Mà chi ghjè u G8 ? Sarìa un tippu di sopraministeriu mundiali, vicinu di quidda « World Company » chì mustrani i « guignols de l’info », un’accolta di l’ottu paesi i più ricchi è industrializzati chì porta u mondu (Stati Uniti d’America, Canadà, Francia, Italia, Britannia, Germania, Ghjapponi, Russìa: u 14% di u numaru totali di cristiani, mà u 65% di i ricchezzi). In’ssa accolta ditta, s’hà dà scedda è stabilì l’avvena di u mondu sanu.
Mà quali avvena sarìa ? Un’avvena neoliberali, raccugliendu tutt’i richezzi in mani di qualchì riccacciu è di qualchì impresa multinaziunali. In quiddu G8 s’imponini i « legi maiò » attornu à i stessi prublema è i stessi scopi :
- L’aumentu di ciò chi chjamani a « crisciuta ecunòmica » : o pà dìlla chjara, comu metta trà i mani d’un rochju d’aienti impanzatti i servizii publichi di i popula. Quicci in Corsica, ni cunnuscemi i gattivi seguiti, di ‘ssa arsa di privatisazzioni : o chì fussi stata quidda di France Télécom, chì c’hà achjucculitu parsunali è mezzi d’intervenzioni, un annu fà, malgratu un disoperu di i travaddatori, o chì fussi stata quidda di a SNCM, o chì sìa quidda di a saluti, chì pudarìa fà smariscia l’uspidali d’Aiacciu o chì sìani tutti ‘ssi servizii è lucali chì smariscini ogni ghjornu, fendu mori a vita di i nosci paisoli ; ùn ci sminticaremi nimmancu di a vendita di tutti l’istallazioni portuarii è cumerciali à Veolia, impresa multinaziunali.
-L’« Accunsenti contr’u terrorisimu », n’a seguita di i legi dopu l’11 di Sittembri, chì sò legi pariculosi, n’u sensu chì smariscini i diritti di tuttugnunu, mentri chì a pulizza pidda di più in più di puteri, mentri chi l’armati sò di più in più prisenti n’a sucetà, è chì i diritti di l’arristati brusgiani com’è zulfaneddi : custuditi chì crescini à 96 ori in francia, à 7 ghjorni in Euskadi, à 54 ghjorni in Ulster ; cuntrolli n’i spazii publichi, in l’aeroporti, n’i stazzioni, ingiru à i querini popularii, pà pruteggi i parti piu ricchi di i cittai, diritti di a pulizia aumitati, tortura di più in più tullerati…
So ancu ‘ssi legi chì ghjustificani tutti l’occupazzioni militarii di u mondu, principiendu cù quiddi di l’Irak è di l’Afganistànu dà li USA, o di u Ciàd dà a Francia.
A Maddalena ghjè un gruppucciu di 7 isuli trà a Corsica è a Sardegna. Sin’à l’invasioni di i truppi francesi, n’u 1755, facìa parti di a ghjuridizioni corsa. Faci avà parti di u statu talianu. Si parla sempri custìndi un vechju parlatu vicinu di u gadduresu chì ricunnoscini l’arechji corsi suttannacci.
A scelta di quiss’isula ùn esci di nudda. A Maddalena sarìa à pena un mischju trà a Sulinzara ed Asprettu. N’hè statu istaddatu una di i basi militarii americani più maiò d’Auropa, quicci pà impona a sicurezza di u mondu libaru. Ci si trovi’ndrentu un’arsenali di guerra tamantu (ùn si sà mai, sè Khadafi prova dumani di scruccàcci dà i francesi).
N’u 2006 hè statu un’affaraccia tamanta quand’un uffiziali di a flotta taliana hà dichjaratu è mustratu chì l’armata americcana lampaia a se rumenta radioattiva n’i bucchi di Bunifaziu. Dopu una lunga mubilisazioni, dopu tanti arresti, u statu americanu hà infini sceltu u ritiru di i truppi n’u 2011.
Di‘ssa vittoria di a pupulazioni s’hè bè sviddatu u muvimentu naziunali sardu : s’hè principiatu un ciculu di mubilisazioni suciali ch’ùn hà bastatu di sbuccià.
A scelta di u locu di a Maddalena pà u G8 ghjè una nova sfida. Faccia à quissa sfida, sò numarosi l’aienti ch’ani pruvatu di lancià un muvimentu. In Sardegna ghjà, i cullettivi « kontra su G8 », contr’u G8 so nati dà dui mesi, chì sichini n’i città è n’i rughjona di l’isula, o ancu fora, cù i cullettivi di sardi spaluzzati n’i cittai taliani, nati pà custruì a resistenza contra quidda occupazioni chì ci voli à piantà.
D’altrondi tutti l’accolti di u G8 so stati disturbati dà militanti antiliberali, anticapitalisti di tuttu u mondu, adduniti pà pruvà di paràlli, trabachjendussi à fà manifestazioni è azzioni comu in Genuva’n u 2001 (assassinatu di u studienti Carlo Giuliani) o in Rostock l’annu scorsu.
U populu corsu s’hè sempri sciuttatu di fronti à l’assalti imperialisti, s’hà dà sempri sciutà dirimpettu à l’attaccu di u nosciu patrimoniu. Emi un annu pà piantà a sfida, inveci di stà muti è sbalurditi…Ready ?…Go !
Mà quali avvena sarìa ? Un’avvena neoliberali, raccugliendu tutt’i richezzi in mani di qualchì riccacciu è di qualchì impresa multinaziunali. In quiddu G8 s’imponini i « legi maiò » attornu à i stessi prublema è i stessi scopi :
- L’aumentu di ciò chi chjamani a « crisciuta ecunòmica » : o pà dìlla chjara, comu metta trà i mani d’un rochju d’aienti impanzatti i servizii publichi di i popula. Quicci in Corsica, ni cunnuscemi i gattivi seguiti, di ‘ssa arsa di privatisazzioni : o chì fussi stata quidda di France Télécom, chì c’hà achjucculitu parsunali è mezzi d’intervenzioni, un annu fà, malgratu un disoperu di i travaddatori, o chì fussi stata quidda di a SNCM, o chì sìa quidda di a saluti, chì pudarìa fà smariscia l’uspidali d’Aiacciu o chì sìani tutti ‘ssi servizii è lucali chì smariscini ogni ghjornu, fendu mori a vita di i nosci paisoli ; ùn ci sminticaremi nimmancu di a vendita di tutti l’istallazioni portuarii è cumerciali à Veolia, impresa multinaziunali.
-L’« Accunsenti contr’u terrorisimu », n’a seguita di i legi dopu l’11 di Sittembri, chì sò legi pariculosi, n’u sensu chì smariscini i diritti di tuttugnunu, mentri chì a pulizza pidda di più in più di puteri, mentri chi l’armati sò di più in più prisenti n’a sucetà, è chì i diritti di l’arristati brusgiani com’è zulfaneddi : custuditi chì crescini à 96 ori in francia, à 7 ghjorni in Euskadi, à 54 ghjorni in Ulster ; cuntrolli n’i spazii publichi, in l’aeroporti, n’i stazzioni, ingiru à i querini popularii, pà pruteggi i parti piu ricchi di i cittai, diritti di a pulizia aumitati, tortura di più in più tullerati…
So ancu ‘ssi legi chì ghjustificani tutti l’occupazzioni militarii di u mondu, principiendu cù quiddi di l’Irak è di l’Afganistànu dà li USA, o di u Ciàd dà a Francia.
A Maddalena ghjè un gruppucciu di 7 isuli trà a Corsica è a Sardegna. Sin’à l’invasioni di i truppi francesi, n’u 1755, facìa parti di a ghjuridizioni corsa. Faci avà parti di u statu talianu. Si parla sempri custìndi un vechju parlatu vicinu di u gadduresu chì ricunnoscini l’arechji corsi suttannacci.
A scelta di quiss’isula ùn esci di nudda. A Maddalena sarìa à pena un mischju trà a Sulinzara ed Asprettu. N’hè statu istaddatu una di i basi militarii americani più maiò d’Auropa, quicci pà impona a sicurezza di u mondu libaru. Ci si trovi’ndrentu un’arsenali di guerra tamantu (ùn si sà mai, sè Khadafi prova dumani di scruccàcci dà i francesi).
N’u 2006 hè statu un’affaraccia tamanta quand’un uffiziali di a flotta taliana hà dichjaratu è mustratu chì l’armata americcana lampaia a se rumenta radioattiva n’i bucchi di Bunifaziu. Dopu una lunga mubilisazioni, dopu tanti arresti, u statu americanu hà infini sceltu u ritiru di i truppi n’u 2011.
Di‘ssa vittoria di a pupulazioni s’hè bè sviddatu u muvimentu naziunali sardu : s’hè principiatu un ciculu di mubilisazioni suciali ch’ùn hà bastatu di sbuccià.
A scelta di u locu di a Maddalena pà u G8 ghjè una nova sfida. Faccia à quissa sfida, sò numarosi l’aienti ch’ani pruvatu di lancià un muvimentu. In Sardegna ghjà, i cullettivi « kontra su G8 », contr’u G8 so nati dà dui mesi, chì sichini n’i città è n’i rughjona di l’isula, o ancu fora, cù i cullettivi di sardi spaluzzati n’i cittai taliani, nati pà custruì a resistenza contra quidda occupazioni chì ci voli à piantà.
D’altrondi tutti l’accolti di u G8 so stati disturbati dà militanti antiliberali, anticapitalisti di tuttu u mondu, adduniti pà pruvà di paràlli, trabachjendussi à fà manifestazioni è azzioni comu in Genuva’n u 2001 (assassinatu di u studienti Carlo Giuliani) o in Rostock l’annu scorsu.
U populu corsu s’hè sempri sciuttatu di fronti à l’assalti imperialisti, s’hà dà sempri sciutà dirimpettu à l’attaccu di u nosciu patrimoniu. Emi un annu pà piantà a sfida, inveci di stà muti è sbalurditi…Ready ?…Go !
I più belli tweets di François Fillon
