U libru di Patrick Devedjian : Iè, in più d'esse un omu puliticu antipatichissimu, u novu ministru Patrick Devedjian scrive i libri. Ma rassicuratevi, vi ne pudite passà.
L'integrale di "Plus belle la vie" in DVD : I pruduttori francesi anu vulsutu mettesi cum'è l'americani à e serie TV chì certe sò di bunissima qualità (i Soprano, 24, Desperate Housewives, Sex and the City, The Shield...). Ma quandu i scenaristi sò pessimi è l'attori gattivissimi, u risultatu dà "Plus belle la vie". Guasi guasi hè megliu "Mafiosa".
Bon, quantunque micca...
Le Hit des Ch'tis : N'averete manghjata rubbaccia "ch'ti" quist'annu... Dopu à u più grande successu di u sinemà francese di tutti i tempi, eccu ch'elli ci volenu vende u ch'ti à tutte e salse. Hè a moda, mentre chì u corsu hè connu, razzistu è trafficone, l'omi di u Nordu facenu parte di e minurità simpàtiche. Avete da vede ch'elli l'anu da dà l'indipendenza nanzu à noi...
U DVD "Les meilleurs moments de Paul Natali à Cuntrastu, saison 2" : France 3 Corsica hà da esce i più belli mumenti di a so emissione pulitica. Cùn José-Guy è Jean-Vitus. Un grande mumentu di picondria.
L'integrale di Michel Sardou : Hè esciuta. 18 dischetti è 8 DVD. Ùn hè più un rigalu, hè un incuragimentu à lampassi pè a finestra.
Le Grand Jeu de l'OM : Volta a moda di i ghjochi di sucetà ? Offrite un Pictionnary, un Trivial Pursuit o ancu un Hippo-Glouton, n'importa chè, ma quantunque micca u ghjocu di l'OM...
La France de l'accordéon : Bisognu d'aghjustà un cummentu ?
Una piazza pè u spetaculu di Dany Boon à l'Olympia : Vi vidite suppurtà una ora è mezu di spetaculu di l'omu chì hà culpitu cun "Bienvenue chez les Chtis" ?
U live di Vincent Delerm : Da offre à u so peghju numicu. Cun appena di furtuna, finisce sott'à Prozac dopu à avè statu à sente l'album.
Una maglia di Didier Drogba : Iè, i tempi sò difficiuli per u Sporting è l'ACA. Ma quantunque, serà sempre megliu una maglia di Fabrice Jau o di Guy-Roland Niangbo ch'è quella di un qualunque catinu cum'è Ribéry o Anelka. Iè, à A Piazzetta semu di gattiva fede. È allora ?
Quist'annu, fate una merendella goffa
