À chì arruba, o hè maestru, o hè malatu!
Pò pare strana, ma ch'elli ùn fussinu micca corsi i ladroni, ch'è no fussimu diventati ghjente bè, mi spiace assai. M'arricordu zitellu, di matina, u nutizialettu d'RCFM... Chì piacè di sente à a radiu chì un tale o un tale hà purtatu altu a voce di u banditisimu corsu! Chì piacè, à u stadiu dinù, di vede i ghjucadori minà, incapà, minaccià invece di corre, cum'è l'altri, cum'è una banda capruna da retu à un ballò! Iè, a nostra gattivezza m'hà fattu gode.
Altri tempi, altri usi...
Allora sì, mi dicerete chì ùn simu mai cuntenti, sempre azezi è ingattiviti. À quandu ci lagnemu di u razzisimu di i media in pettu à i Corsi , à quandu ci lagnemu di a nostra nurmalisazione. Aiò, accendite a televisò è guardate... Ùn parlanu più di noi! Aghju a paura chì un ghjornu u veru Corsu s'assumigli troppu à l'incravattati, à i sticchiti, à tutti l'impalaficcati chì t'anu u galateu falsu d'un pidochju rifattu.
Simu i gattivi, ne sò fieru!
À dilla franca, ùn m'hè mai passata in capu l'idea di ghjucà à u banditu. Eppuru quandu stemu à sente à e nutizie a matina, è chì unu di noi hè incausatu in tale o tale affaracciu, ùn risintite micca, ancu voi, un suppulellu d'afflizzione o di sulidarità? Megliu, s'è vo'andate à circà, à scavà, à vistigà, sottu terra, ind'è voi, senza paura, ci buscherete di sicuru un sintimu di fiertà! Simu cusì noi altri Corsi, di sicuru, vulemu esse omancu pari à tutti l'altri... Ma ci garba sopratuttu a so invidia è u so odiu !
Per l'affarisimu patrioticu!
À chì ghjoca à u ballò, à chì ghjoca à arrubbà. Ogni partita mette in ballu e nostre ripresentazione cullettive, a nostra fola d'identità. Soca, ognitantu, seremu ancu capaci à purtà ci di fole in canzone... Cù sta sturiaccia d'arrubbecciu, più chè a mafia corsa, hè a Corsica chì ghjè passata à a risa. Induve hè chjappu Bellacoscia? Induve sò i nostri Guerrini? Banditi corsi di nome, di fatti, d'onore, unite vi per parà ci di i Russi ! Aspettemu tutti u rialzu di a mafia corsa!
Pò pare strana, ma ch'elli ùn fussinu micca corsi i ladroni, ch'è no fussimu diventati ghjente bè, mi spiace assai. M'arricordu zitellu, di matina, u nutizialettu d'RCFM... Chì piacè di sente à a radiu chì un tale o un tale hà purtatu altu a voce di u banditisimu corsu! Chì piacè, à u stadiu dinù, di vede i ghjucadori minà, incapà, minaccià invece di corre, cum'è l'altri, cum'è una banda capruna da retu à un ballò! Iè, a nostra gattivezza m'hà fattu gode.
Altri tempi, altri usi...
Allora sì, mi dicerete chì ùn simu mai cuntenti, sempre azezi è ingattiviti. À quandu ci lagnemu di u razzisimu di i media in pettu à i Corsi , à quandu ci lagnemu di a nostra nurmalisazione. Aiò, accendite a televisò è guardate... Ùn parlanu più di noi! Aghju a paura chì un ghjornu u veru Corsu s'assumigli troppu à l'incravattati, à i sticchiti, à tutti l'impalaficcati chì t'anu u galateu falsu d'un pidochju rifattu.
Simu i gattivi, ne sò fieru!
À dilla franca, ùn m'hè mai passata in capu l'idea di ghjucà à u banditu. Eppuru quandu stemu à sente à e nutizie a matina, è chì unu di noi hè incausatu in tale o tale affaracciu, ùn risintite micca, ancu voi, un suppulellu d'afflizzione o di sulidarità? Megliu, s'è vo'andate à circà, à scavà, à vistigà, sottu terra, ind'è voi, senza paura, ci buscherete di sicuru un sintimu di fiertà! Simu cusì noi altri Corsi, di sicuru, vulemu esse omancu pari à tutti l'altri... Ma ci garba sopratuttu a so invidia è u so odiu !
Per l'affarisimu patrioticu!
À chì ghjoca à u ballò, à chì ghjoca à arrubbà. Ogni partita mette in ballu e nostre ripresentazione cullettive, a nostra fola d'identità. Soca, ognitantu, seremu ancu capaci à purtà ci di fole in canzone... Cù sta sturiaccia d'arrubbecciu, più chè a mafia corsa, hè a Corsica chì ghjè passata à a risa. Induve hè chjappu Bellacoscia? Induve sò i nostri Guerrini? Banditi corsi di nome, di fatti, d'onore, unite vi per parà ci di i Russi ! Aspettemu tutti u rialzu di a mafia corsa!
Per San Valentinu, manda a to cartulina d'amore pulitica
