Site dipendente ?

Passà una ghjurnata senza u vostru teleffunu è senza internet, a pudete fà ?

È sì piantà di fumà era più faciule ch'è di stà senza teleffunu è senza internet ? Unepochi di scentifichi amricani di l'università di Maryland anu pruvatu una sperienza chì ci face riflette (per una volta).

Anu dumandatu à parechji vuluntarii di stà 24 ore senza mail, senza Facebook, senza iPhone è senza Twitter. Avianu solu u dirittu d'utilizà un teleffunu fissu (sapete, quellu di u seculu passatu, à i tempi di a prestoria).

Risultatu : certi anu craccatu prestu. Anu sviluppatu listessi sìntimi ch'è quelli chì cercanu di piantà di fumà. Stress, angoscia, impressione di mancanza... cum'è i drugati.

Ùn ridite micca ! Voi chì site diventatu addict à Facebook è à u vostru iPhone (almenu 95% di i lettori di stu situ...), puderiate stà un ghjornu sanu senza nunda ?

È s'è no eramu tutti drugati, senza rendecine contu ?

u 4 di Farraghju 2011

u webmaestru

Accueil

Envoyer à un ami

Version imprimable

1.mandatu da Letizia u 04/02/2011 06:00

Cosa resta da fa

2.mandatu da sciuttu u 04/02/2011 08:56

24 ore senza a piazzetta, insupurtevule quessa.

3.mandatu da Ghjo u 04/02/2011 09:54

Quale hé un telephonu ??? cunnoscu micca...

4.mandatu da ANTO u 04/02/2011 18:32

Ghjorni passati quand'ell'un c'éra mica lumè pè causa di nivone, chi piacè senza telefonu ni télévisione e ancu senza ADSL ,si campa listessu senza soffre .E peghju a fame !!!!

http://www.blog-anto.be

5.mandatu da Cardone u 04/02/2011 18:37

O ANTO, avia da dì listess'affare ! Simu stati trè ghjorni senza nunda in Boziu à colp'à a neve, a vi dicu chi cio chi mi mancava u più ùn era ne Internet, ne a televisiò ( appena quantunque ), era l'acqua calda è u frigò !

6.mandatu da felisgiascu u 04/02/2011 20:42

Eiu so addict à a Piazzetta

7.mandatu da Pruprianincu u 05/02/2011 11:43

Ghjustu u vostru email, pa una photo per un articulu...

8.mandatu da U Palatinu u 05/02/2011 14:03

Incù i mio 5 blogghi, i mio dui conti nant'à dui siti d'infurmazione, e mio participazione à trè fori di discussione, u foru da u quale so l'amministratore (in lingua corsa), e mio 20 addirrizze e-mail sfarente, è e mio participazione à parechji siti è blogghi (fra i quali A Piazzetta), pensu esse dipendente.
Cumu fà ?

http://appuntamentu-corsu.forums-actifs.net

9.mandatu da U Palatinu u 05/02/2011 14:04

PS : nisun ligame incù cio chì preceda, ma ci vole ch'e vo leghjessite què : http://www.lefigaro.fr/flash-actu/2011/02/04/97001-20110204FILWWW00628-un-tenor-francais-a-l-eurovision.php

Vi pò parè straniu, ma ci vole ch'e u leghjessite.
So ancu puru sicuru ch'e prestu scrivarete un articulu nant'à què.
Ne so sicuru.

http://appuntamentu-corsu.forums-actifs.net

Novu cumentu :