Chuck Norrisate

Chuck Norris hà digià cuntatu sin'à l'infinitu. Duie volte.

U solu locu induve si pò pichja à Chuck Norris, hè nant'à Google.

Certi mettenu un pyjama Superman. Superman ellu mette un pyjama Chuck Norris.

Chuck Norris dà spessu u so sangue à a Croix Rouge. Ma ùn hè mai u soiu.

Chuck Norris trova una piazza à Paul Giacobbi.

Un ghjornu, Chuck Norris hà fattu un bracciu di ferru cun Superman. Quellu chì perdia duvia mette un slip rossu sopr'à u so pantalone.

L'Agriate si sò fatte chjamà "disertu" dop'à u passagiu di Chuck Norris.

Sì Chuck Norris era un Ponte Novu, Emile Zuccarelli diceria chì "la violence est ancrée dans culture française".

Sì Chuck Norris era in Ponte Novu, a lingua francese saria dichjarata "in perdizione" da l'Unesco.

Quandu Chuck Norris decide di piglià u battellu, a SNCM ùn face micca greva.

Un ghjornu, una muntagna si n'hè risa di Chuck Norris. Dapoi, si chjama "Capu Tafunatu".

Sì Chuck Norris era à u PRG, averia organizatu un'elezzione primaria pè a merria di Bastia. In a cascia di François Tatti.

Chuck Norris hà messu una capata à l'Omu di Cagna.

À voi di truvanne d'altre !