A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > SUCETÀ

Un custume di "Super Corse" pè a Festa di a Nazione

Esse un "Super Corse" costa solu 19,90 € in i magazini discount. Prufittate. Ideale pè Festa di a Nazione è "nuits bleues".

In a rùbrica "art de la fête" di u catalogu di u Dénicheur, à cantu à u custume "infirmière sexy" à 22,90 € è quellu di "police girl" à 29,90 € ci hè quellu di... "Super Corse". Vi custerà 19,90 €.

Prufittatene, esse corsu à stu prezzu, hè un veru rigalu.

Nò, ùn hè micca una magagna o un muntagiu photoshop surtitu da i nostri cerbelli.

U catalogu di u Dénicheur ùn dice micca s'ellu hè "Super Corse" chì sorte a notte à mette i pacchetti o s'ellu hè l'equivalente nustrale di "Super Dupont", u super héros appena beauf inventatu da Gotlib.

Ùn costa micca caru, ùn parla micca corsu, ùn canta micca a paghjella è si ritrova in un magazinu discount... in fatti, "Super Corse" puderia esse n'importa qualessu Corsu d'oghje.

Una cosa hè sigura, a Corsica avanza.

Super Corse serà amicu cun Super Dupont ?

l'8 di Dicembre 2012

U Sgaiuffu

Accueil

Envoyer à un ami

Version imprimable

1.mandatu da mamone u 08/12/2012 14:44

Bah ! cume le bellu ! Un ci manca piu nulla !!

2.mandatu da boemiana u 08/12/2012 14:50

Eiu ùn dicu nunda ma... mi pare un peccatu ch'ella ùn ci fussi Wondercorsa, a so donna, à u so latu... Cù u so bellu calzunettu neru, i so stivaloni da SM , un bustu in coghju è u so mandilucciu in capu!
No, veramente, sò d'accunsentu... hè una vergogna... Un corsu vestutu cusì!! È cusì pocu caru!!

http://www.wmaker.net/boemiana/

3.mandatu da ANTO u 08/12/2012 15:24

Ava si capisce perchè ssi magazini saltanu di tantu in tantu .

http://www.blog-anto.be

4.mandatu da Roo. u 08/12/2012 15:46

Semu cotti-carbunizati...

5.mandatu da Fradèl u 08/12/2012 15:55

U summum di l'acculturazione cunsumerista in più di a cunneria è di u sottu sviluppu mentale

6.mandatu da mamone u 08/12/2012 16:09

So da consente cu voi , o Fratèl ...semu fritti ! Se i nostri vecchji vultavanu , chi pensarebbenu ?

7.mandatu da Lenzulone u 08/12/2012 16:52

"Beaufs de tous les pays, unissez-vous !"

... avia dettu quellu

8.mandatu da ghjuva u 08/12/2012 17:31

ideale per e notte turchine.......TROP TOP!

9.mandatu da FanDiUSgaiuffu u 08/12/2012 17:53

Ma senza ride, qual'hè chì avera avutu s'idea custì di fà 'ssu custume? u vinderanu bè? ci sera un'etichetta cu u nome di u fabbricante? ci vole à fà lu salta, ci ghjocanu à a risa! eccu un passu di più versu a Corsican Reserve! simu fritti, hè a fine!

10.mandatu da a capra u 08/12/2012 18:13

(da un teleffuninu)

Ancu stunente ch'elli un appinu micca messu un figatellu o un ribellu a u giru u collu per fa di più "authentique"... aio ghje una macagna un hè micca pussibule...

11.mandatu da Marietta u 08/12/2012 20:02

Rapresenta bè l'omu corsu , si tene l'ilie !!! hahaha !!

12.mandatu da cagone intimuritu u 08/12/2012 20:15

(da un teleffuninu)

stu situ un'hé micca magagnosu à le volte ?
un pocu di cunneria intantu un face male à nimu e sopratuttu à eiu....un costa caru.....
allora siate menu culistrettu

13.mandatu da Super Coghju u 08/12/2012 20:18

Hè ridiculu... Ma ghjè solu una grossa cunneria !

Ùn vale a pena di fà ne tonne non più, mi pare

14.mandatu da Jack u 08/12/2012 20:34

(da un teleffuninu)

Esiste in XXXXL per Giacobbi ?

15.mandatu da Cazzu Marinu u 09/12/2012 08:19

L'aghju vistu in Corti, guasgi l'aghju cumpratu, ma un mancava u pacchettu, chì SuperCorsu hè un tarroristu.

http://cazzumarinu.overblog.com/

16.mandatu da stumacatu u 09/12/2012 10:34

"U summum di l'acculturazione cunsumerista in più di a cunneria è di u sottu sviluppu mentale."

Esatamente o Fradèl !!

17.mandatu da stumacatu u 09/12/2012 10:36

Ma Super Coghju un n'hà micca tortu...

18.mandatu da Mamone u 09/12/2012 10:41

Dunque u ne micca una macagna . Poveri di noi !!

19.mandatu da Ulongu u 09/12/2012 12:08

Eiu priferiscu a tenuta di a infirmiera...

20.mandatu da Stonclette u 09/12/2012 16:12

Hé piu bellu u custumu millet

21.mandatu da super keurs u 09/12/2012 19:00

Eiu aspettu u filmu: "super keurs contre le figatel au gingembre!".
Veramente simu à a risa...

22.mandatu da Corsi-k u 09/12/2012 19:42

@mamone :
S'eddi vultavani i nostri antichi ? C'infudariani in mari à calci in c... (mi pari).
O alora andariani à darretu à i sgiotti caccendusi u piloni e scambiaddu pà a cappa di Super-co... ?

23.mandatu da Mamone u 10/12/2012 07:57

@Corsi-k :
Un possu mancu pensa una seconda a i mo dui babboni vestuti cun issu catafalcu , elli chi andavanu vestudi di villutu d'un capu d'annu a l'altru !!

24.mandatu da Mamone u 10/12/2012 08:04

@Corsi-k :
U possu mancu pensa una seconda i mo dui babboni vestiti incù issu catafalcu , elli chi andavanu vestuti di villutu d'un capu d'annu a l'altru !!

25.mandatu da aiotuttiifratelli u 10/12/2012 08:37

IL FAISAIT FROID vendredi soir

26.mandatu da ghjuva u 10/12/2012 11:46

speru chellu fera fredu tuttu linguarnu

27.mandatu da Pagliacciu u 30/12/2012 10:17

Hè d'avà ch'ella dura a carnavalata... Tandu in Tralonca ci n'era unu quasi listessu.

Novu cumentu :