Novu scandalu di a sciarcutteria corsa : e salcicce messe in vendita à u Super U eranu in fatti robba pè i cani !

Dopu à u prucessu di l'intraprese corse "Les Salaisons réunies" è "Copafrais" chì vindianu falsa carne purcina, hè un'antru scandalu chì scuzzula a prufessione. Una intrapresa hà messu in vendita à u Super U di Fulelli salcicce chjamate "saucisson corse pur porc", ma chì eranu in fatti destinate à... i cani.

A carne purcina corsa hè in crisa di poi un bellu pezzu è hà da esse difficiule di sortene. Dop'à i scandali di l'intraprese Copafrais è Les Salaisons Réunies chì sò state cundannate per avè messu in vendita falsa sciarcutteria corsa, eccu un antru affare chì imbrutta a prufessione.

E salcicce chì eranu vindute sott'à u nome di "saucisson corse pur porc" eranu in fatti un pruduttu destinatu à esse trasfurmatu in salciccia per cani di l'intraprese "Deli Snacks".

A cumbrincula durava dapoi parechji mesi, senza chì nimu ùn si ne sia avvistu. L'intrapresa avia ancu ricevutu suvvenzioni di u Cunsigliu Generale di Corsica Suprana è u ministru di l'agricultura Michel Barnier avia visitatu l'installazione durante a so ultima visita.

À u Super U di Fulelli, spiega un rispunsèvule : "Que voulez-vous ? On savait que cette charcuterie était dégueulasse, mais en même temps elle n'est pas pire qu'une autre ! De toute façon de la bonne charcuterie corse ça n'existe plus ! Ou alors il faut la chercher en photo dans les bouquins de Pierre-Jean Luccioni (sic)"

Sola cunsulazione pè u magazinu : "on va changer l'étiquetage et on va mettre directement la charcuterie au rayon 'nourriture pour chiens'. Et encore, c'est même pas sûr que mon clebs en veuille de cette merde !"

A crisa cuntinuveghja in a prufessione di i pruduttori di carne purcina...

u 18 di Sittembre 2008

U Sgaiuffu

Accueil

Envoyer à un ami

Version imprimable

1.mandatu da in cauda venenum u 18/09/2008 08:12

FACE UN PEZZU CHI CERTI UN MANGHJANU CHE MERDA NE SO FELICE E INCURAGISCENU U MULIZZU MA MI SI PARE CH'ELL'UN SIA SOLU PER A SCIARCUTERIA PER A FARINA PER L'OLIU E ANCU PER A PAGHJELLA. ANCU I CORSI SERANU CONTRAFATTI ???????????????????????????

2.mandatu da Petru Anghjulu u 18/09/2008 14:08

Fate pur contu, che stu scrittu un he tandu luntanu di a verita...

3.mandatu da paulu u 18/09/2008 14:48

E "u saucisson d'âne" chì certi Corsi vendenu, senza vergogna, cum'è pruduttu nustrale, chì ne pensate ? Ma què, disgraziosamente, ùn hè micca una macagna !

4.mandatu da Colomba u 18/09/2008 21:19

Hè salciccia d'OMU chì ci vuleria à fà cù certi!!

5.mandatu da estrimei u 19/09/2008 10:21

ma sta carne purcina fatta ncu rubbaccia chi ghjunghje da u mondu sannu , ma stu furmagliu vindutu nu u mondu sannu , 'ncu latte compru nu u mondu sannu , so , forse dinnu , una manera di participà a l'ecunumia di a Corsica ....?
a disgrazia he chi , in pigliendusi l'appellazione, arruvinanu a rinomita di a "qualità Corsica " . e s'ampara chi a pruduzzione tradiziunale di carne purcina he vinduta a prezzi sprupusitati a grandi stabbilimenti osteriaghji di Corsica, di Francia, o d'astro.
i giovanni corsi chi volennu tastà una vera coppa o un veru lonzu so cundannati a praticà sti stabbilimenti.
e toccanu e prime........

6.mandatu da machja u 19/09/2008 10:53

A sapette che Leclerc a compratu 10 super U in corsica.

7.mandatu da becaglia u 19/09/2008 13:44

Produtti Nustrali in vendita in cummerci Pruprianinchi:

"Paté" di "Acelli corsi" (ahahaha) accumudatu incu: castagna, finuchju, myrta...
Salsicca di zameru
Salsicca di cignalu (10% - di qual' carne so l'altri 90%?)
Casgiu corsu (fattu in Sardegna)

Anni fa, un prudutoru di carne purcina tradizionale compraia is so porchi da a China...
Un he micca un prublemu d'ava...

http://www.webpropaganda-corsica.com

8.mandatu da machja u 19/09/2008 13:50

Chi rubbaccia si corsi, quantunque!!!!!!

9.mandatu da estrimei u 19/09/2008 15:57

ti sbagli o machja, Leclerc un compra micca i cummerci , so sti cummerci chi cambianu di , cumm'elli dicenu in frencese : "centrale d'achat " .

10.mandatu da piratella u 19/09/2008 18:47

Tantu peghju per quelli chì compranu a carne purcina n'importa induve : cumprate à prudutttori chè vo cunniscite! Cusì pè u restu, ùn hà da avvelenà chè à i turisti, civa! lol

11.mandatu da campagnolu u 19/09/2008 19:22

A estrimei
N’avemu parlatu, i giovanni corsi s’elli a volenu, ponu sempre truvà robba bona inde i nostri paesi é à bon prezzu.
Iporcaghjii toccanu nisuna prima !!!!

A machja
Leclerc ùn ha compru 10 super u ! 10 super u corsi hanu sceltu di scambià di marca cummerciale !

12.mandatu da estrimei u 19/09/2008 20:36

o campagnolu,
he vera ,ripetu qui, so ch'aghju scrittu nant'a via campagnola , ma l'aghju detta e a mantengu bona robba a prezzi raggiunevulli ci'ole a strazià per truvane.
quist'annu aghju pussutu manghjà una coppa , chi era coppa : he a prima volta dipoi 10 anni ch'o sto in paese e per avè sta coppa ci ' he vulsutu a spaisà .
d'altronde , ti prumettu di publicà u prezzu e u pesu di u casgiu frescu ch'o cumpreraghju 'nde i pastori.
e postu ch'o ci simmu, prestu fallanu e castagne . quantu ci custerà di fà una pulenda ? francheremmu i 10€ (65,56F) u chilo?

13.mandatu da Fattu veru u 21/09/2008 21:58

Un storia vera
In u risturente di u rughjone di bastia, aghju cumandatu una "muntagnola" un insalata incu casgiu, ovi.., e "jambon".Per me ghjera Prisuttu...E no, ghjera prisuttu cottu piu cuniscutu sotta u nome di "jambonneau".
UNA VERGOGNA , e se vo site bravi vi daraghju u nomi di u locu.

14.mandatu da micca nomi u 24/09/2008 15:13

vi sbagliate era vendute a u casino storia di "roulette "

15.mandatu da lisandra u 12/10/2008 15:09

Ghjè una vergogna perché digià chi i francesi un hannu micca una buona opinione di noi se li demmu farza salsiccia simu vé!
Eo mi ne in futu perché un la manghju micca e un aghju micca cani!!!

16.mandatu da 112588 u 13/10/2008 14:17

eiu, pensu che u bonu salcicce corsu sempre esiste!

17.mandatu da micca nomi (2) u 14/10/2008 14:20

un ci voglie micca comprà a sciarcutteria à u Super U

18.mandatu da micca nomi 3 u 14/10/2008 14:27

Ghjè un scandalu! Fulelli hè un paese di scemi!!! U Super U un hè micca un locu per comprà sciarcutteria. Ci vole andà a a sciarcutteria u Palais des viandes per a bonna salcicce. Sopratuttu ci vole andà a u Cocci market. Forza Cocci!!! Forza M.Manoni!!!

19.mandatu da 90210 u 14/10/2008 19:52

U peghju e che un si fa micca sola à u Super U di Folelli ... Pensu che si face in altri loghi. E una vera vergogna !

20.mandatu da Marie-Angé u 19/10/2008 11:40

Eiu un mi faciu più avè compru sempre à mo carne à u ripartu animali di u Super U. Cusi, miccà risicu, a carne hè amore, sente bonu sopra tuttu quella di a marca Trexie, veramente bunissima!
Per a ciculate faciu u listessu è so sempre cuntenta!

21.mandatu da 2035 u 19/10/2008 15:40

Se vò vulete manghjà robba nustrale (prisutu, coppa, lonzu, salcicce è figatelli) di qualità, andate à a Tanedda, l'usteria di u mè ziu pruduttore è purcaghju in Bucugnà.

22.mandatu da b.s u 20/10/2008 13:35

di tutta manera a sciarcutteria si compra micca a u super u

23.mandatu da Cara u 21/10/2008 16:49

A sciarcutteria corsa un si compra micca inde Super U, ma sta storia un he micca be per a ghjente chi venenu in Corsica l'estate e chi ripartenu inde elli micca cuntentu!

24.mandatu da delta 320.B u 27/10/2008 11:45

penzu chè es una vergogna ch'à gente no sabanu micca indeve é fare a carne ché si compranu.Perché a gente volenu sabe so ché manghja

25.mandatu da eiu u 02/11/2008 19:50

Penzu che stu articulu ripresenta assai a verità. Oghje, quand' a ghjente cumpra i prudutti in sopramercati, sape micca a vera origine di questi.
Mà u veru prublemu he l'industrialisazione di i prudutti tradiziunale. A qualità hè micca assai bonu.

26.mandatu da heliofobu u 02/11/2008 20:26

A traduzione "sopramercatu" mi piace assai !

27.mandatu da Ferinellu u 03/11/2008 15:28

Cusi' sè a salameria ghjè per i cristiani, a ''sciarcutteria'' un neologismu per l'animali !!
Qui' a divesa di u corsu ne ghjunghje à una sciarpella...
Scola corsa, ritorna , ritorna !!!

28.mandatu da justin bridù u 03/11/2008 15:36

alè, facia un pezzu ch'ellu ùn si vidia un prufessore Spiegatuttu per dacci a sempiterna lezzione : "ùn si dice micca... fate i sbaglii... ind'i tempi almenu i vechji sapianu parlà...."

scusa o maè, ma postu ch'è tù a piglii cusì, ind'è mè a parolla "salameria" ùn si dice ! è i vechji, ùn a capiscenu micca ! hè purtantu, n'averanu fattu lonzi, sarcicce, coppe è figatelli.

ma bon, hè sempre cusì a Corsica, piuttostu ch'è di felicitassi di vede chi un situ scrittu sanu sanu in lingua corsa attira più di 10 000 visite à mese è ci la face à fà leghje a lingua corsa à i nostri giovani, si preferisce ghjucà à u puristu...

29.mandatu da Elvira u 03/11/2008 18:02

Sti vechjii ùn sò micca abastanza vechjii pà aprudà a parola "salumaria", è s'iddi ùn la capiscini micca, ùn hè ca gattiva vulintà, è rispettu pà a "sciarcutaria" chì l'hà fatti ingrandà........a priputenza di a lingua francesa hè vechja quant'è i so anziani....

30.mandatu da oziu u 04/11/2008 14:11

Aghju micca tastatu sta sciarcutteria.
U soldu hè u soldu .Pensu ch'ella e fatta Brigitte Bardot.
Mi vene in quella di compra la.
Tocca a mé à ghjucà. =)

31.mandatu da 9999 u 04/11/2008 19:31

Lagnu elli chì anu manghjatu sta robba pè i cani. Pensu ch'hè megliu di sapè micca cumu hè fattu lu chì manghjanu perchè, osinnò ùn lu manghjeranu micca.

32.mandatu da a bedula u 08/11/2008 15:48

Cumu sarà chi nimu ùn si n'hè avvistu di nudda ? bah , pà me hé questu u peghju ...
Avà tocca à i cani à tasta lu ! :)

33.mandatu da carlinu u 09/11/2008 13:59

Incredibule,u peghju e chi u risponsevule di u super vendia u produttu alora chi anc'ellu dice chi sta "sciarcutteria" era manc'apena bona. Ma cusi i soli andavanu in a so stacca.

34.mandatu da macà u 09/11/2008 15:31

un pare mancu vera, hè un candalu. un vale a pena, a sciarcuteria di i magazini un vale nunda. ci vole a comprala in paese

35.mandatu da Magone u 09/11/2008 16:04

hè vera chi a sciarcuteria d i magazini un vale nunda mà un ci vole micca finisce cusi, volenu piglià in pinzutti per coni mà ci piglienu anc'a noi per coni !

36.mandatu da Femina u 10/11/2008 15:32

He un pezzu chi mangiemu male! E cu l'Europa he peghju un si truva chi ghjente malate. In fine se vulete compra bona sciacutteria un andate micca a super u ma ind'e i pruduttori !!!

37.mandatu da rantanplan di Fulelli u 11/11/2008 19:56

ùn caspiscu micca perché sta storia fa un scandalu nant'a issu blog, ancu i cani anu u dritu di manghjà sciarcutteria corsa.Spessu, manghjava questu salcicciu, eru sempre cuntentu.
Ma vogliu dinunzià ch'un trova micca altri "produtti corsi" per i cani !!!!

38.mandatu da Georges Brassens u 11/11/2008 20:07

Heeee... Fate storie tamante pè nunda . . . Eiu l'aghju tastatu issa sciarcutteria, hè assai bona, ghjè u listessu gustu chì i "knacki" ;p
Più seriamente, ùn vecu micca perchè u me bellissimu cane (sarko di u so nome) manghjeria robba di ***** mentre ch'eiu mi teghju di "boursin salade" !!! Avà BASTA, t'aghju da chjamà à B.B. ^^ :D

39.mandatu da christianclavier u 11/11/2008 20:31

Chi vergogna ! aghju cumprà sta sciarcutteria quandu eru invitadu indè Jacques Dutronc, l'anu manghjata "a l'apero".Un'hè miccà pussibile ! Aghju u portablu di u mi amicu Nicolas ( u maritu di Carlita ) è farà serrà u super U di Fulleli !

40.mandatu da Cavallucciu Marinu u 11/11/2008 21:12

Oghje in Corsica ùn cè più u palmu di nettu, ch'ellu sia pè a sciarcutteria o pè u restu, ùn cè più nunda chi vale; si tratta di st'articulu chi parla di sciarcutteria ma pè u restu hè gli stessu, ci vole a riparte a zeru è a valorizzà u travagliu ben fattu è dopututtu ben travagliatu è mette in valore quellu chi piglia u tempu di fà è di allevà i so porchi in libertà e dopu fà pagà u pruduttu valorizzatu più che u pruduttu fà a usu corsu assai menu caru. E a sciarcutteria a usu corsu ghjè fatta pè i strangeri..

41.mandatu da Santu Ghjuliu u 12/11/2008 14:52

A partesi di u mumentu in cui sò i pinzuti chi compranu, ùn hè micca prublemu per mè.

42.mandatu da Ballarina u 12/11/2008 21:08

Tutt’ognunu vole fà soldi è traficheghja ! Empie si e stacche ancu s’ellu si vende toscu ! Ĕ sta famosa « traçabilité » ùn si ne parla micca pà i prudotti detti corsi ? Ĕ volta è gira si ghjunghje sempre à u listessu puntu : surviglià tutti sti ladroni chì sò incaricati d’empie i parastaghji di i magazeni di manghjusca chì all’iniziu deve fà prò è micca « tumbà ». Ĕ dopu ci stunemu : tanta ghjente malata, tanti cancari ! venenu sti guai di salute da u manghjà. « Nulla ùn vale una fetta di pane biscottu untu d’oliu d’aliva, una civolla bullita, è un pezzu di casgiu ! Sentite mi : vulete campà ? Manghjate robba fatta in casa… ! Punite i vostri chjosi, allivate una sgiotta, un mannarinu è cinque ghjalline !!!

43.mandatu da C-16 u 18/11/2008 15:57

Heuuuu.... anu ragioni! a mio mamma m'ha imparatu quandu eru chjucu chi ùn ci deve mai ghjittà a manghjuscula.
Di tutta manera, face un pezzu chi manghjemu merda senza capiscelu allora...

44.mandatu da o valisglia u 23/11/2008 19:06

Pensu a u turistu, a stu pinzutu o u nostru chinese di Corti, chi force ùn hà mai manghjatu salcicce corse é pensendu truvalle in u super-marché, volè pigliassine un pezzu micca tropu caru. Casca nanta què, po torna in paese é presentè què cume "saucisson corse pur porc" a i s'amici o a so famiglia. Diceranu quell'hé bonu ma appena speziale è finalamente micca di so gusti. Nurmale, u tippu hè ghjuntu a manghja 'cu "Royal Canin"!.
A quelli di st'intraprese, ci vuleria a falli manghja a so rubaccia a perpetuità, chì elli force un l'anu mai manghjatu.

45.mandatu da un si po cambia un porcu ancu puru s ella he autunumista a F u 10/02/2009 22:16

ie un face piu ride l affari
tutte st intrapresa ch un trova che a spiegazione di l impiegu per difendesi e u listessu discorsu di i patroni stranieri chi venenu in francia per piglia subvention o patrone francese chi partenu in asia
un avemu micca bisogna di st impieghi chi puzzanu a merda e che di piu so impieghi pocu valurisatu vistu ch isse patrone anu tutti un spiritu di topi pronta a tuttu per more u gruyere ind e a bocca cume cloche
quand si vede sindicalisti di a prufessionne chi vendianu anch elli casgi sardi per frumasgiu corsu e ne parlu mancu di a charcuteria cum e quella di urtaca costa o quella di bastia fontana e d altre chi si ritrova inde casino o leclerc
un he micca una quistionne di marcatu vistu chi u marcatu he qui
he una quistionne chi ste povere cloche chi anu creatu ste industrie artificiale
volenu sempre di piu purtati da a grande distribuzione chi si pipa di a corsica
e a porta aperta a tutte e derive e pazzie
ava basta ch elli piglianu e so respunsabilita se dumane averanu ghjente publichi
o clandestini sopra u colu chelli partenu in francia a fa u camembert

cio chi he u piu scemu ind e sta storia he chi sti porchi anu avutu u sustegnu financiaru
di FEMU QUI
eccuci tucchemu a realita di e personne qui portanu FEMU QUI autunumisti di prima ora
chi so cum e no l avemu sempre detta i clanisti di dumane
he piu che tempu di crea un altru capitale risk corsu per rompesi cu FEMU QUI
chi he diventatu l esempiu stessu i a recuperazione clanista pronta a fa n importa che
facenu ride quand ellu parlani d impieghi sti tipi
he u stessu discorsu di l impieghi di a CCM
o ghjente n avemu una teccha di tutte ste capre piazzate chi so un frenu
a u sviluppu di l ecunumia corsa
un avemu bisognu d impieghi per fa mullizzi in corsica
avemu bisognu di crea a qualita l originalita e intelligensia
povera noi a rileva he qui per sti tipi chi a si ghjocanu autunumisti cu angellini di u pnc e consort spergu chi g simeoni avaria abbastanza ciarbellu per cansassi di ste strategie solamente eletturale
s elli anu micca capitu che a sucieta aspetta altra cosa alora si puderia a di
chi sti partiti autunomisti et naziunalisti un portanu piu a sperenza di l avvene
ma solamente l ego di i so porta voce e l intaressi particulare
allora sti partiti averanu a stessa responsabilita di l eletti di diritta e di manca
a ruina di a corsica e a ruina di a resilienza di une certa manera di campa liberi

Novu cumentu :