1. Travaglià menu per campà megliu
Ùn ci hè bisognu à frustassi a salute à u travagliu. Hè sempre megliu di frustàssila à u comptoir, o mancu, u patrone ch’è vo ingrassate u pudete sceglie voi.
2. Ùn ascultà più ghjente chì cumèncianu e so frase cù: « nous allons faire de la politique autrement », « je suis au service de la Corse », « nous avons une chance historique », « je suis prêt à discuter avec tout le monde », « nous avons tiré les leçons des divisions du passé », « les Corses attendent le changement »…
O in corte parolle, piantà di fassi muntà a sega.
3. Ùn vutà micca per listessi ch’è l’astra volta
Bah ! Ùn site nancu sazii ?
4. Manghjà è beie di più
È perchè micca ? Vi pagate tandu un lussu chì per parechji hè ancu un sognu.
5. Piantà di crede ch’è v’avete da mèttevi à fà u sport
Toccu ghjennaghju, tutt’ognunu pensa digià à a statina à vene è si vole fà un corpu da fà bavacciulà, da a voglia o da a ghjelusìa. L'affare hè chì per quessa a vuluntà ùn basta micca. Lasciate puru cascà è ripigliàtevi un antru pezzu di figatellu.
6. Piantà di fà crede à a ghjente ch’è vo fate u sport
Straziate à cullà trè scalini, suffiate per nunda, avete una trippa tamant’è à voi è un culu chì pare un tribbunale. State puru tranquilli chì a ghjente a sà bè ch’è vo avete più fattu sport chì sò decenii.
7. Vultà in Furiani à sustene u corciu di Sporting
Face un pezzu ch’è vo vi state in casa u vènderi sera à fà u musu. Serà forse quist’annu ch’è vo ferete qualcosa di bè per voi è per u cumunu : vultate à sustene u Skeubeu, chì bisognu ci n’hè. Alè mutivèmuci !
8. Parte in viaghju
Ci sò i lochi belli à vede à u strangeru. In più, pare chì ci sò e prumuzioni sceme à destinazione d’Aiacciu. Aprìtevi un pocu è visitate paesi scunnisciuti, ùn vi ferà male. Eppo viderete u sullevu è a cuntintezza quand’è vo vulterete à ritruvà i vostri lochi.
9. Piantà di piglià bone resoluzioni
Aù, imprimurìtevi un pocu di l’astri è micca sempre di a vostra sempiterna persona. Quessa sì hì vi ferà prò, à voi è pò dassi ancu à l’astri.
10. Piantà di piglià resoluzioni
Fora di i penseri è di a culpabiltà, ùn pòrtanu tant’affari e resoluzioni in fin’ di conti.
Bon alè, pace è salute à tutti !
Ùn ci hè bisognu à frustassi a salute à u travagliu. Hè sempre megliu di frustàssila à u comptoir, o mancu, u patrone ch’è vo ingrassate u pudete sceglie voi.
2. Ùn ascultà più ghjente chì cumèncianu e so frase cù: « nous allons faire de la politique autrement », « je suis au service de la Corse », « nous avons une chance historique », « je suis prêt à discuter avec tout le monde », « nous avons tiré les leçons des divisions du passé », « les Corses attendent le changement »…
O in corte parolle, piantà di fassi muntà a sega.
3. Ùn vutà micca per listessi ch’è l’astra volta
Bah ! Ùn site nancu sazii ?
4. Manghjà è beie di più
È perchè micca ? Vi pagate tandu un lussu chì per parechji hè ancu un sognu.
5. Piantà di crede ch’è v’avete da mèttevi à fà u sport
Toccu ghjennaghju, tutt’ognunu pensa digià à a statina à vene è si vole fà un corpu da fà bavacciulà, da a voglia o da a ghjelusìa. L'affare hè chì per quessa a vuluntà ùn basta micca. Lasciate puru cascà è ripigliàtevi un antru pezzu di figatellu.
6. Piantà di fà crede à a ghjente ch’è vo fate u sport
Straziate à cullà trè scalini, suffiate per nunda, avete una trippa tamant’è à voi è un culu chì pare un tribbunale. State puru tranquilli chì a ghjente a sà bè ch’è vo avete più fattu sport chì sò decenii.
7. Vultà in Furiani à sustene u corciu di Sporting
Face un pezzu ch’è vo vi state in casa u vènderi sera à fà u musu. Serà forse quist’annu ch’è vo ferete qualcosa di bè per voi è per u cumunu : vultate à sustene u Skeubeu, chì bisognu ci n’hè. Alè mutivèmuci !
8. Parte in viaghju
Ci sò i lochi belli à vede à u strangeru. In più, pare chì ci sò e prumuzioni sceme à destinazione d’Aiacciu. Aprìtevi un pocu è visitate paesi scunnisciuti, ùn vi ferà male. Eppo viderete u sullevu è a cuntintezza quand’è vo vulterete à ritruvà i vostri lochi.
9. Piantà di piglià bone resoluzioni
Aù, imprimurìtevi un pocu di l’astri è micca sempre di a vostra sempiterna persona. Quessa sì hì vi ferà prò, à voi è pò dassi ancu à l’astri.
10. Piantà di piglià resoluzioni
Fora di i penseri è di a culpabiltà, ùn pòrtanu tant’affari e resoluzioni in fin’ di conti.
Bon alè, pace è salute à tutti !
Quist'annu, fate una merendella goffa
