I v€rmi irland€si

Mentre ci matriculemu u cerbellu pensendu à u sviluppu ecunomicu di a Corsica, l'Irlandesi elli anu l'anu fatta à assestà u sviluppu ecunomicu incù a prumuzione di a diversità biulogica è i sciali di a vita...

vermu, vermi, irlanda, ecunumia, magagna

Hè cusì chì un studiu ecunomicu di prima trinca, longu di 197 pagine, stablisce chì i vermi "arrecanu 700 milioni d'€ à l'annu" à l'Irlanda.

U ministru irlandese di l'ambiu, John Gormley hà spiegatu - in lingua corsa à u giurnalista di A Piazzetta mandatu apposta in Irlanda - chì stu rapportu "Costi è benefizii di a biudiversità in Irlanda" incalcava nant'à u travagliu di i vermi chì puliscenu a terra di a roba morta è chì liberaghja nutrimenti à buzeffu".

I redattori di stu studiu preciseghjanu dinù chì a cuntribuzione di i vermi à l'insulcatura è à l'urticultura puderianu arricà più d'un milione d'euro. Chì malignoni st'Irlandesi laziosi!

Postu chì simu quasi 300 000 in Corsica, i vermi nustrali, a cridite voi ch'elli sò capaci à arricà ci à ognunu 3€ à l'annu? Puh, ùn ci paganu mancu un ghjacciu sti ranciconi!

u 21 di Maghju 2008

Sbanditu

Accueil

Envoyer à un ami

Version imprimable

1.mandatu da GWM u 21/05/2008 12:03

d'appressu à voi, serà pussibule di fà incù i vermi cum'è inc'ù e vacche ? un vermu incù deci pruprietari è po incascemu e premie.

2.mandatu da circinelludiguagnènativupèliguagnesusosanguaversatu u 21/05/2008 14:28

u varmu hè propiu corsu: ùn supporta d'essa ingabbiatu, si tramuta pian pianinu, magna a so tarra è caga 'nduva li pari. Pà tutti ssi raghjò merita eddu d'essa aiutatu è di tuccà primi è pensioni !

Novu cumentu :