E sei bone ragione d'esse cuntentu di francavvi a grande cumedia di Pasqua :
1 - Ùn averete micca da manghjà cum'è un pumataghju : aiò, francamente, n'avete ancu una techja d'andà à manghjà à a campagna cum'è un disgraziatu, cù i vo tuperware di taboulé, e vostre scatule di tonnu, a vostra vache qui rit è i vostri biscotti Roudor ? Ma avete vistu cosa parite ?
2 - Ùn averete micca à circavvi un lucacciu pè manghjà : avete preparatu u vostru spuntinu, ma ferma u più duru : truvà un bellu locu. Per quessa, ci vole à marchjà... è certe volte, pò durà assai. Un locu pianu pè mette a tuvaglia, à l'umbria, induve si pò pusà... è induve ùn ci sia nimu. Cù u numeru di closce ch'anu avutu listessa edea ch'è voi oghje, ùn l'avete ancu trovu u locu !
3 - Ùn averete micca da manghjà à mez'à e furmicule, i petraculi è i pinzuti in vacanze : organizà una merendella è manghjà innù a natura... ma quessa a natura ! Trà e furmicule chì anch'elle sò famite è si lampanu nant'à u vostru sandwich à u paté, e petre chì v'arruvinanu e cule, i pinzuti d'à cantu ch'ùn sanu spuntinà in silenziu, a vi pregu bona !
4 - A passione di i Corsi pè e rumenzule : avete trovu un locu pianu ? à l'umbria ? induv'ellu ùn ci hè nimu ? bravu ! Ma avete fidighjatu bè in giru à voi ? Site siguru d'ùn esse vicinu d'un rumenzulaghju nò ? Ah... A Corsica è e so décharges sauvages... A bellezza di i peuneus o d'una vechja batteria chì dormenu innù a machja, i sacchi in plasticu ch'ùn anu ancu smaritu è e cartucce di i cacciadori...
5 - A ghjurnata ùn si cumpierà à l'ospidale di Falcunaghja : insulazioni, piccature d'insetti, risichi di scialbate è di strappavvi u collu... Ne pigliate pochi risichi quand'è vo andate à spuntinà innù a natura ! È ùn parlu mancu di gastrò è di cuntaminazione di milgiacci trapassati !
6 - A cumedia di a cerca à l'ove à a cicculata basta ! Benedettu tempacciu ! Cusì vi francate dinù a cumedia di piattà l'ove in cicculata per i vostri nipoti, cugini è altre creature famite chì pienghjenu perchè ùn anu micca trovu u kinder ch'è vo avete piattatu troppu bè è ch'ùn sapete più induve l'aviate messu.
A vi dicu eiu, pudete esse felici di stu tempacciu di Pasqua !
Allora statevi in casa, manghjate u vostru campanile o u vostru caccavellu, è dopu adrumintatevi cum'è un lonzu davant'à Derrick, sciacchendusi a vostra Bud... Tandu sì serà una Pasqua riesciuta...
è ùn vi scurdate di u vostru pin's "anch'eiu, boycottu a merendella !"
1 - Ùn averete micca da manghjà cum'è un pumataghju : aiò, francamente, n'avete ancu una techja d'andà à manghjà à a campagna cum'è un disgraziatu, cù i vo tuperware di taboulé, e vostre scatule di tonnu, a vostra vache qui rit è i vostri biscotti Roudor ? Ma avete vistu cosa parite ?
2 - Ùn averete micca à circavvi un lucacciu pè manghjà : avete preparatu u vostru spuntinu, ma ferma u più duru : truvà un bellu locu. Per quessa, ci vole à marchjà... è certe volte, pò durà assai. Un locu pianu pè mette a tuvaglia, à l'umbria, induve si pò pusà... è induve ùn ci sia nimu. Cù u numeru di closce ch'anu avutu listessa edea ch'è voi oghje, ùn l'avete ancu trovu u locu !
3 - Ùn averete micca da manghjà à mez'à e furmicule, i petraculi è i pinzuti in vacanze : organizà una merendella è manghjà innù a natura... ma quessa a natura ! Trà e furmicule chì anch'elle sò famite è si lampanu nant'à u vostru sandwich à u paté, e petre chì v'arruvinanu e cule, i pinzuti d'à cantu ch'ùn sanu spuntinà in silenziu, a vi pregu bona !
4 - A passione di i Corsi pè e rumenzule : avete trovu un locu pianu ? à l'umbria ? induv'ellu ùn ci hè nimu ? bravu ! Ma avete fidighjatu bè in giru à voi ? Site siguru d'ùn esse vicinu d'un rumenzulaghju nò ? Ah... A Corsica è e so décharges sauvages... A bellezza di i peuneus o d'una vechja batteria chì dormenu innù a machja, i sacchi in plasticu ch'ùn anu ancu smaritu è e cartucce di i cacciadori...
5 - A ghjurnata ùn si cumpierà à l'ospidale di Falcunaghja : insulazioni, piccature d'insetti, risichi di scialbate è di strappavvi u collu... Ne pigliate pochi risichi quand'è vo andate à spuntinà innù a natura ! È ùn parlu mancu di gastrò è di cuntaminazione di milgiacci trapassati !
6 - A cumedia di a cerca à l'ove à a cicculata basta ! Benedettu tempacciu ! Cusì vi francate dinù a cumedia di piattà l'ove in cicculata per i vostri nipoti, cugini è altre creature famite chì pienghjenu perchè ùn anu micca trovu u kinder ch'è vo avete piattatu troppu bè è ch'ùn sapete più induve l'aviate messu.
A vi dicu eiu, pudete esse felici di stu tempacciu di Pasqua !
Allora statevi in casa, manghjate u vostru campanile o u vostru caccavellu, è dopu adrumintatevi cum'è un lonzu davant'à Derrick, sciacchendusi a vostra Bud... Tandu sì serà una Pasqua riesciuta...
è ùn vi scurdate di u vostru pin's "anch'eiu, boycottu a merendella !"
Quist'annu, fate una merendella goffa
