A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ma chì si passa in Niolu ?

Stu ritrattu di Jean-Jean Castellani, merre di Calacuccia hè esciutu in u giurnale di dumènica... Ùn avemu ancu capitu.



Ma chì si passa in Niolu ?
A nostra povera Corsica si ne và veramente à caternu... Pensavate chì i paesi di l'internu eranu i cantelli di a nostra identità, di e nostre tradizioni ? Ch'elli eranu à l'agrottu di a cunneria di a vita muderna ?

Uffa !

Stu ritrattu hè esciutu in u Corse-Matin di u 14 di nuvembre. Jean-Baptiste Castellani, merre di Calacuccia è cunsiglieru generale di u cantone Niolu-Omessa si ritrova à cantu à un tippu mezu spugliatu in traccia di fà un bellissimu "doppiu ditu" à u fottògrafu...

Cumu interpretà ?

Serà u cunsigliu municipale di Calacuccia ?
Una serata Halloween in Sidossi ?
Jean-Jean hà creatu un gruppu di rap è s'hè fattu amichi novi ?
Jean-Jean hè statu a vìttima d'un kidnapping di a sezzione niulinca d'Al Qaida ?
Serà a "fête des voisins" cun l'abitanti di Bonamanacce ?
Una stonda corsa organizata da u cullettivu Parlemu Corsu ?
Jean-Jean hà muntatu una squadra di comptoir pè fà a night à l'Acapulco ?
Jean-Jean vole fà a cuncurrenza à Black Eyed Peas, ma senza e donne ?
O serà forse una sissione nova à l'internu di l'UMP, cù un gruppu di giovani cursisti ? Tandu, chì face Jean-Martin Mondoloni ?

Aspettemu sempre a risposta...

u 15 di Nuvembre 2010
u webmaestru



1.mandatu da Cugnome u 15/11/2010 01:48
Forse una team counter strike di u NZL ?

2.mandatu da topupinutuazzezu u 15/11/2010 11:55
O'figlioli cari !!!!!!!!!! un sunniacciu chi diventà realita u "black blanc beur" a l'usu nustrale...

3.mandatu da kid of brocciu u 15/11/2010 11:55
Yo ! evviva u merre di a té-ci di K-lacuccia !

4.mandatu da castellani jean baptiste u 15/11/2010 14:30
baspitemu tutti u 25 di nuvembre per pulise i chiasi di un cantone;A 9 ore a u sivom.

5.mandatu da Gavinistu u 15/11/2010 14:54
Infatti, Jean-Jean hà cunvucatu a stampa per lancià u so ultimu dischettu chì hà da esce nanzu à e cantunale. Era accumpagnatu di a so team per prisintà l'album " I fuck Popaul ! I fuck Frisetta !"
U cantone hè nostru è nimu ùn l'avarà è rularulaleru big up big up !

6.mandatu da anto u 15/11/2010 15:49
Di poi ch'ellu hè statu élettu un 'ha piu messu i pedi ,ne in Omessa e ancu mènu in Francardu o in Capuralinu s'ellun hè in passendu :a prossima o amicu u ditu u ti ficherai in quellu locu !
http://www.blog-anto.be

7.mandatu da Gavinistu u 15/11/2010 16:03
È kinahava ! Di tutte e manere in Omessa site sempre stati grossi loooosers ! L'elezzione si face in Niolu è basta. Puru quand'ellu hè statu Luciani cunsigliu generale, ancu s'ellu era merre d'Omessa era di ceppu niulincu.
Hè què dinù a culunizazione niulinca...

8.mandatu da Nzl u 15/11/2010 16:23
Chi so nant'à sta foto ?? Niulinchi O Bugnulinchi..??

9.mandatu da ELVIZIU u 15/11/2010 18:28
Ghjè un veru Rocker's,li piace u Rock'niolu.

10.mandatu da per ride u 15/11/2010 19:01
L'astutu di Calacuccia lampa a so chjama turistica:

"O turistiti vinite puru in Niolu chì ci face u caldu (piccatu chì quellichì sò daretu li guastinu u so missaghju, pare ch'elli aspettinu u calafrone inguttupati in li so blusò), vinite o turisti in lu Niolu chì, cù un ghjornu pagatu, ne avete dui!"

11.mandatu da naziunali u 15/11/2010 19:29
Quale he a closcia annant 'a foto jean-jean o l'arabotu acant'a u tecchju
eu aghju fattu a mio scelta castellani un vale nunda

12.mandatu da ELVIZIU u 15/11/2010 20:12
Micca "calafròne";calafòne,o per ride,forse a paùra di a pugnitura.

13.mandatu da NZL u 15/11/2010 20:47
@ Elviziu. Dicu "Calafrone" anch'eo o ancu "Vespone"..

14.mandatu da ELVIZIU u 15/11/2010 21:56
Ié o NZL,anch'eu ,ma micca indè u listessu sensu.
U Calafone ghjè una grossa nevaghja(forse per quessa i bluso).
U Calafrone ghjè una grossa vespa (assai piu grossa),forse per quessa dinò ,i bluso. lol.
Evviva quantunque u Niolu (soprattuttu Corscia).

15.mandatu da Marzulinu u 15/11/2010 22:49
O Zitelli, ùn vi la vulia micca dì, ma infattu, Jean-Jean hè statu imprigiunatu da a DNAT, in qualità di capimachja di u Fronte, è u ritrattu hè statu pigliatu ind'è a prigiò di Fleury Mérogis, ma Jean-Jean ùn la vulia micca fà sapè...

16.mandatu da per ride u 16/11/2010 21:40
À ELVIZIU

Beati siate tù è u to ochju falchitinu.

L' r di l'errore mi mette in le furie.

Parlavu, ben sicura, di u calafone, timpesta di neve o nivaghja, in lu Niolu ùn hè micca una cosa scarsa.
Ben ch'ellu ci sarà dinò vespe, visponi o calafroni, mosche cavaline è zecche tutta robba di gran valore.

L'articulu dice "i paesi di l'internu eranu i cantelli di a nostra identità, di e nostre tradizioni ? ", forse forse, ma i cantelli anu quattru facce.

17.mandatu da Babbo u 18/11/2010 12:23
ha, hè bella a nostra ghjuventù!!
A chi si piglia pè tony montana, a chi crede che esse corsu ghjè di muchja "O vraté" in buata in giru a una buttiglia di johnny.

Cume dicerà quellu di u ritrattu: No future!

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city