Bob Dylan in Tavagna corsu
L' R francese po sona veramente male !
paisanu corsu
Iè hai raggio e à me mi da ancu a pena in capu ma di cio ch'o rimarcu un si sente piu che que ...
corsu
u Corsu si vergogna di fà l'R corsu ha a paura d'esse "paisanu"
paisane corsu
u corsu di i tempi parlava francese rotulendu u "r" e cun l'accentu corsu , u corsu d'oghje parla di gola e strappa u corsu cun l'accentu francese !!!!!!
Oint et fin
Perchè fà un'ossessione di stu R rutulatu ? In e canzone hè più bellu l'r rutulatu, cum'è ind'è u cantu d'opera o i vechji canti francesi, hè vera. Ma à l'urale, in u parlà, ùn ci avemu micca da furzà nò ? Hè ancu di più goffu quand'omu si forza. In paese bascu nordu ùn rullanu più l'R manch'elli purtantu ùn si vergognanu micca di a so lingua. E generazione nove ùn rutuleghjanu più à l'urale, ghjè cusì, ghjè l'influenza di u francese sicuramente ma hè cusì. Esteticamente si pò discutà, ma ùn c'hè bisognu à fanne un'affarone. U francese dinù rutulava 100 anni fà, ùn lu face più oghje, ùn hè manc'appena una catastroffa, a lingua hà sopravissutu listessa. Solu i lucchesi, persuasi ch'è no simu pezzi di u so populu, sò frasturnati da st'affare custì, perchè risentenu di menu sta parentia "urale". Ma hè cusì, 250 anni di presenza francese scambionu ancu a nostra lingua, quant'è a presenza genuvese avia scambiatu u nostru parlà à l'epica. Ghjè a prova ch'ella hè viva sta lingua. Ma pocu impreme, ch'ella sia parlata ! Rutulata o micca chì n'emu da fà, s'ella hè parlata è scritta curettamente ? D'altronde quellu cantadore di Tavagna hè unu di i soli à rispettà a vera prununzia cismuntinca (micca bastiaccia) incù e cambiarine è tuttu... Prifergu què, à un rutulatore scemu techju di "zò di a Terra ghè tù zai"...
paisanu corsu
Quelli chi tu chjami lucchesi sicuramente risentenu di menu a parentia linguistica (ma se tu voli ch'o ti dica si ne infuttenu pocu male..) postu chi sin'à cent'anni fà parlavavamu cio chi si pudia qualificà di variazione di a a listessa lingua invece oghje pigliemu a via d'un spezie du creolu senza avvene a longu andà ..e vistu i cambiamenti in vint'anni ,(e cu a presenza di locutori naturali sempre vivi ) priferiscu à un imaginà mancu a seguita quandu a sola riferenza un serà più che i prisentatori di u corsica sera. ohimè !!!!! u "r" rotulatu hè un segnu mez'à tant'altri .. no a lingua un po micca sopravive cusi o à pensà ch'elli bastinu i prufessori di l'università per mantenela ex nihilo (e mancu ch'ella sia ch'o i voglia criticà , ancu di grazia ch'elli esistenu) e senza connezzione cu un carrughju duv'ella averebbe smaritu (o à cuntentàcci di quattru parolle impiecate in principiu di cunversazione .. hè di bon tonu !). in quante à a prisenza genovese hà influenzatu pocu u corsu postu ch'un c'hè micca piu d'una decina di parolle chi venenu da stu parlà d'essenza piu provenzale che talianu.
AVANTI RAGAZZI DI BUDAPEST
PE I LUCCHESI CUM'ELLU DICE OINT E FIN U SOLU IMPIEGU DI STU VOCABULU PER PARLA DI I TALIANI LA DICE TUTTA NANTA L'ORIGINE IDEOLOGICA DI A PERSONA CHI L'USA E NANTA U GRADU DI PRUPAGANDA CULUNIALE CH'ELLU HA INGULITI.PE U GENUVESE CUME SPIEGA CHIARAMENTE PAISANU CORSU UN PUDIA INFLUENZA U CORSU POSTU CHI I GENUVESI ERANU OBLIGATU DI PARLA E SCRIVE TALIANU PE ESSE CAPITI DA I CORSI POSTU CHI U GENUVESE E UNA LINGUA GALLO RUMANZA A U CUNTRARIU DI U CORSU ITALO RUMANZU.QUANTU A L'AVVENE DI STU CORSU CREOLU DI U FRANCESE UN HA NISUN INTERESSU NE DI PARLALU NE D'IMPARALU.U FALLIMENTU QUASI TUTALE DI L'INSIGNAMENTU DI STA CREAZIONE FRANCO OMOLAGATA ESSENDUNE A MIGLIORE PROVA..CUME A DICENU I SOCIOLOGHI FA SOLU PARTE DI UN PRUCESSU CUNSOLATORIU FENDU CREDE A CERTE PERSONE INTERESSATE ANCU PARLENDU DI SOLDI CHI A LINGUA è VIVA .UN CERTU THIERS HA ANCU AVUTU U FRONTE DI SPIEGA CHE NO CAMPAVAMU GIA IN UNA SUCETA BISLINGUA E PRESTU IN UN PAESE DI CUUFICIALITA:ORWELL è IN CASA SOIA IN CORSICA.
![]() |
|