Fate pianu o zitelli ! Ùn siate micca u primu imbecille di l'annu à finisce à l'urgenze a sera di u "31 du jour de l'an" cum'ellu a dicia Hubert Tempête. O megliu : esse à l'ospidale pè i dodeci colpi di mezanotte. Per evità di principià l'annu novu cum'è un catinu, A Piazzetta vi mette in guardia contr'à e tràppule di u ghjornu u più periculosu di l'annu.
1. L'apertura di l'òstrice : Òstrice di Diana, eccu una bona idea ! Prublema : ci vole à aprele è l'affare hè periculosu. Vulete fà u maccu ma ùn ci capite nunda. Risultatu : vi ritruvate a manu in sangue nanz'à avè attaccatu l'apperitivu. Site voi u scempiu di u 31. Cunsigliu : quist'annu, cumandate una pizza.
2. U tappu di u Champagne : Un grande clàssicu di San Silvestru. Hè sempre u più manitrònchjulu à vulè apre e buttiglie di Champagne. Risultatu : ci hè sempre un disgraziatu chì si truvava in pienu mezu à pigliassi u tappu in l'ochju. Cunsigliu : quist'annu, si beie Mouss'or è Saint-Georges.
3. A brusgiatura : Altru grande clàssicu. Ci vole à fà arrustisce u figatellu. Ma ci hè u mondu, avete betu appena à l'apperò, ci vole à fà in furia... è hè tandu ch'ella accade a catastrofa. Risultatu : finite arrustitu nanz'à u figatellu è avete dirittu à a Biafine. Cunsigliu : quist'annu, à u micro-onde u figatellu !
4. L'intussicazione alimentaria : Avete vistu l'affari in grande quist'annu. Salmone di Nurvegia allevatu in Charleville-Mézières, foie-gras di Belgrade, òstrice di Hong-Kong, figatellu di Super U è Bûche de Noël di Magic Stock. Risultatu : s'è vo ci la fate à sopravive à què, scrivite vi à Koh-Lanta.
5. A tichjina : Cum'è tutti l'anni, ùn pudete stà. Ci vole ch'è vo manghjessite di tuttu à sette ganasce. Và bè ch'ella hè bona sta pulenda, ma ùn avete micca bisognu di pruvà à mischjalla cù u nutella è di finiscevi à u Mon-Chéri dopu à avè tastatu sta bunissima Forêt Noire à u Tiramisù chì forse vene in troppu. Cunsigliu : citrate de bétaïne...
6. I cotillons : Attenzione ! L'amicu connu + alcool + cotillons = PERICULU ! Risicate di perde un ochju. Pruvate di supprime unu di sti trè elementi.
7. A scimia : Chì saria u 31 senza i so sempiterni eccessi alculizati ? Iè ma dopu vi ci volenu trè ghjorni pè rimettevine è ùn v'arricurdate più di ciò ch'è vo avete fattu cum'è pazzìe. Alè, passatu u primu di ghjennaghju, tutti à l'acqua !
8. A fucilata : Ùn ci hè 31 senza pistulittate è fucilate. Ma da a festa à u fait-divers, u passu hè cortu. Almenu ch'è vo ùn vogliate sbarazzavvi di a vostra sòcera, preferite i fòrgani. Di preferenza i "mamouths" di marca "Bison", menu periculosi.
9. U permessu chì salta : Un bonu ethylotest pè cummincià l'annu novu, nò ? Vi femu e corne è casu mai, ùn pigliate micca a vittura !
10.A cazzuttata di mezanotte : Ci hè sempre un sugettu di cunversazione à evità... Fate pianu, cun l'alcool, tuttu ognunu si crede sempre più forte ch'è ciò ch'ellu hè. Risultatu : calci, cazzotti è sciambuloni. "Pace è salute", aviate dettu pocu nanzu...
In fin'di contu, u megliu serà ancu di boycottà u 31 è di mettesi in lettu nanz'à mezanotte, nò ?
1. L'apertura di l'òstrice : Òstrice di Diana, eccu una bona idea ! Prublema : ci vole à aprele è l'affare hè periculosu. Vulete fà u maccu ma ùn ci capite nunda. Risultatu : vi ritruvate a manu in sangue nanz'à avè attaccatu l'apperitivu. Site voi u scempiu di u 31. Cunsigliu : quist'annu, cumandate una pizza.
2. U tappu di u Champagne : Un grande clàssicu di San Silvestru. Hè sempre u più manitrònchjulu à vulè apre e buttiglie di Champagne. Risultatu : ci hè sempre un disgraziatu chì si truvava in pienu mezu à pigliassi u tappu in l'ochju. Cunsigliu : quist'annu, si beie Mouss'or è Saint-Georges.
3. A brusgiatura : Altru grande clàssicu. Ci vole à fà arrustisce u figatellu. Ma ci hè u mondu, avete betu appena à l'apperò, ci vole à fà in furia... è hè tandu ch'ella accade a catastrofa. Risultatu : finite arrustitu nanz'à u figatellu è avete dirittu à a Biafine. Cunsigliu : quist'annu, à u micro-onde u figatellu !
4. L'intussicazione alimentaria : Avete vistu l'affari in grande quist'annu. Salmone di Nurvegia allevatu in Charleville-Mézières, foie-gras di Belgrade, òstrice di Hong-Kong, figatellu di Super U è Bûche de Noël di Magic Stock. Risultatu : s'è vo ci la fate à sopravive à què, scrivite vi à Koh-Lanta.
5. A tichjina : Cum'è tutti l'anni, ùn pudete stà. Ci vole ch'è vo manghjessite di tuttu à sette ganasce. Và bè ch'ella hè bona sta pulenda, ma ùn avete micca bisognu di pruvà à mischjalla cù u nutella è di finiscevi à u Mon-Chéri dopu à avè tastatu sta bunissima Forêt Noire à u Tiramisù chì forse vene in troppu. Cunsigliu : citrate de bétaïne...
6. I cotillons : Attenzione ! L'amicu connu + alcool + cotillons = PERICULU ! Risicate di perde un ochju. Pruvate di supprime unu di sti trè elementi.
7. A scimia : Chì saria u 31 senza i so sempiterni eccessi alculizati ? Iè ma dopu vi ci volenu trè ghjorni pè rimettevine è ùn v'arricurdate più di ciò ch'è vo avete fattu cum'è pazzìe. Alè, passatu u primu di ghjennaghju, tutti à l'acqua !
8. A fucilata : Ùn ci hè 31 senza pistulittate è fucilate. Ma da a festa à u fait-divers, u passu hè cortu. Almenu ch'è vo ùn vogliate sbarazzavvi di a vostra sòcera, preferite i fòrgani. Di preferenza i "mamouths" di marca "Bison", menu periculosi.
9. U permessu chì salta : Un bonu ethylotest pè cummincià l'annu novu, nò ? Vi femu e corne è casu mai, ùn pigliate micca a vittura !
10.A cazzuttata di mezanotte : Ci hè sempre un sugettu di cunversazione à evità... Fate pianu, cun l'alcool, tuttu ognunu si crede sempre più forte ch'è ciò ch'ellu hè. Risultatu : calci, cazzotti è sciambuloni. "Pace è salute", aviate dettu pocu nanzu...
In fin'di contu, u megliu serà ancu di boycottà u 31 è di mettesi in lettu nanz'à mezanotte, nò ?
Quist'annu, fate una merendella goffa
