1. Prima ùn pudete micca fidighjà un'emissione chì hà pigliatu cum'è cumpare à Christophe Maé quist'annu. Aiò, n'importe quale, Daniel Guichard, les Forbans, Dick Rivers, ma micca Christophe Maé...
2. Hè l'ottesima stagione di a Star'Ac è hè di peghju in peghju. 8 anni ch'elli c'imponenu sta cumedia cummerciale fatta per chì TF1 è Universal si fessinu u più soldi pussibule, à colpi di SMS surtaxés è di spots publicitarii pagati assai troppu caru.
3. Una volta di più s'anu da vede cantà falsu è ballà male una mansa di giovani baulli chì pensenu fà carriera in u show biz allora chì da quì à dui mesi, più nimu ùn si n'arricurderà d'elli.
4. Nikos. U suppurtate torna stu tippu ? Ma hè vera chì Nikos Aliagas hè in traccia di diventà una legenda. Ùn ci hè da vede a so attitudine in diretta : da vede quì o ancu quì
5. Ciò chì hè bè cù Nikos hè chì certe volte si scorda ancu di u nome di i so invitati.
6. Quist'annu anu ancu ritrovu à Armande Altaï. Le Retour de la momie ?
7. Aiò, u venneri sera u Sporting ghjoca ! Hè quantunque megliu d'andà à vede un Bastia - Clermont Foot in u freddu di Furiani o di stà à sente à Jean-Philippe Thibaudeau mughjà nant'à RCFM "ohlalalalalalala" per un Guingamp - Bastia (induve avemu siguramente da perde cun trè espulsi) ch'è di vede i lonzi di a Star Ac cantà cum'è cazzerole nant'à e fisichette di Kamel Ouali...
8. Ùn v'interessa u ballò ? Pochi affari à fà u venneri sera ! Andà à u sinemà, cullà in paese, leghje un libru, stà à sente un veru discu di vera musica, pigliassi una scimia...
9. Ancu I Muvrini anu cantatu à a Star Ac ! Bon, n'avete ancu abbastanza cusì ? Cosa vulete di più ? Ch'elli chjaminu a prussima volta à u gruppu Orizonte è à Jean Cuiconi ?
10. Quessa serà à voi di truvalla... Aspettemu i vostri cummenti !
2. Hè l'ottesima stagione di a Star'Ac è hè di peghju in peghju. 8 anni ch'elli c'imponenu sta cumedia cummerciale fatta per chì TF1 è Universal si fessinu u più soldi pussibule, à colpi di SMS surtaxés è di spots publicitarii pagati assai troppu caru.
3. Una volta di più s'anu da vede cantà falsu è ballà male una mansa di giovani baulli chì pensenu fà carriera in u show biz allora chì da quì à dui mesi, più nimu ùn si n'arricurderà d'elli.
4. Nikos. U suppurtate torna stu tippu ? Ma hè vera chì Nikos Aliagas hè in traccia di diventà una legenda. Ùn ci hè da vede a so attitudine in diretta : da vede quì o ancu quì
5. Ciò chì hè bè cù Nikos hè chì certe volte si scorda ancu di u nome di i so invitati.
6. Quist'annu anu ancu ritrovu à Armande Altaï. Le Retour de la momie ?
7. Aiò, u venneri sera u Sporting ghjoca ! Hè quantunque megliu d'andà à vede un Bastia - Clermont Foot in u freddu di Furiani o di stà à sente à Jean-Philippe Thibaudeau mughjà nant'à RCFM "ohlalalalalalala" per un Guingamp - Bastia (induve avemu siguramente da perde cun trè espulsi) ch'è di vede i lonzi di a Star Ac cantà cum'è cazzerole nant'à e fisichette di Kamel Ouali...
8. Ùn v'interessa u ballò ? Pochi affari à fà u venneri sera ! Andà à u sinemà, cullà in paese, leghje un libru, stà à sente un veru discu di vera musica, pigliassi una scimia...
9. Ancu I Muvrini anu cantatu à a Star Ac ! Bon, n'avete ancu abbastanza cusì ? Cosa vulete di più ? Ch'elli chjaminu a prussima volta à u gruppu Orizonte è à Jean Cuiconi ?
10. Quessa serà à voi di truvalla... Aspettemu i vostri cummenti !
Quist'annu, fate una merendella goffa
