L’odore di e nostre machje…
U ministru di l’ambiu, cugnumatu a « spunga » hè numatu ministru di Statu per rimpiazzà à l’altru palu sticchitu. Simbuliseghja sta decisione, l’impegnu maiò di u guvernu à prò di sta quistione. Ùn hè vera ch’ellu face quellu a prumuzione di u vinu biò ? Quandu hè ghjuntu d’uttobre, u sgiò Presidente hà ancu prupostu di fà di a Corsica un simbulu di l’ambiu, intantu, hè u simbulu di u so fiascu... « L’environnement, gnan, gnan ». Poche chjachjare ! Cacciata a prefettura è e case cumune di i so candidati in Bastia è Purtivechju, ùn hà vistu nunda ! Soca l’averanu spazzata è prufumata cù a nova “fragrance machja”, a prefettura? Di regula, si face cusì, nanzu à a so visita, storia d’ùn micca marcà male… Digià chì a Corsica… Intantu, mi dumandu, s’è l’averà viste e vitture rughjinose è l’attrazzi casani fracichi sott’à i nostri licceti ? Senza mancu mintuvà à Cernobil, ci anderete voi à manghjà li i funghi ! Soca site voi chì l’avete lampate, à l’appiattu, di notte, à mezu à a machja, e vostre rumenzule ? Mi dicerete chì trà u fracicume di Teghjime, l’incineratore di u Syvadec è a machja, a sfarenza hè poca. Ma quantunque !
Ecopolis
In u filu di st’indiatura verde, u rapportu Attali prupone a creazione d’ « Ecopolis », cità rispettose di u circondu.
« Décision 91 :
Construire d’ici 2012 dix Ecopolis, villes ou quartiers d’au moins 50 000 habitants intégrant technologies vertes et technologies de communication. »
A Corsica, un isula verde ?
Fattu si stà chì in Corsica, sta pruposta hè stata capita à l’arritrosa. Postu chì ùn avemu nisuna cità di più di 50000 abitanti, l’eletti anu pensatu chì si pudianu francà di e norme eculogiche. L’ambizione verde ùn si deve firmà à i discorsi o à e cità nove. Spuntanu cusì i prugetti in infrazzione incù e lege oghjinche. Peghju, sò l'amichi di u sgiò Presidente chì li sustenenu.U paradossu hè chì bellu aspessu sò quelli chì grachjanu listessa riturnella à prò di a Republica è di u rispettu di e so lege chì si permettenu, per esempiu, à quandu d’ùn micca rispettà a lege liturale, à quandu e lege eletturale ! A dicia a canzona di Canta u populu corsu : « Unu face la volpe / È l'altru la curnachja / È battenu la machja / Sempre pronti a furà... ». Attenti ! Ùn saranu pò tutti da mette ind’è listessu saccu ! U discorsu « tutti manghjoni » ùn ghjove à nunda, altru chè à ingrassà li torna appena.
Allora, da quì à u 9 di marzu, riflettite è vutate bè !
U ministru di l’ambiu, cugnumatu a « spunga » hè numatu ministru di Statu per rimpiazzà à l’altru palu sticchitu. Simbuliseghja sta decisione, l’impegnu maiò di u guvernu à prò di sta quistione. Ùn hè vera ch’ellu face quellu a prumuzione di u vinu biò ? Quandu hè ghjuntu d’uttobre, u sgiò Presidente hà ancu prupostu di fà di a Corsica un simbulu di l’ambiu, intantu, hè u simbulu di u so fiascu... « L’environnement, gnan, gnan ». Poche chjachjare ! Cacciata a prefettura è e case cumune di i so candidati in Bastia è Purtivechju, ùn hà vistu nunda ! Soca l’averanu spazzata è prufumata cù a nova “fragrance machja”, a prefettura? Di regula, si face cusì, nanzu à a so visita, storia d’ùn micca marcà male… Digià chì a Corsica… Intantu, mi dumandu, s’è l’averà viste e vitture rughjinose è l’attrazzi casani fracichi sott’à i nostri licceti ? Senza mancu mintuvà à Cernobil, ci anderete voi à manghjà li i funghi ! Soca site voi chì l’avete lampate, à l’appiattu, di notte, à mezu à a machja, e vostre rumenzule ? Mi dicerete chì trà u fracicume di Teghjime, l’incineratore di u Syvadec è a machja, a sfarenza hè poca. Ma quantunque !
Ecopolis
In u filu di st’indiatura verde, u rapportu Attali prupone a creazione d’ « Ecopolis », cità rispettose di u circondu.
« Décision 91 :
Construire d’ici 2012 dix Ecopolis, villes ou quartiers d’au moins 50 000 habitants intégrant technologies vertes et technologies de communication. »
A Corsica, un isula verde ?
Fattu si stà chì in Corsica, sta pruposta hè stata capita à l’arritrosa. Postu chì ùn avemu nisuna cità di più di 50000 abitanti, l’eletti anu pensatu chì si pudianu francà di e norme eculogiche. L’ambizione verde ùn si deve firmà à i discorsi o à e cità nove. Spuntanu cusì i prugetti in infrazzione incù e lege oghjinche. Peghju, sò l'amichi di u sgiò Presidente chì li sustenenu.U paradossu hè chì bellu aspessu sò quelli chì grachjanu listessa riturnella à prò di a Republica è di u rispettu di e so lege chì si permettenu, per esempiu, à quandu d’ùn micca rispettà a lege liturale, à quandu e lege eletturale ! A dicia a canzona di Canta u populu corsu : « Unu face la volpe / È l'altru la curnachja / È battenu la machja / Sempre pronti a furà... ». Attenti ! Ùn saranu pò tutti da mette ind’è listessu saccu ! U discorsu « tutti manghjoni » ùn ghjove à nunda, altru chè à ingrassà li torna appena.
Allora, da quì à u 9 di marzu, riflettite è vutate bè !
I più belli tweets di François Fillon
