Perchè festighjà l'ottu dicembre?

A festa di a nazione rimanda à e rivolte corse di u diciottesimu è à a guerra d'indipendenza contr'à Genuva. Ma perchè festighjà stu ghjornu ?

1. Perchè una festa di dicembre cù u fretu è pienu d'azezi hè sempre megliu chè una festa l'estate cù DJ è mojitos.

2. Perchè in a nostra a festa, ùn ci hè micca défilé nè musica militare.

3. Perchè hè sempre megliu chè a "fête des voisins".

4. Perchè ancu si l'immaculata cuncezzione ùn vi dice nunda, pudete fà a festa quantunque.

5. Perchè hè sopr'à tuttu u mumentu pè ritruvassi. Bon d'accordu, hè una scusa per sorte.

6. Perchè ùn si sà sempre micca ciò ch'ellu s'hè passatu in e cunsulte d'Orezza è di Corti di ghjennaghju 1735. È ùn face nunda.

7. Perchè ùn face nunda si à i tempi di Pasquale Paoli l'ottu dicembre ùn era micca festighjatu.

8. Perchè "ci serà da beie è da manghjà".

9. Perchè l'ottu dicembre hè dinù l'anniversariu di Jim Morrison è di Gérard Holtz.

10. Perchè nè Manuel Valls nè Marine Le Pen festighjeranu stu ghjornu.

l'8 di Dicembre 2013

Accueil

Envoyer à un ami

Version imprimable

1.mandatu da anto u 08/12/2013 15:15

E sopratuttu perchè l'ottu di dicembre ci so i figatelli et cu u freddu si manghjanu piu vulinteri che d'estate !

http://www.blog-anto.be

2.mandatu da sardu u 08/12/2013 18:46

perché hé ancu imaculata...:) tantu pé festeghjia

http://ò

3.mandatu da Ghjuvanluca u 08/12/2013 21:00

Eu chi sò di a sardegna a festeghju.A festighju perchè ella è stata u principiu di tutte e rivoluzioni ,nant'à quella americana e prima di quella francese.Un esempiu unicu, pà dilla chiara, di demucrazia,libertà e diritti ,quandu, L'Europa ghjera strinta da i Guverni assoluti chi opprimevenu e loro populazioni. U 1735, ghje impurtante non sulamente pa à Corsica ma pà tutta l'Europa di l'omini Liberi.Ella avà è sminticata sulamente perchè scomoda......un isula chi affronta ù cuntinente e si fa statu è un affrontu mal suppurtatu ;ma quessu è accadutu in u 1735 e nudda lu potrà mai cancellare.
Onore a Paoli

4.mandatu da ozit u 08/12/2013 21:46

tanti ringrazi o Ghjuvanluca

5.mandatu da Vitriolu u 16/12/2013 19:23

Stretta di U Marechal Lyautey (ind'u bassu di a stretta, acantu à un bar "U Sedrey"), Tre Tonti (cumè me) ani messu una Virgine, ani chjamatu un prete, chi a fattu una benedizione, è ani chjamatu a virgine : "Nostra Mama di l'Ottu Dicembre" o "Notre Dame du 8 décembre".
Ben sicuru, l'ani fattu apostu, pinsendu à i nostri anziani d'Orezza, in 1735, chi ani fattu di a Santa Virgine Maria di l'Immaculata cuncezzioni, a Santa Mama di a Corsica.
Una altra cose impurtantissima : primu d'esse a Testa Mora, a prima bandera Corsa era una Madonuccia Immaculata anantu à un stracciu turchinu (article 1 des règlements d'Orezza de 1735).
Sè vo passate in quista stretta, mittite una candeluccia. Esse vieru d'esse corsu, ghjè bè, mà hè tempu di fallu vede (agjhu scritu corsu cume agju pussutu).

6.mandatu da Vitriolu u 16/12/2013 19:52

A Stretta di u Marechal Lyautey hè in Aiacciu, ben sicuru.
Saria bè sè si vidiani tanti lumi tuttu l'annu, in quistu locu, cume un simbolu di a rinascita di a nostra anima.
Dopu, un hè mai male da ricurdassi chi a Nazione corsa hè nata cu l'aiutu di u Celu, cumè un veru miraculu. Si po leghje "le mémorial des Corses" (à partir de l'année 1731).
En fait, Paoli est certainement le père de la Nation, mais elle était née par la volonté du Saint Esprit (au sens propre du terme, dans un couvent, après un débat et un vote à l'unanimité, par des théologiens reconnus), dès 1735 si on se fie à la constitution, et même dès 1731, si l'on se fie au débat théologique qui a précédé.
Et désolé, mais le français restera toujours plus facile pour moi.

Novu cumentu :