Infine una bona nutizia ?

Un Francese nant'à dui ùn anderà in vacanze st'estate.

Ci cunsulemu cum'è no pudemu. Cù a crisa, i Francesi prevedenu digià di spende menu per e prussime vacanze st'estate.

Digià ch'elli sò ricunnisciuti cum'è essendu i turisti i più rancichi di u mondu da una inchiesta internaziunale...

Allora ? Menu turisti, menu pumataghji, menu campings car per e nostre strade... è menu soldi per l'ecunumia corsa ? L'avvene a dicerà.

Di manera più seria, a crisa ci face capisce u periculu d'una ecunumia chì s'appoghja unicamente nant'à u turisimu. Una crisa, una pulluzione, è tuttu si sprufonda. Appena periculosu, nò ?

Tè, è s'è no circavamu di sviluppà l'agricultura, per esempiu ? Ma hè più faciule d'apre una capanna di sandwiches in bor di mare ch'è di campà di u travagliu di a terra...

u 31 di Marzu 2009

u webmaestru

Accueil

Envoyer à un ami

Version imprimable

1.mandatu da Ziu Dumè u 31/03/2009 09:57

Aghju a paura, à u contrariu, d'assiste à a pumataghjisazione di i più pochi turisti chì ghjunghjeranu.

Omancu, tutte ste closce faranu capì à unepochi di sgaiuffi chì l'eldorado turisticu in Corsica era solu un illusione ruccaserrista.

2.mandatu da estrimei u 31/03/2009 11:12

inno! o ziu Dumè , quelli chi ghjunghjennu in Corsica un sò micca tocchi di a situazione! so i peghju !
han' a ghjunghje , s'hanu da cumprà lochi per piazzà i so soldi.
...e i soldi di u turisimu anderanu 'nu e stacche di qualchi corsu e di parecchji strangeri.
e tira avanti e tocca....

3.mandatu da muammar u 31/03/2009 23:09

Ma allora saremu sempre cundamnati a esse patron di paillote o capraghju, un ci sara mai un antru avvene pà i ghjovani corsi, altru ché di campà di u turisimu o di l'agricultura !

4.mandatu da Kugùrn u 01/04/2009 10:51

ancu Walmart ci l'ha fatta à apre un magazinu in'u Chjapas...
hè dura...

5.mandatu da ZIU ANTO U PURCAGHIU u 04/04/2009 22:45

U PRUVEBIU CHI PIACIA A BABONE.. PIU PECURE DIU MOCCI !!!! VOLE DI TUTTU...

Novu cumentu :