Eccu dunque unepochi di recordi "corsi"...
Prima, per curtesia, per fà piacè à e donne, diceremu chì e nostre sò e più belle! Si discuta què... Certe saranu appena secche, scimarelle, scoglii o tappi, macaru a maiò parte vene astuta, assestata bè, pupuluta... Ma ancu noi altri masci, ùn seremu micca male !
Postu chì parlemu di bellezze, ùn averemu noi unepochi di paisaghji, di lochi, chì facenu di a nostra isula, a più bella terra di u mondu?
Eppò, in tempu d'elezzione chè no'simu, pare ch'ella fussi a Corsica u locu duve avemu u più gran numeru di candidati !
Hè ancu quì ch'ellu ci hè u più gran numeru di vutanti in pettu à l'abitanti... In certi piasucci, sò una manata à stà ci l'inguernu, invece, u ghjornu di l'elezzione, s'anu da affaccà à vutà tutti l'arcifigliulini è i cugini di l'ultimi paisani. Sò sti tramutati chì bellu aspessu sceglieranu u mere di quelli chì ci stanu sempre...
Simu ancu i rè di l'elezzione è di u cunservatisimu ! Hè solu quì chì unepochi sò meri è deputati di leva in pulleva... Chjuccuti ch'elli sò, certi a si provanu sempre à batte i recordi... Scumittite chì questi quì saranu battuti?
Eppò, ùn hè quì ch'ellu ci hè u più di razzisimu? À sente i media parigini, in carrughju, nant'à i muri, in i stadii, ùn ne parlemu... Simu tutti razzisti !
Accantu à i vizii, t'avemu duie qualità quantunque. Hè in Corsica ch'elli opereghjanu i i tercani di a spacca. Pusate nant'à una terrazza, in paese o in cità. Pigliate un fogliu è cuntate quante volte certi anu da passà in vittura, andendu pianu pianu davanti à i caffè per scruchjà unepoche di fantine. Da felicità l'Aiaccini chì in stu duminiu precisu, trapassanu l'altri Corsi...
Certi saranu i campioni di l'aperitivi chì a s'allonganu appena, da sei ore di sera fin'à mezanotte...
In quantu à Sarkozy, l'hà fatta à fassi udià da i pinzuti in qualchì mese... Ch'ellu hè bravu stu zitellu! Chì tanti Talamoni!
In quantu à l'avvene di a risa, spergu chì i bastiacci firmeranu i rè di a magagna è di u ballò... À vede l'aiaccini è u so taroccu timicu, ùn ci hè penseru!
Infine, hè quì ch'ellu ci hè a più grande stesa di supermercati. Avemu dinù i prezzi è u livellu di disimpiegu u più altu di Francia. A media di e paghe hè ancu ella chjuculella. Di quessi i recordi, si ne parla pocu, postu chì i Corsi sò d'una parte vergugnosi à dinunzià sta situazione suciale di modu cullettivu, ma da l'altra parte, sò avvezzi à chere, di modu individuale, un pezzu di pane azimu à l'eletti...
O ghjente, hè bella sicura ch'ella ùn hè ancu compia sta lista. Aiutate mi à scrive u Corsican Guinness Book...
L'articulu di U Mondu
Prima, per curtesia, per fà piacè à e donne, diceremu chì e nostre sò e più belle! Si discuta què... Certe saranu appena secche, scimarelle, scoglii o tappi, macaru a maiò parte vene astuta, assestata bè, pupuluta... Ma ancu noi altri masci, ùn seremu micca male !
Postu chì parlemu di bellezze, ùn averemu noi unepochi di paisaghji, di lochi, chì facenu di a nostra isula, a più bella terra di u mondu?
Eppò, in tempu d'elezzione chè no'simu, pare ch'ella fussi a Corsica u locu duve avemu u più gran numeru di candidati !
Hè ancu quì ch'ellu ci hè u più gran numeru di vutanti in pettu à l'abitanti... In certi piasucci, sò una manata à stà ci l'inguernu, invece, u ghjornu di l'elezzione, s'anu da affaccà à vutà tutti l'arcifigliulini è i cugini di l'ultimi paisani. Sò sti tramutati chì bellu aspessu sceglieranu u mere di quelli chì ci stanu sempre...
Simu ancu i rè di l'elezzione è di u cunservatisimu ! Hè solu quì chì unepochi sò meri è deputati di leva in pulleva... Chjuccuti ch'elli sò, certi a si provanu sempre à batte i recordi... Scumittite chì questi quì saranu battuti?
Eppò, ùn hè quì ch'ellu ci hè u più di razzisimu? À sente i media parigini, in carrughju, nant'à i muri, in i stadii, ùn ne parlemu... Simu tutti razzisti !
Accantu à i vizii, t'avemu duie qualità quantunque. Hè in Corsica ch'elli opereghjanu i i tercani di a spacca. Pusate nant'à una terrazza, in paese o in cità. Pigliate un fogliu è cuntate quante volte certi anu da passà in vittura, andendu pianu pianu davanti à i caffè per scruchjà unepoche di fantine. Da felicità l'Aiaccini chì in stu duminiu precisu, trapassanu l'altri Corsi...
Certi saranu i campioni di l'aperitivi chì a s'allonganu appena, da sei ore di sera fin'à mezanotte...
In quantu à Sarkozy, l'hà fatta à fassi udià da i pinzuti in qualchì mese... Ch'ellu hè bravu stu zitellu! Chì tanti Talamoni!
In quantu à l'avvene di a risa, spergu chì i bastiacci firmeranu i rè di a magagna è di u ballò... À vede l'aiaccini è u so taroccu timicu, ùn ci hè penseru!
Infine, hè quì ch'ellu ci hè a più grande stesa di supermercati. Avemu dinù i prezzi è u livellu di disimpiegu u più altu di Francia. A media di e paghe hè ancu ella chjuculella. Di quessi i recordi, si ne parla pocu, postu chì i Corsi sò d'una parte vergugnosi à dinunzià sta situazione suciale di modu cullettivu, ma da l'altra parte, sò avvezzi à chere, di modu individuale, un pezzu di pane azimu à l'eletti...
O ghjente, hè bella sicura ch'ella ùn hè ancu compia sta lista. Aiutate mi à scrive u Corsican Guinness Book...
L'articulu di U Mondu
Per San Valentinu, manda a to cartulina d'amore pulitica
