2010 : travaglià di più per vince listessu

S'è vo avete veramente cridutu à a prumessa di Sarkozy "travailler plus pour gagner plus", peghju per voi. Gattiva nutizia : pochi seranu i ponti è i ghjorni di festa in 2010.

I patroni seranu felici quist'annu. L'impiegati appena menu : si travaglierà di più è si vincerà listessu.

Femu i conti di i ghjorni di festa in u 2010 :

U primu di maghju = un sàbbatu
L'ottu di maghju = un sàbbatu
U 15 agostu = una dumenica
U 25 dicembre = una dumenica

Dui ponti di maghju chì saltanu, quattru "jours fériés" chì pàssanu à a tràppula, ùn vi pare nunda à voi ?

V'amparerà à crede e fughjichje di Sarkozy è di u so travaglià di più per vince di più !

Di tutte manere, noi à A Piazzetta, vi l'avemu digià detta, semu partigiani di u "travaglià menu per campà megliu;.

È ùn cuntate micca nant'à 2011 pè rimpattavvi, serà listessu.

Invece, scumettemu ch'ellu ci serà una crèscita di i certificati medicali...

u 6 di Ghjenaghju 2010

u webmaestru

Accueil

Envoyer à un ami

Version imprimable

1.mandatu da agrammaticavinceapratica u 06/01/2010 20:43

"jours fériés" o ghjorni festivi ?

2.mandatu da Ghjuvan-ghjuvani u 06/01/2010 21:24

(da un teleffuninu)

I dui per chi a ghjente capisca, nò ? Ma per carità, ùn parlemu micca di lingua...

3.mandatu da agrammaticacifacecagà u 06/01/2010 22:54

"jours fériés".

4.mandatu da F'ck u 07/01/2010 01:46

Fuck u travagliu !

5.mandatu da Küg u 07/01/2010 09:30

l'altra notte aghju vistu un amicu in cità, girava in vittura circhendu incù u fucile quellu chi avia inventatu u travagliu

6.mandatu da Corfatex u 07/01/2010 10:16

è sopratuttu attenti à l'amichi

7.mandatu da PERTU SANTU u 07/01/2010 11:40

Un avété pur penseri o zittelli.Travagliu un ci n'hè ,è anccu s'ellu ci nè era ,opera un si né po fà; l'estate caldu ,l'inguernu freddu;di vagdimé a caccia,di branu,a pesca hé a pruminata..Alora un cé tempu pér u travagliu.... E viva u riposu ! ! ! !

8.mandatu da Cumpalliols u 09/01/2010 19:17

À contu meiu, facciu a sfarenza trà u travagliu ch'omu face per gagnà a so vita, travagliu chì, s'ell'ùn hà nisun intaressu, hè megliu à fanne u menu, di u Travagliu, u veru, ch'omu face per megliurà a sorte cummuna, u bè cummunu, in u nostru casu, per a Corsica, à ogni scala, è quessu, hè un travagliu glurificante.

http://cumpalliols-in-corsu.over-blog.com

9.mandatu da Dumè u 15/01/2010 15:07

vince o guadagnà?

Novu cumentu :