Boris... Capatus Moracchinum : un toru piglia a meria di Londra !

U lione di Londra...

Ùn hè vera ch'elli sò tutti appena scemi l'Inglesi? Tenite à Boris Johnson, guardate lu ghjucà à u ballò... Incù a so chjoma bionda, pare tuttu Johnny Rep... Ma a capata ch'ellu sciacca à l'altru ghjucatore, hè una moracchinata di quelle... Capata sì ma bon, Boris Johnson, postu ch'ellu hè un Tory cunservatore, à ellu, di sciaccà curnate, li vene naturale...

U guerrieru di Londra

Peccatu ma a mi pensu chì u nostru u mere ùn lu metterebbe micca u pede o u capu, quant'è Boris Johnson. Ellu sì chì ghjè un guerrieru di Londra... Ancu di grazia chì guerrieri, n'avemu avutu unepochi... Cunta mè u prussimu mere di Bastia, u circheremu ind'è l'anziani ghjucatori di u Sporting. Eccine pochi candidati capaci... Chè?