Cumu si dice "beauf" in corsu ?

Hè mortu Cabu, u geniale creatore di u persunagiu di u "beauf". Di maghju scorsu, ci dumandavamu à chì s'assumiglia u "beauf corsu", è cumu si pò chjamà.

A parolla "beauf" vene da "beau-frère". Hè u dissignadore Cabu chì l'hà pupularizatu in l'anni 70 è 80, in i so dissegni pè Charlie Hebdo è Le Canard enchaîné.

Cumu definisce un beauf ? Hè una persona piuttostu vulgare, chjuccuta, appena bestia dinù. Hà pienu di clichés nant'à tuttu è nant'à tutti. Hè razzistu, misòginu, scrianzatu, hà gusti abbastanza goffi.

Cavanna hà scrittu "c'est le sale con ordinaire qui se croit brave type".

Per Cabu, li piace u tiercé è u loto, e vitture, l'arme (hè militaristu è ùn manca mai u défilé du 14 juillet ), a securità, u vinu è Michel Sardou. Ùn li piacenu micca l'eculugisti, e donne, i giovani. Hà dettu chì "le beauf n'a jamais tort".

Ellu sà tuttu. "Il braille, juge tout, il est partout chez lui, il est à l'aise dans cette société, il ne se pose pose aucune question. Il marque bien sa virilité. Tout est pour le paraître. Il adore les voitures et il ne veut pas être doublé."

U beauf hè dunque cuntentu d'ellu è di sta sucetà ch'ellu ùn rimette micca in causa : cunsumeghja, prufitta, è ùn si pone nisuna dumanda.

U primu beauf di Cabu, quellu di l'anni 70 :

Franchouillard è fieru d'esselu, u beauf ne vole à l'Alemagna. Micca per a guerra di 39-45, ma per a meza finale di a cuppa di u mondu 82 quandu i Tedeschi elimineghjanu a Francia di Platini.

U beauf vota piuttostu à diritta, perchè li piace a securità, l'ordine, è sopr'à tuttu per pagà menu impositi.

Ma u so persunagiu hà evuluvatu. U "Nouveau Beauf" ùn hè più mustacciutu ma hà una coda di cavallu. Hà sempre gusti goffi, mostra a so riescita è i so soldi, hè sempre cusì intullerente è vulgare.

Ellu pò vutà FN cum'ellu pò vutà à manca :

U dissignatore Binet, creatore di Les Bidochons, hà immurtalizatu anch'ellu u persunagiu di u beauf :

Renaud n'hà fattu una canzona.

Un beauf pare esse abbastanza vicinu d'un Jean-Marie Bigard per esempiu.

È in Corsica ?

Avemu per abitutine di classificà in a categuria "beauf" tutti quelli chì venenu l'estate ind'è noi, in débardeur, chì diventanu rossi imbaghericciati dop'à esse stati dui minuti à u sole, chì portanu u slip è chì mughjanu perchè "rodidon c'est cher la Keurse" è "t'as vu y z'ont même l'électricité".

Ma esiste dinù u beauf corsu...

Quessi sò i beaufs di l'altri. Ma attenzione, avemu dinù i nostri :

Scrianzati, misògini, antipatichi, pieni di preghjudicati nant'à tuttu, appena campanilisti, assai razzisti, rancichi è pretensiunuti, esistenu anch'elli. S'è no avemu i nostri bobbò ultra-tullerenti, avemu dinù i nostri beaufs.

Allora, cumu si puderianu chjamà quessi ?

In talianu "cafone" si dice per parlà d'una persona roza è scrianzata.

Certi pruponenu a parolla bùfalu o bufalone (in francese buffle).

D'altri tòtanu (francese calamar). Closcia è catinu ci venenu bè, ma li manca qualcosa.

A definizione di sgronchju s'avvicina bè.

Chì ne dite ? Fate e vostre pruposte.

Ùn ci scurdemu chì cum'ellu a dice Cabu, "il y a une part de beauf chez tout le monde. On est tous un peu un beauf..."

Articulu publicatu u 14/04/2014
Messu à ghjornu u 10/01/2015

u 10 di Ghjenaghju 2015

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

54.mandatu da Micka Francè Sadu u 07/02/2015 23:55

Ùn a si dice micca in Corsu.

53.mandatu da J G u 12/01/2015 17:27

U beauf sarà un monta sega , un predenziunutu

52.mandatu da maria C u 11/01/2015 23:58

un vi sminticate di u " beauf de gauche " : internaziunalistu, cughjosu e bruttu, anti corsu

51.mandatu da marcantp u 11/01/2015 12:29

BRAVISSIMU " Cataru o mazzone" !!!!

ghjucadore di loto\tierce', sustenitore di ballo', quellu di u paese vicinu, u naziunalistu corsu chi' vota FN, u passiunatu di a so vittura , u dunnaghju, l'alcolicu chi' u'n la sa', u paisanu chi' for ca' di u so paese u'n ci he' nulla di bellu o di bonu nantu à a Tarra...

U NAZIUNALISTU CHI VOTA FN
L'ALCOLICU CHI UN LA SA
SUSTENITORI DI BALLO

ghje quessa!!!

BRAVU

appena di lucidità un ci face male, u BEAUF l'avemu noi dinù in casa nostra, ùn hè micca solu u pinzutu

50.mandatu da Cataru o mazzone u 11/01/2015 08:39

Groncu, Cazzu marinu, Tronca e' ghjetta, Bufalo', ''Closcia'', Magna merda, ...

U core di u ''Beauf'' francese ghje' u naziunalisimu e' u razzisimu (Dupont Lajoie _ filmu di Y.Boisset),.

S'e' no vulemu a' tutti i patti fa' u ritrattu di u ''Beauf'' ci vulara' a' dipigne : u caciadore, ghjucadore di loto\tierce', sustenitore di ballo', quellu di u paese vicinu, u naziunalistu corsu chi' vota FN, u passiunatu di a so vittura , u dunnaghju, l'alcolicu chi' u'n la sa', u paisanu chi' for ca' di u so paese u'n ci he' nulla di bellu o di bonu nantu à a Tarra...

E' u feminile di ''beauf'' (chi' so' belle numarose ...a mita'?) chi' sara' ...Cugnata? ....chi' Socera he' aghja' pigliatu.

49.mandatu da anto u 11/01/2015 07:07

Bof!

http://blog-anto.be

48.mandatu da bigardchezdebof u 11/01/2015 00:29

ghjè un veru articulu di beauf......nè capu nè goda....Forza simu bè in u filu!!

47.mandatu da sardu u 10/01/2015 20:13

ma smettetela di francisà u corsu...BOFFU,CHE HE??? caffò hè più nurmale...

46.mandatu da Paulu u 10/01/2015 15:51

A chì ghjova di circà una traduzzione di "beauf" ?
Pudemu tene issa parolla chì ghjè a sola ch'ellu capisce.
U beauf corsu hè fieru d'esse un beauf francese.
Ellu a so preoccupazione hè : "le droit à la ressemblance " !

45.mandatu da BEAUF DI CORSICA u 10/01/2015 15:03

u BOFFU corsu he "etnocentristu". canta "a Corsica simu noi e solu noi" e dice "bien fait pour Charlie Hebdo, c'est des gaulois"

u NOVU BOFFU corsu passa e so vacanze à BALI.

44.mandatu da tremendu u 13/05/2014 18:21

vi prepongu i schersacane!!!

43.mandatu da stumacatu u 11/05/2014 15:20

"Cù Chabal pitturatu forse averianu vintu..."

Tamanta risatta !!!

Un altru anu...

42.mandatu da Calvoise u 11/05/2014 12:55

Avà ci vole à truvà un nome per Conchita Wurst (salciccia).
L'inglesi u chjamanu "shemale" stu generu... E noi ?

PS : a francia ULTIMA... chì risa ! (Cù Chabal pitturatu forse averianu vintu...)

41.mandatu da U ghjacaru u 11/05/2014 08:39

U cugnu ? (Beauf diminutif de beau frère)

40.mandatu da Calvoise u 10/05/2014 14:34

Tuttu hè dettu.

39.mandatu da stumacatu u 10/05/2014 13:59

BOFFU, si un capite micca a sfarenza tra sapè tuttu, dà lezzione e esse stumacatu di vede tantu spiritacciu mischinu mentre chi tutte e nostre valore si perdenu, un ni parlemu piu.

Eju, in sogu nulla, sogu in piculu corsu di nulla, ma mi basta à aprè ochji e arechje per vede che partemu in deliquescenza e chi i tempi un so piu à cercàcci pidochji in capu ma à cercà di tene u pocu chi ci sta !

E sobra tuttu, cuntinuemu à decide qual'hè u piu corsu, qual'hè corsu o no e cio ch'hè corsu o micca corsu...

Semu cusi forti, cusi numarosi, in cusi un bona postura chi ci pudemu permette di scumpartecci sempre di piu !!!

38.mandatu da BOFFU u 10/05/2014 12:01

U beauf passa u so tempu à dà e lezzioni dinù, sà tuttu. queè hè impurtente

he qualcosa d'assai francese què

37.mandatu da antone u 10/05/2014 11:33

aghju dettu u football,ma a pulitica dinù hè cusi

"so più corsu chè tè..." si sente in football cume in pulitica. CQFD.

36.mandatu da antone u 10/05/2014 11:31

Iè Calvoise, l'amarezza di i Corsi hè deprimante
ma hè cusi dapoi seculi e seculi.....
e u football ùn arangia nunda à e cose.....
ma l'omi so cusi. ci vole à circà d'avanzà comunque

soca serà chi noi altri semu appena "beaufs" dinù, per tazzacci cusi.....

perchè u corsu beauf li piace à tazzà l'altri corsi beaufs.

35.mandatu da Calvoise u 10/05/2014 10:58

Anc'eiu so stumacata di vede tutta l'amarezza chì certi corsi anu per l'altri corsi...
Dunque cunfirmu : ancu u più stupidu di l'animali ùn pò esse gattivu quant'è l'umanu.
Per a parulla, ùn parlu micca bè u Corsu, ma trovu ch'anderebbe bè BAFACHJU.

34.mandatu da stumacatu u 10/05/2014 09:03

E tu, Calvoise, chi pruponi ?

33.mandatu da stumacatu u 10/05/2014 09:01

"E vestutu in omu", cume à dice "Si Corti avia un portu..."

Uniti, si trova belle cose...

32.mandatu da stumacatu u 10/05/2014 08:53

Perdonu, Calvoise, d'avè sceltu u nome d'un animale !!

Ma so sicuru che pensai cume mè...

Un asinu cecu ch'un pensa micca, quantunqua...

31.mandatu da stumacatu u 10/05/2014 08:45

Semu salvi...

Un c'hè che à vede certi : si tratta di buscà una parolla per di

beauf

in corsu e si po leghje quasi piu bassezze e vindette che traduzione !!

Ghjè veru che ognunu t'hà u so straziu... ma, dinu, semu sempre u straziu di qualchissia...

Ma, un vi ne fatte, da qui à pocu un ci sera piu ne bastiacci, ne aiaccini, ne nulla, ch'un ci sera piu corsi in Corsica e tandu so l'altri che hanu da ridè di noi tutti, i corsi - bastiacci, suttanacci e un so chi - c'un so stati boni ch'à scumpartesi e lascià piglià à so isula da l'altri perche si credianu tutti piu astuti che i so vicini e li piacianu i 4x4 e spende i soldi in daru, senza pensà à cio che lasceranu à i so figlioli...

"Asinu cecu", mi piace veramente bè per

beauf

!

E mi piace bè a definizione di Ghuvanmighele : "un pensa micca" !

Ghjè tantu megliu di sparà capu calatu...

Stumacatu, ogni ghjornu piu stumacatu che a veghja...

30.mandatu da Si Corti avia un portu... u 10/05/2014 08:17

Indè mè saria: "un sumeru vestutu in omu..."

29.mandatu da Pititu u 10/05/2014 08:12

Vasettu si scrive o enzo....vene dà "vasu"...

28.mandatu da enzo u 10/05/2014 07:36

un basettu ! dicenu in Bastia !

27.mandatu da Calvoise u 09/05/2014 22:01

Micca u nome di un animale. Per piacè. Un a meritanu micca !

26.mandatu da mf u 09/05/2014 21:16

(da un teleffuninu)

U beauf mi pare ch''ellu hè appenuccia pumataghju dinù

25.mandatu da pseudo u 09/05/2014 20:48

Iè u pidochju rifattu hè un veru boffu

24.mandatu da ù trapanadu u 09/05/2014 18:30

u "beauf" corsu sera forse un pidocchju rifatu...ci né so parecchji..

23.mandatu da pseudo u 09/05/2014 15:30

U beauf d'oghje si piglia in selfy

22.mandatu da Suttanacci u 09/05/2014 15:14

(da un teleffuninu)

U beauf bastiacciu hè quantunque quellu chi mette u logo di u SCB nant''à u so profil Facebook pè crede si "più corsu", quellu chi hà messu l''autocollant di u GFCA nant''à a so vittura mà chi ha scurdatu i derby caldi di l''anni 90 in Mezzavia.

21.mandatu da ghjuvanmighele u 09/05/2014 15:10

U fundamintale di u beauf : "être à l'aise dans cette société de consommation et ne se poser aucune question"

aiaccinu o bastiacciu, u beauf cunsumeghja, n'hè fieru, si techja di televisione, ùn pensa micca

20.mandatu da Quellu u 09/05/2014 15:05

un beauf sà tuttu, si crede superiore, hè rancicu cume un topu, hà "prejugés", sà tuttu e face a lezzione a tutti l'altri e à a terra sana

un beauf hè sopratuttu pinzutu

19.mandatu da Suttanacci u 09/05/2014 15:02

(da un teleffuninu)

U bastiacciu hè abbastanza "beauf": si crede più corsu che l''''altri ; face sempri u criticone ò a macagna chi un face ride nimu nant''''à l''''aiaccini ; dice che l''''aiaccini e i suttanacci so "gaulois" ò mafiosi, è dopu si permetti di mughjà "UNITI" LOL..

18.mandatu da Jean Michel Paoli u 09/05/2014 15:01

(da un teleffuninu)

U bastiacciu hè abbastanza "beauf": si crede più corsu che l''altri ; face sempri u criticone ò a macagna chi un face ride nimu nant''à l''aiaccini ; dice che l''aiaccini e i suttanacci so "gaulois" ò mafiosi, è dopu si permetti di mughjà "UNITI" LOL..

17.mandatu da scumpientu u 09/05/2014 15:00

ci vole truvà un nome dinù per u beauf chi balla in "Happy"

16.mandatu da turchinu u 09/05/2014 14:57

u beauf aiaccinu ? u caiornu fan d'alain orsoni ?

15.mandatu da simu tutti beaufs ? u 09/05/2014 14:50

@ disfattu di ponte novu...
cumu ?!? sariamu beauf ancu noi ???

U beauf corsu fideghja TF1, M6, l'amour est dans le pré, confessions intimes, mughja "ACA Gaulois", hà una bella vittura, face a muscu, face l'economie per spende tuttu à VIA NOTTE, mughja contra i francesi ma un si rende micca contu... ch'ellu he un francese cume l'altri...

ma ci hè dinù u "novu beauf corsu" : vacanze in Bali, jet-ski, trova chi Mafiosa hè una bona seria, vota naziunalistu o Simon Renucci, o marine le pen... e ancu ellu spende tuttu à Via Notte è Palumbaggia, Calvi on the rocks e Patrimoniu

Ma allora, simu tutti appena beaufs da veru ????

14.mandatu da U pettirossu u 09/05/2014 14:50

Si dice "merzu" (o mezzu)

13.mandatu da anto u 09/05/2014 14:43

"cazzu vestutu" mi piace

12.mandatu da disfattu di ponte novu... u 09/05/2014 14:35

Iè Carlanto, u beauf corsu hè pe u sporting a fondu, mà non solu, sta in cità mà face u trekking... si veste milletmà scrive aff, face u naziunalistu.... mà si scorda chi ghje funziunariuru, face u tipu che ghje pe i poveri... mà in lascita a avutu di babbone, duii appartamenti in villa e una casa in paese e quessi un e volenu sparte...beie a pietra o u corsica cola perché so fatti qui...etc etc a lista si po allungà....mà simu cusi e muralisti a l'usu francese, ci ne futtimu.!! LOL

11.mandatu da Carlantò u 09/05/2014 14:22

ci hè dinù u beauf di u Sporting

10.mandatu da disfattu di ponte novu... u 09/05/2014 14:14

i "beauf " in corsica so spessi quelli chi volenu assumiglià a i bobos francesi.....chjamemuli corsi imbastarditti non ?

9.mandatu da bastiacciu stortu u 09/05/2014 14:08

Chjiamemulli Simon ....chi Simon ...ta sega .....

8.mandatu da Caruli u 09/05/2014 13:47

(da un teleffuninu)

Cafulone !

7.mandatu da Da li pughjali à la marina cantate la palatina e lu piombu salterà u 09/05/2014 13:47

Riflettimu appena...

u beauf corsu hè razzistu, siguru d'ellu, pretensiunutu, micca tulerante, connu, hà gusti di merda...

si po forse prupone "un JEANZ" dinù !

ghjè bè no ? "so cascatu nanta un jeanz sta mane in piazza san niculà..."

6.mandatu da Paupaul Uvivu u 09/05/2014 13:43

Pruposta nant'a facebook :

Barbara Morandini Sur une idée de Bernard Vannucci, l'antonomase est à privilégier: "un Emile" , "un Francis" ... si pò ancu dì "una", "una Anne-Marie", "una Caroline" etc etc

"un Franciz" mi pare bè

5.mandatu da achard rocchi ghjuvanluigi u 09/05/2014 13:41

(da un teleffuninu)

Sprechja, groncu, cazzu vestutu (quellu ch'o preferiscu)