma micca di l'interessi di i Corsi), a CGT di Marseglia hè u veru patrone à l'Offiziu di i Trasporti.

A SNCM, cumpagnia a più cara hè dinù a più suvvenziunata da a CTC : 70 milioni d'euro.

Cun sti 70 milioni d'euro in più di i benefizii fatti cù l'afflussu di turisti l'estate, quantu Corsi sò imbusciati da a cumpagnia ? Quantu impieghi creati in Corsica ?

È quantu in Marseglia ?

Iè, hè megliu di fà CGT in Marseglia ch'è d'esse à a brise de mer, hè menu periculosa.

u 7 d'Aprile 2010
u webmaestru



1.mandatu da machja u 07/04/2010 13:22
A CGT a ruvinatu u portu di Marseglia,oghje tutti i transporti cumerciale passanu per Genova o Barcelone,e i soldi di a cuntinuità territuriale,ne prufitanu i marinari e a cita di Marseglia,ghje per quessu ch'elli un volenu cappia a SNCM.
Bucchini e Giaccobi, a pulitica suciale a facenu, ma mica per i corsi, e cun elli rigaleremu dinu i travagliadori francese.

2.mandatu da santucci u 07/04/2010 13:49
Egliu ava pigliu sempre a corsica ferries. Ne possu piu di e greve di a sncm. U giornu di u mo matrimoniu a famiglia di a mo moglie è stata blucata in Toulo. Rispettu per i grevisti ne agjhu, chè li si lampi tutti in mare!!!

3.mandatu da Titanic u 07/04/2010 13:56
So bè e greve, incu l'Attentati so i soli affari chi pudianu impedisce i stranieri di vene in Corsica, aio o Corsu sustenimu tutti a CGT..!!

4.mandatu da Corsudimaseglia.. u 07/04/2010 13:59
O Machja ci so numerosi corsi chi stanu e chi travaglianu in marseglia, nant'à u portu e à a Sncm, so stati ubbligati di parte perchè ùn ci era travagliu in corsica...!!

5.mandatu da machja u 07/04/2010 14:00
A CGT hè un sindicatu francese chi difende i marinari francese, noi avemu u STC

6.mandatu da machja u 07/04/2010 14:05
O Corsudi marseglia,nimu un hè statu ubligatu di parte in altro, per travaglia, un li hanu mica messu a pistola nantu u capu, e se a Corsica hè vioda oghje, e a colpa a assai corsi chi cridianu truva furtuna per isse francie.

7.mandatu da Corsudimaseglia.. u 07/04/2010 14:13
Micca truvà furtuna...Ghjustu campà senza avà dà fà u pastore...!! Oghje a Corsica ùn hè vioda, ùn hè mai stati cusi tantu pupulatu, e quelle chi venenu qui nimu ùn li mette più a pistola in capu pè ch'elli partenu.....I corsi d'altro so i nostri cumpatriotti...!!

8.mandatu da Titanic u 07/04/2010 14:16
A CGT difende tutti i marinari, ancu corsi e stranieri......vecu chi ùn cunosci i sindicati (detti...) francesi.

9.mandatu da Testamoraefiorerossu.. u 07/04/2010 14:56
O Ghjente "Marseille Terra Corsa".... "Israel "Gloria a tè ùn siate ghjelosi, e CGT hè un veru sindicatu revoluzionariu, d'altronde u STC dice sempre chi voile diventà a CGT di u populu corsu..!!!

10.mandatu da Culunellu.. u 07/04/2010 15:00
A mè ùn garbanu tantu quelli chi criticanu a CGT, dicendu chi ghjè un Sindicatu Francese, chi ghjè esatamente....un sindicatu francese.,?? U STC sarà un sindicatu corsu po esse, quand' elle fù creatu dà u fronte forse, mà avale...ùn credu più...!!

11.mandatu da machja u 07/04/2010 15:08
A Corsica hè vioda ..di corsi,oghje i frusteri sbarcanu inde noi per fa furtuna, mica per fa i pastori,saranu piu maligni che noi altri ?
I corsi so andati a culinizà u mondu sanu per a francia, mentre chi i francesi culunizavanu u nostru paese.
Inno, i corsi si stanu meiu nant'u portu di Marseglia o di Tulo, cu a carta di a CGT in staca, chi so elli i patroni.
I Corsi d'altro so i nostri cumpatriotti ... un mese per anu, per manghjassi un pezzu di casgiu o di ficatellu, ma per u restu un ci he piu nimu.

12.mandatu da machja u 07/04/2010 15:20
Un sindicatu francese hè un sindicatu "sponsorisatu",(mi perdonerete su francorsu) per i patroni francese, per ch'elli saranu a so bocca, cio ch'elli facenu vunlinteri, perche ancu in francia un ci hè che 8% di i travagliadori sindicati, e tutti si manghjoni di a CGT, FO,CFDT o altri si tecchjanu nant'u spinu di u populu, ch'ellu sia corsu o francese.

13.mandatu da Culunellu.. u 07/04/2010 15:28
Pocu rabbia contra i sindicalisti o Machja !!, Chi vole fà una rivoluzione...???

14.mandatu da So eiu u 07/04/2010 15:29
O titanic ci li ferma quantunque lavio!

15.mandatu da Korsu.... u 07/04/2010 16:19
Un isula deve esse isulata, dunque nè più aviò nè batelli nè navi...!!!!

16.mandatu da estrimei u 07/04/2010 20:18
avè a rabbia contru a cgt di Marseglia chi ci ha sempre a calci in cullu ? chi vergogna ?
'nu i tempi c'eranu i camalli , oghje he u persunale di i battelli ,tutti militenti di a cgt , chi hanu sempre difesu ....i so 'nteressi.
eri hanu arruinatu (in cumblicculla 'ncu a direzzione) a sncm publica , oghje , d'accunsentu 'ncu Veolia (si cunoscenu bè tra di elli !) si vollenu impone .
v'arricurdate di a smurfia di quellu Israel, quellu chi u rimpiezza mi pare di listessa razza.
pare chi nepochi d'anni fà , in portu di Marseglia a robba pè a risturazione di i battelli era smezata e chi una metà era vinduta a risturenti marsigliesi ? n'avete intesu parlà?
ci 'ole a sperà chi Bucchini e Giacobbi seranu piu primurosi di l'interressi di a Corsica che di quelli di a cgt e di Veolia

17.mandatu da Rossu u 07/04/2010 21:08
A Corsica ùn ha bisognu di nunda.....soli i corsi puderebbinu avè bisognu mà quessa sarà un altr'affare...!!!

18.mandatu da estrimei u 07/04/2010 21:18
o Rossu ,
a Corsica ha bisognu .... di i so figlioli

19.mandatu da Rossu u 07/04/2010 21:22
O Estrimei !! Troppu bastardi avale...!!

20.mandatu da contuinbanca u 07/04/2010 22:11
da Bastia pè passà in Marseglia : SNCM una vittura 1 persona 1 futtogliu = 286 euros !! qui dit mieux ! mancu abbastanza à a SNCM, tichjemuli bè chi ùn ne piglianu micca abbastanza ! EVVIVA A CGT

21.mandatu da Traditore u 07/04/2010 22:29
I "soldi" o contuinbanca so u nerbu di a guerra....senza soldi più lotta...!!!

22.mandatu da A voce di Culombu u 08/04/2010 10:48
Sapete quantu ci hè impiegati à a Sncm in Marseglia è quantu ci n'hè in Corsica? Mi pare chì a cumpania Corsica è Mediterraniu si deverebbe chjamà SN Marseglia è Mediterraniu. Hè nurmale chì i travagliatori difendessinu u so pane, mà a Cgt di marseglia difende u cumpane. Senza u sbarcamentu di l'ellicotteri aviamu una cumpania di batelli corsa, avà ùn avemu piu nundà... Forza STC pè difende l'interessi di i Corsi

23.mandatu da Traditore u 08/04/2010 22:13
o "Voce", u STC po dinù difende i travagliatori corsi di Marseglia no, invece di difende certi pinzutti di corsica...!!

24.mandatu da anto u 09/04/2010 08:58
O ghjentè un simu mica abbastanza numérosi pè tazzacci tra di noi ,faccendu cusi aiutèmu quelli chi ci volenu tantu bène ..............
http://anto.over-blog.org

25.mandatu da A voce di Culombu u 09/04/2010 12:45
@ traditore, aghju scrittu chì u STC difendia i Corsi, tutt'i Corsi, ch'elli sippiinu in Corsica o in altrò. Sè t'ùn ai capitu, aghju scrittu chì ghjè nurmale chì ogn'unu si difende mà chì a cgt ci fatica. Spergu esse piu chjaru

26.mandatu da Traditore u 09/04/2010 18:12
@ Voce, aghju capitu cio che tu ai dettu, mà dicu eo chi u STC, difende ancu i pinzutti in Corsica chi occupanu piazze di corsi di qui e d'altrò....e quessa ùn hè cursizazioni di l'Impieghi allora chi certi di l'altri sindicati (Cgt..o altri...) facenu pè i corsi senza dilla.... si po chjamà forse "clanisimu" mà eo u chjameraghju "Sulidarità etnica" incu cumpatriotti indè u bisognu....Eccu ci simu capiti...?!?

27.mandatu da estrimei u 09/04/2010 18:50
o Traditò ,
hai scrittu:...certi di l'altri sindicati (Cgt..o altri...) facenu pè i corsi senza dilla....
scusa ma eu un mi ne so mai avvistu , a u cuntrariu....

28.mandatu da Giovannoni u 11/04/2010 21:04
ùn avemu ché da bluccà l'autostrade chì sbòccanu nant'à Marseglia ! Postu chi i marsegliesi ci blòccanu i nostri porti...
A danaru di a CTC ghjè per a Corsica o perch'elli si tèchjinu i marsegliesi ??

29.mandatu da U muntagnolu u 17/04/2010 15:21
I corsi paganu l'impositu di u trasportu e sò i marsegliesi chi si techjanu. E perche i marsegliesi ùn pagherebbenu l'impositu cun noi elli dinù ?! Apressu à tuttu li avemu datu i nostri soldi pè via di l'impositu, i nostri impieghi (perche ùn vecu micca a ragione chi face chi cume simu un scogliuculu pè a grande Marseglia ci serebbe menu corsi Che marsegliesi), e pò li avemu datu u ( port d'attache) sinificheghja chi ogni vorte chi un marinaru corsu imbarca li tocc'a piglià l'aviò pè andà quallà in Marseglia! Ùn pare Vera aiò! Eccu ! Renditevi contu di u sprupositu d'ista cunneria ! Paghemu u legnu pè scallà u vicinu !!

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city