Bon, tuttu u mondu cunnosce e regule di a morra, o ci hè bisognu di ramintalle ?
![Ducumentu Canopé di Corsica Ducumentu Canopé di Corsica](https://www.wmaker.net/apiazzetta/photo/art/default/19640997-23438708.jpg?v=1516582809)
Ducumentu Canopé di Corsica
St'anticu ghjocu era cunnisciutu da i Rumani è forse ancu da l'Egizziani. Esiste ind'è parechji populi di u Mediterraniu. In u meziornu di a Francia si chjama mourre, in Italia morra, in Sardegna murra.
Dapoi pocu, ci hè ancu un campiunatu corsu.
È avà per intrenassi, esiste ancu l'appiegazione. L'idea hè di dui giovani sardi chì anu creatu Sa Murra, u primu ghjocu di morra nant'à smartphone.
Pudete ghjucà contr'à un robot. Ma ci hè ancu di più divertente : pudete ghjucà contr'à ghjucadori reali in diretta, cunnettati è messi in rete via a piattaforma di l'appiegazione. Ci vulia à pensacci !
![Ghjucà à morra nant'à smartphone, hè pussibule Ghjucà à morra nant'à smartphone, hè pussibule](https://www.wmaker.net/apiazzetta/photo/art/default/19640997-23438763.jpg?v=1516582809)
Bon d'accordu, mancanu i rimori, i mughji, è l'odore di u pastizzu. Forse in una prussima versione ?
![Ghjucà à morra nant'à smartphone, hè pussibule Ghjucà à morra nant'à smartphone, hè pussibule](https://www.wmaker.net/apiazzetta/photo/art/default/19640997-23438830.jpg?v=1516582809)