U spleen di a rientrata

L'estate chì si ne và, i ghjorni chì accortanu, i paesi digià viutati e veste è doudounes d'inguernu in vitrina di i magazini... L'avete ancu voi, a picòndria di a rientrata ?

Si ricunnosce a fine di l'estate à i rayons di i supermarcati : quandu e creme pè brunzà è i ghjoculi di mare sò rimpiazzati da e cartine è a robba pè i sculari.

À u Super U è à Casinò, hè a listessa cumedia : l'affissi dicenu tutti "vive la rentrée"... un cornu sì ! Perchè ùn si stava megliu in vacanze ? Siccome à elli li piacerà à travaglià mì !

Ci cunsuleremu dicenduci chì i turisti partenu è ch'ella ùn ci hè più a pagina "people" in Corse-Matin...

l'8 di Sittembre 2008

U Sgaiuffu

Accueil

Envoyer à un ami

Version imprimable

1.mandatu da Ziu Dumè u 08/09/2008 10:20

Hè cù articuli cum'è questi quì chì ci strascinemu a riputazione di tranchji... Cumu vulete spiegà dopu chì à i pinzuti chì à i Corsi li piace u travagliu?
Basta, aiò, ch'ellu venissi prestu meziornu, ch'o mi possa chjinà appena...

http://www.laziu.com

2.mandatu da Ziu Dumè u 08/09/2008 10:21

dopu à i pinzuti

http://www/laziu.com

3.mandatu da MM u 09/09/2008 16:42

Chì picondria !!!

Ghjà si ne vanu i tursiti è ritruvemu u nostru spaziu naturale,imbruttatu,marturiatu ma infine liberatu !!

E nostre marine,spiaghje,diventanu belle cum'è mai è fatevi un giru in l'Agriate di sittembre ò di principiu d'uttobre è vi ralegrera in furia !!

Dopu ci serà una vera rinfriscata,sarebbe ora ! Lamperemu e tongue per mette appena i timberland ! anderemu in furesta à buscà qualchì fungu ! Buletri,capineri,ghjallisturzi è tanti altri !

Dopu empieremu e sporte cù e castagne è e feremu arrustisce cù u testu ò bolle in ballotte...Accenderemu u focu è feremu l'apperitivu per riscaldacci à u Barcaghju.Ogni tantu sunerà qualchì ghitarra ò schiatterà qualchì chjama !!

Infine aspetteremu i primi figatelli !!

O Sguaiuffu,a me a picondria mi vene d'aostu !!!

4.mandatu da telemac u 09/09/2008 18:57

O Sgaiuffu ! Disjuncteghji o chè ?! :-D
Chi piacè quand'ella si compia sta stagiunaccia di merda chjamata "estate", s'o pudia mettemi ind'u coma di lugliu sin'a sittembre a ferrebe di sicuru ! Eccu avà ch'hannu da affacassi e prime acquate, è ci scurderemu pocu a pocu di tutt'e cunnerie chi c'arreca l'estate (sciappitana, cunvivialità falsa, calore insupurtevule, pumataghji, croce annant'e strade, arrubecciu urganisatu ind'i cummerci, clacquettes, sapientoni diaspo, etc.)

Novu cumentu :