agenzia di u puttachju corsu, essenza, gasoliu, prezzu, omu, ritrattu, ecunumia, macagna, magagna, corsica, corse,
À i pinzuti : avà li mancanu u petroliu è l'idee !
Face ride avà di ramintà si i motti lampati ind'è l'anni settanta dopu u primu intoppu petrulieru. À l'epica, facianu nice di pudè la fà à disciuplicà u capataghju postu da a cullata di u petroliu. A vulete sente a so cacciata? "On n'a pas d'pétrole mais on n'a des idées". Hè cusì ch'elli cantavanu i munta sega! Vitture aerodinamiche, vitture eculugiste, a ci la facenu crede ancu avà. Ùn hè chè u pumpista chì vi ramenta chì per avanzà, a vostra vittura, hà bisognu, micca d'idee o di sole ma d'essenza, puntu è basta.
"Sò Corsu, aghju a mo vittura !"
I Corsi sò individualisti. Ponu parlà quant'elli volenu di i so "fratelli", sò cusì ! È l'omu, ch'ellu fussi Americanu, Spagnolu o Corsu, ci tene à a so vittura. Ùn hè un simbulu di a libertà? Hè perchè li piace a so libertà, chì u Corsu chiffa a so vittura. Ci anderete voi à caccià la li! À chì face sunnià u mezu mondu nant'à l'affanosa Road 66 trà Chicago è Los Angeles, à chì ghjavighjeghja, fieru è altieru nant'à a D80, trà Mursiglia è Macinaghju... Certe girate!
Ma in Corsica, cum'è in altrò, diventa di più in più difficiule di girà a piazza San Niculà o u Cours Napoléon, da 2 ore fin'à 7 ore di sera. Hè un scialu tralasciatu, riservatu oghje à un elita nun solu oziosa è spaccona ma dinù baiuccata! Nanzu, ci vulia à parte à u schì, avà, ci vole à girà a cità, in vittura è sopratuttu, indarnu, senza altra mutivazione chè di fà vede u capitale esteticu, di a vittura, di a zitella o di u tippu ma dinù u capitale ecunomicu. I pruletarii elli, posanu in terrazza, à beie si un caffè, ancu puru unu di quelli amari prufumatu d'essenza citadina...
Trinichellu o Covitturingu ?
Vistu u prezzu di l'essenza, certi riflettenu à manere nove di sviluppà un trasportu pocu è micca caru. U megliu, dimmula franca è chjara, sarebbe di scialà si la in casa. U travagliu??? Ùn simu Corsi, tranchji eccettera? Attenti chì simu forse tranchji ma simu ancu maligni... In quantu à quelli chì ùn sò tranchji, (soca certi si saranu impinzutiti) cumu ponu fà?
Ci hè duie suluzione. Prima, ci hè u trinichellu. Hè issu cosu rughjinosu è losciu chì vi face trinnicà u capu. A sapite, hè appena cum'è un viaghju in u Sishuan, ma senza terramottu. Aiò, mì, lasciate corre, ancu à Angeot Santini li garba pocu è micca u trinichellu... In quantu à a vittura, a pudete sempre piglià ma in dui, trè, quattru o cinque! Festa! Fate u covitturingu dicenu i media ! Pare chì ghjè l'ultima cosa à a moda. Què, mì, ghjè cum'è s'è vo'pigliavate u metrò o u RER ma in più d'esse stretti è di girà i paesi per lascià i vostri cumpagni, vi tocca à cunduce.
Aiò, quandu hè chì ci ne cullemu in Parigi?
Face ride avà di ramintà si i motti lampati ind'è l'anni settanta dopu u primu intoppu petrulieru. À l'epica, facianu nice di pudè la fà à disciuplicà u capataghju postu da a cullata di u petroliu. A vulete sente a so cacciata? "On n'a pas d'pétrole mais on n'a des idées". Hè cusì ch'elli cantavanu i munta sega! Vitture aerodinamiche, vitture eculugiste, a ci la facenu crede ancu avà. Ùn hè chè u pumpista chì vi ramenta chì per avanzà, a vostra vittura, hà bisognu, micca d'idee o di sole ma d'essenza, puntu è basta.
"Sò Corsu, aghju a mo vittura !"
I Corsi sò individualisti. Ponu parlà quant'elli volenu di i so "fratelli", sò cusì ! È l'omu, ch'ellu fussi Americanu, Spagnolu o Corsu, ci tene à a so vittura. Ùn hè un simbulu di a libertà? Hè perchè li piace a so libertà, chì u Corsu chiffa a so vittura. Ci anderete voi à caccià la li! À chì face sunnià u mezu mondu nant'à l'affanosa Road 66 trà Chicago è Los Angeles, à chì ghjavighjeghja, fieru è altieru nant'à a D80, trà Mursiglia è Macinaghju... Certe girate!
Ma in Corsica, cum'è in altrò, diventa di più in più difficiule di girà a piazza San Niculà o u Cours Napoléon, da 2 ore fin'à 7 ore di sera. Hè un scialu tralasciatu, riservatu oghje à un elita nun solu oziosa è spaccona ma dinù baiuccata! Nanzu, ci vulia à parte à u schì, avà, ci vole à girà a cità, in vittura è sopratuttu, indarnu, senza altra mutivazione chè di fà vede u capitale esteticu, di a vittura, di a zitella o di u tippu ma dinù u capitale ecunomicu. I pruletarii elli, posanu in terrazza, à beie si un caffè, ancu puru unu di quelli amari prufumatu d'essenza citadina...
Trinichellu o Covitturingu ?
Vistu u prezzu di l'essenza, certi riflettenu à manere nove di sviluppà un trasportu pocu è micca caru. U megliu, dimmula franca è chjara, sarebbe di scialà si la in casa. U travagliu??? Ùn simu Corsi, tranchji eccettera? Attenti chì simu forse tranchji ma simu ancu maligni... In quantu à quelli chì ùn sò tranchji, (soca certi si saranu impinzutiti) cumu ponu fà?
Ci hè duie suluzione. Prima, ci hè u trinichellu. Hè issu cosu rughjinosu è losciu chì vi face trinnicà u capu. A sapite, hè appena cum'è un viaghju in u Sishuan, ma senza terramottu. Aiò, mì, lasciate corre, ancu à Angeot Santini li garba pocu è micca u trinichellu... In quantu à a vittura, a pudete sempre piglià ma in dui, trè, quattru o cinque! Festa! Fate u covitturingu dicenu i media ! Pare chì ghjè l'ultima cosa à a moda. Què, mì, ghjè cum'è s'è vo'pigliavate u metrò o u RER ma in più d'esse stretti è di girà i paesi per lascià i vostri cumpagni, vi tocca à cunduce.
Aiò, quandu hè chì ci ne cullemu in Parigi?
I più belli tweets di François Fillon
