Catena zitellina in Gaza

I vidite sti zitelli di Gaza, in Palestina, sottu à stu muru chì li spicca da l'Israele? Oghje, anu fattu una catena longa di 40 chilometri da dinunzià u blucchime impostu da u paese vicinu.

Ùn parleremu quì di u fondu di u prublema puliticu di a Palestina ma di a cummunicazione.

L'anu fatta sti giovani à sensibilizà a ghjente di u mondu sanu à u so prublema. Stu muru, chì ci ramenta à noi altri eurupeani, quellu di Berlinu, simbulizeghja l'arbitrariu imposta à una pupulazione sana. A punizione cullettiva, da l'impiccati di u Niolu à i brusgiati d'Oradour-sur-glane hè più una vergogna chè una suluzione...

Invece di ragiunà, i capizzoni israeliani anu à paura ch'elli franchessinu u muru. A sola risposta di l'Israele hè stata di mandà unepochi di giovani militari intimuriti.

I ritratti valenu quì megliu chè e parolle. Ci hè da scumette chì sti zitelli di Palestina saranu da quì à pocu i simbuli d'una lotta chì camina...

u 25 di Farraghju 2008

Sbanditu

Accueil

Envoyer à un ami

Version imprimable

1.mandatu da estrimei u 25/02/2008 20:45

e tutti sti traticchjati , chi danu e lezzio di democrazia a tutti ,i trattanu di terruristi e l'impidescenu d'avè un
statu e di campà cumme ghjente!
un ci so micca che i judei,u mondu sannu he complice . ancu noi simmu culpevulli ,sbuccallemmu a colpu a colpu e un colpu di "star'ac" e duie chjachjere di "spezialisti"e ci scurdemmu di tuttu.

2.mandatu da San Nicula u 25/02/2008 22:41

Què hè curiosu! A primiera fotografia mi facce assai pensà a una fotografia di Beatles! Sapete, quella induve i Beatles sanu in a neve e se tenenu a mana....

3.mandatu da acellu di notte u 01/03/2008 16:05

Israele s'hè ritiratu di Gaza in u 2005.
Allora, cosa vulete ? Ch'Israele si ritirga...d'Israele ?
Quandu si dice cose simule, un si piglia u partitu di a pace, ma quellu di a guerra.
A pace si deve fà incu dui Stati, micca strughjendu una parte. Mette in causa a lighjittimità di l'esistenza d'Israele un aiuta pè nulla à fà a pacenè à creà unu Statu palestinese, à u cuntrariu.
E quand'è leghju frà i cummenti unu chi dice "un ci so micca che i "Ghjudei"", mi dumandu se quellu chi ha scrittu quessa hè cuscente di u sensu di cio ch'ellu scrive...

Novu cumentu :