Bistuglia zona libara
Eccuci dunque per a « zona libara di Bistugliu, cumuna di Tralonca » induve l’Amicale in esiliu dice d’avè trovu l’asiliu psichiatricu.
Una trentina di militenti di sempre, à i quali si sò righjunti un cumitatu di sustegnu di qualità, stallati ch’elli eranu in giru à un tavulone à l’umbria, assistatu cun buttiglie di pastizzu è figatelli, ricupartu di a santissima bandera di u nasu (simbulu dinù di A Piazzetta), c’anu fattu cunnosce a so analisa.
I Corsi corsi di Bastia (« i veri è micca l’astri ! ») ricunnoscenu u schjaffu trimende chjappu da a dimarchja di Brutus Strossi, u so candidatu à l’elezzioni municipali di Bastia.
Hè stu u fattu à l’iniziu di sta cunfarenza clandestina.
Ma, sperenza è fede l’anu sempre, è in un slanciu cumuvente chì ramintarà à certi u tintu di Coluche, chjamanu « tutti i Bastiacci, nasoni, panzoni, briaconi, pezzoni, astutoni, mulizzoni è mucciconi, à stà mubbilizati » è à righjunghje a so mossa da fà svintulà a nostra santa bandera nantu à Bastia.
Multinaziunale attenti !
Dopu à què, hè vinuta l’ora di u sviluppu di e so pruposte.
Prima, s’upponenu cun forza à e multinaziunale d’astrò è annoncianu « di manera sulenna a creazione d’una firma transnaziunale corsa corsa perd à impiechi à palittate ». Si chjamarà nasolia. « In umaghju à a santa nappa di a bandera » ci spieca determinatu Ghjuvan Andria Della Scagliola, memberu di u cumitatu di sustegnu à sta dimarchja.
Altre primure maiò : i giovanni è u corpu.
I pruduttori di bivende senza alcool sò casticati, accusati ch’elli sò di vulè currompe a nostra ghjuventù à colpi di Canada Dry. « Attenti à elli ! » Privene Bébert Tornade, tenore à a Scala di Santa Regina è Prisidente di u Chjerchju bastiacciu Pastizzu è Puesia chì ramenta u mottu di Brutus : « A droga nò ! U Pastizzu sì ! ».
Nanzu di compie, Pierre Chibre, eminente memberu di l’Academia Corsa affirmava u sustegnu fraternu di a mossa à l’associu « Trippette è sturzapreti » ; spiichendu à i ghjurnalisti chì a gastropanzia hè d’impurtanza è chì « à chì si sciaccia e trippette, li si cresce a chichetta ! ». Cum’ellu dice quellu : Da rifletteci !
Un missaghju d’impurtanza per i strossisti…
Ùn vi scurdate di u so insignamentu in forma di leitmotiv, chì « a vita hè fatta à scala, à chì colla, à chì fala ! ».
Andate à vede quì u testu di a cunfarenza stampa di l’Amicale, di u 01/04/2008.
Eccuci dunque per a « zona libara di Bistugliu, cumuna di Tralonca » induve l’Amicale in esiliu dice d’avè trovu l’asiliu psichiatricu.
Una trentina di militenti di sempre, à i quali si sò righjunti un cumitatu di sustegnu di qualità, stallati ch’elli eranu in giru à un tavulone à l’umbria, assistatu cun buttiglie di pastizzu è figatelli, ricupartu di a santissima bandera di u nasu (simbulu dinù di A Piazzetta), c’anu fattu cunnosce a so analisa.
I Corsi corsi di Bastia (« i veri è micca l’astri ! ») ricunnoscenu u schjaffu trimende chjappu da a dimarchja di Brutus Strossi, u so candidatu à l’elezzioni municipali di Bastia.
Hè stu u fattu à l’iniziu di sta cunfarenza clandestina.
Ma, sperenza è fede l’anu sempre, è in un slanciu cumuvente chì ramintarà à certi u tintu di Coluche, chjamanu « tutti i Bastiacci, nasoni, panzoni, briaconi, pezzoni, astutoni, mulizzoni è mucciconi, à stà mubbilizati » è à righjunghje a so mossa da fà svintulà a nostra santa bandera nantu à Bastia.
Multinaziunale attenti !
Dopu à què, hè vinuta l’ora di u sviluppu di e so pruposte.
Prima, s’upponenu cun forza à e multinaziunale d’astrò è annoncianu « di manera sulenna a creazione d’una firma transnaziunale corsa corsa perd à impiechi à palittate ». Si chjamarà nasolia. « In umaghju à a santa nappa di a bandera » ci spieca determinatu Ghjuvan Andria Della Scagliola, memberu di u cumitatu di sustegnu à sta dimarchja.
Altre primure maiò : i giovanni è u corpu.
I pruduttori di bivende senza alcool sò casticati, accusati ch’elli sò di vulè currompe a nostra ghjuventù à colpi di Canada Dry. « Attenti à elli ! » Privene Bébert Tornade, tenore à a Scala di Santa Regina è Prisidente di u Chjerchju bastiacciu Pastizzu è Puesia chì ramenta u mottu di Brutus : « A droga nò ! U Pastizzu sì ! ».
Nanzu di compie, Pierre Chibre, eminente memberu di l’Academia Corsa affirmava u sustegnu fraternu di a mossa à l’associu « Trippette è sturzapreti » ; spiichendu à i ghjurnalisti chì a gastropanzia hè d’impurtanza è chì « à chì si sciaccia e trippette, li si cresce a chichetta ! ». Cum’ellu dice quellu : Da rifletteci !
Un missaghju d’impurtanza per i strossisti…
Ùn vi scurdate di u so insignamentu in forma di leitmotiv, chì « a vita hè fatta à scala, à chì colla, à chì fala ! ».
Andate à vede quì u testu di a cunfarenza stampa di l’Amicale, di u 01/04/2008.
Per San Valentinu, manda a to cartulina d'amore pulitica
