![clinton, hillary, bill, usa, capagna, elezzione, presidente, demucratichi, clinton, hillary, bill, usa, capagna, elezzione, presidente, demucratichi,](https://www.wmaker.net/apiazzetta/photo/art/default/922433-1141568.jpg?v=1289515025)
clinton, hillary, bill, usa, capagna, elezzione, presidente, demucratichi,
I Clintoni, dopu u maritu, a moglia...
Li ricuniscite? Anu fattu cum'è u vinu, chè? Ma Bill Clinton, s'è vi dumandu ciò ch'ellu hà fattu à longu à i so dui mandati, mi parlerete di sicuru di què. Oramai, più chè e guerre o l'idee bone, sò l'evenimenti pippoli chì facenu a storia. Cunta mè di Georges Bush, un ghjornu, ci scurderemu ancu ch'ellu hà mandatu i giovani americani à u macellu in Iraccu è ch'ellu hè u rispunsevule di millaie di morti in stu paese...
Fatt'è fine chì d'Hillaraccia, ùn ci hè altru nunda à dì, ch'ella hè stata a moglia curnuta di l'anzianu presidente... In quantu à l'altru candidatu, u so percorsu persunale vene bellu più interessante.
Li ricuniscite? Anu fattu cum'è u vinu, chè? Ma Bill Clinton, s'è vi dumandu ciò ch'ellu hà fattu à longu à i so dui mandati, mi parlerete di sicuru di què. Oramai, più chè e guerre o l'idee bone, sò l'evenimenti pippoli chì facenu a storia. Cunta mè di Georges Bush, un ghjornu, ci scurderemu ancu ch'ellu hà mandatu i giovani americani à u macellu in Iraccu è ch'ellu hè u rispunsevule di millaie di morti in stu paese...
Fatt'è fine chì d'Hillaraccia, ùn ci hè altru nunda à dì, ch'ella hè stata a moglia curnuta di l'anzianu presidente... In quantu à l'altru candidatu, u so percorsu persunale vene bellu più interessante.
U simbulu di e lotte civiche di u dopu guerra
S'hè parlatu assai di i quaranta anni di a morte di Martin Luther King, u pastore neru chì luttava per u rispettu di i diritti civichi di i neri. A candidatura di Barrack Obama, trenta anni fà, mancu à pensà la. È in Francia, dopu u terramottu di Le Pen in u 2001, sò pochi pochi i candidati pulitichi esciuti da l'immigrazione. Eppuru, in i Stati Uniti un candidatu neru, esciutu da l'immigrazione, chì hè ingrandatu in Hawai, nun solu si presenta à l'elezzione a più impurtante di u mondu ma a puderebbe vince. Iè, nun solu per quessa, i Stati Uniti sò da salutà. In Francia, oghje chì hè oghje, mancu à pensà la di vede un Mouloud M'Kloufi presentà si à qualsiasi elezzione. À u limitu, puderebbe esse elettu capimachja di i pighjunanti di a barra 47 di u carrughju R in una cità mulizzosa di u circondu pariginu. In quantu à i candidati esciuti da e minurità regiunale, hè listessa. Dipoi ch'ellu ci hè a demucrazia in Francia, hè strana ma ùn avemu avutu nisun corsu à l'incapu di a Francia. O Napoléon, aiò, reviens !!!
S'hè parlatu assai di i quaranta anni di a morte di Martin Luther King, u pastore neru chì luttava per u rispettu di i diritti civichi di i neri. A candidatura di Barrack Obama, trenta anni fà, mancu à pensà la. È in Francia, dopu u terramottu di Le Pen in u 2001, sò pochi pochi i candidati pulitichi esciuti da l'immigrazione. Eppuru, in i Stati Uniti un candidatu neru, esciutu da l'immigrazione, chì hè ingrandatu in Hawai, nun solu si presenta à l'elezzione a più impurtante di u mondu ma a puderebbe vince. Iè, nun solu per quessa, i Stati Uniti sò da salutà. In Francia, oghje chì hè oghje, mancu à pensà la di vede un Mouloud M'Kloufi presentà si à qualsiasi elezzione. À u limitu, puderebbe esse elettu capimachja di i pighjunanti di a barra 47 di u carrughju R in una cità mulizzosa di u circondu pariginu. In quantu à i candidati esciuti da e minurità regiunale, hè listessa. Dipoi ch'ellu ci hè a demucrazia in Francia, hè strana ma ùn avemu avutu nisun corsu à l'incapu di a Francia. O Napoléon, aiò, reviens !!!
Obamania
Tandu, stu simbulu di riescita ch'ellu hè Barack Obama piace assai. Diventa ellu u simbulu di u sognu americanu duve ognunu averebbe a diccia, a pussibilità d'esse ciò ch'ellu vole. Attenti quantunque chì di fà si presidente o di riesce ùn vene cusì faciule mancu quallà... Intantu, cresce a speranza incù l'obamania, simbulu dinù di mudernità è di ronnivu di a classa pulitica. A palesa stu filmu duve ellu ghjoca ancu à u basket!
Ch'ella fussi in pulitica o in sportu, si pò dì chì Obama l'hà a "baraka"... Da quì à ciò ch'ella fussi bianca...
Tandu, stu simbulu di riescita ch'ellu hè Barack Obama piace assai. Diventa ellu u simbulu di u sognu americanu duve ognunu averebbe a diccia, a pussibilità d'esse ciò ch'ellu vole. Attenti quantunque chì di fà si presidente o di riesce ùn vene cusì faciule mancu quallà... Intantu, cresce a speranza incù l'obamania, simbulu dinù di mudernità è di ronnivu di a classa pulitica. A palesa stu filmu duve ellu ghjoca ancu à u basket!
Ch'ella fussi in pulitica o in sportu, si pò dì chì Obama l'hà a "baraka"... Da quì à ciò ch'ella fussi bianca...