A cazzuttata di e "chorales" di TF1

Quandu a "bataille de chorales" finisce in baruffa nant'à internet...

A Corsica hè entrata definitivamente in a TV-realità. Dopu à "un dîner presque parfait" è ùn sò quantu candidati corsi nant'à l'emissioni di M6 è di TF1, eccu dunque a "Bataille des chorales".

Primu prublema : u coach corsu si chjama Patrick Fiori.
Segondu prublema : Benjamin Castaldi.
Terzu prublema : TF1.

Detta altrimente, sti trè elementi sò ciò ch'ellu si face di peghju in termine d'orrore televisuale pippulesca è di varietà francese.

Nant'à internet, l'internauti sò scatinati : "c'était pas une bataille, c'était PONTE NOVU avec Castaldi dans le role du comte de Vaux".

"Moi je trouve que même la chorale des petits monstres dans "Gremlins 1" était plus audible".

È ancu : "Le naufrage (légitime) du pathétique riacquistu dans les eaux troubles de l'acculturation populiste et du consumérisme fétide. Quitte à faire de nous de misérables cloches, les Gaulois auraient pu avoir l'élégance des Amerloques envers les Indiens : Nous faire cadeau du Whisky !"

Mentre chì certi sò piuttostu fieri di a "chorale" corsa.

Bon, hè vera chì per un'emissione in prime time di TF1, ùn si pudia micca aspettà maraviglie di chjami è rispondi è di terzetti. Ma per a cultura corsa, turneremu à aspettà.

Alè, noi riteneremu a prestazione di Ghjuvan Carlu Papi (diventatu per TF1 "Jean-Charles, 40 ans"), scatinatu nant'à a scena, un veru diavule. Torna appena è andava à mette una panetta à Dany Brillant.

Hè solu ch'è no preferimu vedelu cantà Sintineddi è U Portaluci cun NOVI ch'è e canzone di Claude François.

È voi chì ne pensate ?

u 13 di Dicembre 2009

u webmaestru

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

31.mandatu da radégu u 16/12/2009 23:23

o zité
capite bè chi d'andà a cantà cu sta capraccia di P. Fiori un ghjove a nulla. capite bè chi per buscassi dui soldi certi so pronti a n'importa che. capite bè chi se no cuntinuemu cusi , saremu noi TUTTI un populu di capraccie e emu da finisce tutti a liccà u culu a quelli di L'UMP. Allora basta e cunnerie. Arritti Corsi , demuci a manu per scunghjurà a cunneria chi ci aguanta . bastaaaa avàà!! spinghjite sta télééé!!!!!!

30.mandatu da sumenta u 16/12/2009 14:16

eiu ùn aghju ch'una sola cultura...mà ùn hè micca u casu di tuttu u mondu. ghjè una realità. si chjama " e cunsequenze di a culunizzazione". (ps: ùn so mai briaca ^^)

29.mandatu da edimondulaleru u 16/12/2009 13:54

sumenta, o ai betu o sì briacu ... ùn emu chè una cultura, a nostra, puru s'è u francese, in tantu chè lingua, hè a lingua a più parlata quì. Guarda cum'elli facenu i corsi in caffè o à un'intarru è ci spiecherai dopu s'è no femu cum'è i pinzuti, puru quand'è no parlemu francese...
Per u restu, sicura chì ci piace à guardà a televisiò, sicura ch'ellu ci piace à sente cantà, è ancu à vede a squatra d'Aiacciu tutti l'anni à "intervilles". Ma s'è à a piazza di Papi ci eranu stati Poletti, Guelfucci o Mai Pesce, ch'averebbemu dettu ? Passà di lettera d'Argentina, i Ghjuvanali, Canta, novi à Claude François ... Parli in seriu o voli ride ? Hè vera chì certi anu u stomacu di cantà u venneri sera in un'usteria qualunque, piena à turisti chì si techjanu d'arrigostie, sentendu cantà Companero o u lamentu di u prigiuneru per 200 euros. "c'est beau le chant corse, n'est ce pas?". "Mais le lundi au soleil, c'est mieux ..." Amè è cusì sia...

28.mandatu da sumenta u 16/12/2009 13:18

hum...quandu vecu cio chì scrivu mi dicu ch'aghju bisognu anch'eiu d'un bon bichjeru di whisky...

27.mandatu da sumenta u 16/12/2009 12:42

in fine di contu, cio chì dirangia veramente, ghjè chì sta squadra sia stampigliata "squadra corsa"...avemu una certa idea di cio chì vulemu cume riprisentazione : fiure sputiche chì spartenu a nostra cultura cù dirizzura è passione. Vulemu in ogni occasione un « Tempi fà » televisuale. u prublemu ghjè chì, per disgrazia, stu cumpurtamente ùn hè più ripresentativu di a Corsica. una parte di a pupulazione hà seguitatu cun piacè st’emissione, micca per u muvimentu di bacinu propiu sexy di JC Papi, mà perchè chì hanu in elli duie culture : a frencese (maggiuritaria) è cio chì resta di a so cultura corsa.

26.mandatu da vargaglionu u 16/12/2009 08:31

Mi pari chi u riacquistu sighi mortu dipò un beddu pezzu, u viaghju puliticu era pà mustrà a catarsisa chi s'hè scioltà pà 'ssu sughjettu è ùn aghju mai parlatu di un certu Don chi spazza u soli annant'à i tetti di a vechja cità curtinesa.
Quandu si macagna, si macagna à tutti.
Vi lacu mi servu un vischi...

25.mandatu da Edimondulaleru u 16/12/2009 06:03

Mi pare ch'ellu ci voglia à fà parechje rimarche à nant'à st'articulu:
- in prima, ci vuleria chì "i patroni" di a Piazzetta ramentinu à tutt'ognunu chì per u più u scopu hè di scrive in corsu.
- in secondu, mi si pare chì u cugnumatu "vargaglionu" si sia sbagliatu di situ, imbruttendu à poca spesa a ghjente. O si sbaglia di situ o hè briagu .. U dibattitu puliticu hè da mette à un altru livellu, micca à u soiu chì vegu ch'ellu si prumena in i cundutti puzzulenti .. u curciarellu ... ùn li possu mancu cunsiglià un'antru forum chì ciò ch'ellu scrive puzza ch'allupa... Spergu solu ch'ellu ùn cunfonde Don Mathieu cù Ange quand'ellu parla di Santini ...
- in trè, ci sò chì parlanu di "riacquistu". Lasciatelu more tranquillu. Di stu passu à nant'à TF1 ùn ne parlerà chè Corse Matin, è pochi ghjorni.

Per finisce, ùn diceraghju micca "Poveru Ghjuvan'Carlu Papi", ma mi pare à mè ch'ellu ùn avia micca bisognu di trinnicassi cusì à nant'à TF1 per canzone, cum'ellu averebbe dettu Grossu Minutu". Hè quantunque disgrazievule di vedelu in certi stati...

Un'antru affare per dì chì m'hè piaciutu u puntu di vista di Ceccè Lanfranchi chì ferma un puntellu maiò di a puesia corsa.

24.mandatu da vargaglionu u 15/12/2009 14:52

Infini aghju capitu tuttu, u magnapani jean-charles è u sò cumpagnu u scanzafatica jacques sò mandati da Sarko pà arrigulà u prublema trà palestiniani è ghjudei dopu cusì poni vultà a fritedda è abbandunà di fatti u cantu di quiddu peru merzu di jean christophe angelini( tanti purtivichjaci infammi!!!) è cusì richjapendu quiddu bigliettu à chjavi si ritrovani à l'orlu di a guerra trà u briaconu cameddu(è dacci un antru...) è u nannu santini è pugliassi u postu di presidenti di u cunsigliu esecutivu è di presidenti di l'assemblea di i sameri .
U piegnulò giacobbi cù à sò tencia di viteddu inziricatu dà un maciddaru hè ancu capaci di mettasi una badda in capu ( pà a terza volta, un veru incapaci!!!).
Sarko ùn'hà micca persu u rughjoni, cammeddu è anghjulellu sò d'accunsentu torna, giacobbi si pona sempri i quistioni( hè vera chi cù duii baddi in capu hè più cà difficiuli di rifletta, à si saparà erignac....) milou volta incù tintin è i naziunalistà si so fatti inculà come d'abitudina.
Chi putenza 'ssu castaldi (un purtivichjacciu???)
Muralità : ùn ci n'hè postu chi inde u putanisimu a sola muralità sorta di l'ochju merlinu

23.mandatu da circinelludiguagnenativupèliguagnesusosanguaversatu u 15/12/2009 14:48

Eiu, st'emissioni quì mancu i fighjulu !
ma ùn mi sgenani micca... postu ch'ùn li fighjulgu micca !
A sola cosa chi vogliu dì hè chi n'aghju una techja d'essa tinutu di "vutà" o di "fà vutà" pà tutti i scialabricchi chi passani à a telè ! Cù forza banderi, è slogan "cursini" . Ci dicini chi ci vo' à essa "sulidarii". Ma sulidarii di chè ???... A meia a sulidarità a tengu par d'altri !

22.mandatu da fan di 9 u 15/12/2009 13:10

à ringraziatti d'esse venuti quì per dà u to parè o Ceccè !

bona cuntinuvazione à u to gruppu chì c'incanta. u restu ci n'impippimu.

FORZA N9VI ! cuntanuvate cusì !

21.mandatu da miccaèbastiacciuinnizza u 15/12/2009 11:59

tamantu dibatu!
tanta poesia in francese...
O' ghjente liticate, dibatite,macagnatevi,inghjuriadevi ma pè piacé in lingua corsa!
cusi bella issa lingua!

20.mandatu da GWM u 15/12/2009 09:45

si po fà di sguassà i messaghji in francese ?

19.mandatu da Ceccè Lanfranchi u 15/12/2009 09:12

Un salutu à tutti. Mi permettu di scriva quì, postu ch'iddu si hè parlatu di NOVI.
Dopu à l'emissioni, aghju apartu una discussioni à nantu à u "libru d'oru" di u nosciu situ, postu chì l'imagina di u gruppu era riprisintata da dui cantarini : Jean-Charles Papi, chì oramai ùn faci più parti di NOVI, è Laurent Leandri, chì hè oghji u cantadori principali di u gruppu, ghjuvanottu è cantarinu talintosu, è chì ùn si pidda micca, cuntrariamenti à ciò chì hè statu dittu quì supra, par un "chanteur-vedette".
Par contu nosciu, aviami dicisu di lacà passà ugni missaghju, à prò o nò di l'emissioni. Sapendu bè chì cinsura ùn ci n'hè, fora di quand'iddu si tratta di missaghji sputriti ch'insultani la ghjenti. Ugnunu si hè dunqua pussutu sprima, è tantu meddu.
U me ghjudicamentu à mè impremi pocu, ben' ch'iddu sighi cunnisciutu, mi pari. A ghjenti hè libara di i so scelti, cù a so cuscenza, è ancu di pettu à a so cuscenza.
Par contu meiu, ùn voltu, eiu, u spinu à nimu.
Ultima pricisioni : NOVI asisti sempri, cù Laurent Leandri, Bruno Vidal, Francescu Sabiani, Cristofanu Vellutini, chì m'affiancani di u so talentu è i so qualità umani.
Eccu, pensu chì, par rimetta i cosi à a so piazza, ùn cunveni di sparghja si dinò ori è ori à nantu à iss'epiffenomenu di a "battaglia".
Prifergu cunsacrà mi, eiu, à fiancu à i mei, à issi battagli chì ci aspettani, quì, à prò di a noscia lingua. Avveda ci.

http://www.novi-corsica.com

18.mandatu da l'affaire JCP u 15/12/2009 09:09

la téléréalité ne me réussit plus, je retourne avec mon peuple de sous développé

ah ah ah ! infine appena di tazzime ! face un pezzu ch'elli ùn c'eranu più dibattiti infiarati nant'à A Piazzetta.

felicitazioni à tutti !

17.mandatu da vargaglionu u 15/12/2009 08:45

O ziteddi ça en fait des histoires fromagères en pleine crise d'importation de lait allogène...
Jean charles (40ans) a donné le baton pour se faire battre è d'altronda hè un beddu pezzu chi ùn lu suppurtavu più incù a sò sinfunia di merda.
Eddu è u figliulinu di u barbutu di chera ùn sò cantadori di pizzaria è sabbatu sera era una grossa pizzaria è bastà.
a mè ùn mi sgena manc'appena u peghju hè par eddu.
Pour finir je tiens à les remercier tous car franchement ça faisait un pezzu que je n'avais pas rigolé comme ça, nienti cà di veda u tontu di jean charles saltuchja in tutti i scorni
Après ça ils vont tous pouvoir baiser à couilles rabattues et ça sa vous en bouche un coin, ...un trou...ou se faire je ne sais plus.
la téléréalité ne me réussit plus, je retourne avec mon peuple de sous développé

16.mandatu da estrimei u 15/12/2009 07:42

a mè , mi pare , chi s'emissione face i disguasti ancu nant'a stu foru !
i frencesi attaccanu a galoppu serratu...,chi ne pensanu i rispunsevulli di stu foru?

15.mandatu da 2 poids 2 mesures u 15/12/2009 07:15

On avait bien critiqué ce qui jouait dans "mafiosa". C'est ni mieux ni pire.
On avait aussi pourrit certaines facons de vivre chez nous et On les accepte la bas.
Rien a dire

14.mandatu da Mamma NOVY u 15/12/2009 07:02

1) NOVI esiste sempre, l'aghju visti d'aostu.
2) Mr qui s'appelle Mamie NOVI et qui a l'air de me prendre pour qui je ne suis pas, sachez, puisque vous etes qui je sais, que la critique est un peu la rançon de la gloire.
Et que le chanteur actuel de NOVI n'a pas lui, un passé de mythique emblematique chanteur de groupe phare.
Chacun, oui, peut faire ce qu'il veut. Mais faire des chose à contresens complet des discours tenus pendant 20 ans, normal que les gens s'interrogent. Je ne suis peut etre qu'un ane, mais helas, cet ane est là !

13.mandatu da Moussor light u 15/12/2009 01:20

(da un teleffuninu)

Ah bon ? Un esistenu più i Novi ? Peccatu, era propiu bè è "novu"... Ancu eiu preferiscu vede Papi cantà rock corsu chè l'orribile varietà francese o e cunnerie di i quilapayun

12.mandatu da Mamie nova u 14/12/2009 22:38

Messieurs mamma novy qui prenez si aisément des pseudonymes, n'oubliez pas que votre nouveau chanteur vedette fait lui aussi partie de la chorale corse tant décriée. à bon entendeur...

11.mandatu da McRashley u 14/12/2009 21:39

(da un teleffuninu)

Comment cela?

10.mandatu da Bustanicu è più ch'è Bustanicu u 14/12/2009 20:51

Pensu soprattuttu chì ci piace à ghjudicà sempre à l'astri nò ?

Sò passiunati di musica, si facenu una cullata in Parigi à l'ochju à cantà, à fassi una risata è à fà i conni à a televisiò, chì ci hè di male ? ùn arrubbanu soldi à nimu, ùn dicenu male di nimu è ùn si chjodenu micca zitellette in cantina pendente 25 anni... Chì vi pò fà ? Devenu rende i conti à quale ? À voi ? À noi ? À mè ? È perchè ?

Capiscu ch'ella pò fà biscà di vede un anzianu leader di Canta nant'à TF1 incù u ben' di Patrick Fiori, ma per mè, Ghjuvan Carlu Papi hà ancu un bellu paghju di cuglioni di cullà à TF1 à contrasensu cumplettu di ciò chì "ci vulerebbe à fà" per passà pè un pistellu.

S'è u fattu di cantà "Libertà" nant'à a scena sottu à a bandera di un gruppu Corsu vale à incatinassi à ùn fà più nunda d'altru di tutta a so vita allora ùn aghju capitu nunda...

Avà scatinatevi...

9.mandatu da Fiddola NATALI u 14/12/2009 19:15

PATETICU.

Chì sarà u scopu di sta "bedda avvintura umana"? (dixit unu di i participanti)
I soldi? Bedda sterpa ch'è no semi turrati.

Papi insignarà à i so sculari di a scola bislingua di PV1 i canzoni di Claude François ? Tradutti, forsa? è i ghjuvanetti purtivichjacci farani e "claudettes" in un prossimu spetaculu di "cantu corsu risulamenti mudernu"?

Piantemuci puri, si pò sempri fà u "clown", hè un dirittu custituziunali. Nisun Intaressu, ma sò libari.

8.mandatu da Lonzu u 14/12/2009 16:03

Ouivor ouivaoute you par Papi Vole
Et bientôt "Cette année là" par Chapi chapo

7.mandatu da Lonzu u 14/12/2009 16:00

On aurait du chanter avec ds ficatelli autour du coup, ça aurait fait un peu plus identitaire.

6.mandatu da rughjatore u 14/12/2009 13:41

Mi n'impippu di st'emissioni ma d'una forza...

Sola cosa chì mi cuntrarieghja, ghjè chì Jean-Charles Papi sia cascatu drentu à sta trappula...

5.mandatu da Mamma NOVY u 14/12/2009 12:02

La culture corse est soluble dans l'hexagone, l'inverse hélas n'est pas vrai, sauf à ramener les 3 mots corse gadgeto-polyphoniques en fin de chanson.
Un gain pour la ville en competition ? Pourquoi messieurs, ne pas offrir l'integralité des recettes de vos concerts sur une saison à des assos ? Parce qu'il n'y a pas "les feux de la rampe" ? C'est le syndrome de "la pie qui chante". Mais tout ce qui brille n'est pas or. Jadis, des gens s'entretuaient pour un minerai brillant et sans valeur, la pyrite, "l'or des fous". Mon dieu comme les corses oublient tout des qu'on les flattes. Vives les paillettes !

4.mandatu da Mamma NOVY u 14/12/2009 10:17

Jeancharles Papy hè partutu da NOVI st'estate !

3.mandatu da estrimei u 14/12/2009 09:18

mi pare chi participà a a prumuzione di TF1 he una scelta pulitica : quella di u sollu e di u liberalisimu. E sta pulitica , un pò esse che guai per u nostru Paese e u sò Populu .
he capita chi tutt'ognunu pò fà a so scelta, e cantà sò chi li pare induv'ella li pare , ma mi pare , ch'ellu ci 'ole a specificà chi tutta sta ghjente chi participeghja a l'emissioni di televisiò , prova a fà a so prumuzione persunale , a buscassi dui solli e esse ricunisciuti . e bastà !

2.mandatu da springles u 13/12/2009 21:54

hè vera chi a curale di GREMLINS I à cantu à quella di Pat Flowers hè un "tamantu piacè" cum'ellu si dice nant'a alta frequenza

1.mandatu da KÜG u 13/12/2009 20:31

Offertoriu