U Beaujolais ? Nò, grazie

S'è vo vulete veramente beie vinaccia da favvi ghjunghje u vòmitu, almenu biite vinaccia corsa. Ùn hè micca què chì manca.

Un picculu riassuntu di una "soirée Beaujolais" : si beie pesta per i topi, ci hè un mondu scemu à tappu digià à 7 ore di sera è u figatellu mancu i cani ne volenu.

Dimmula franca : e serate organizate da i caffè per u Beaujolais sò "serate discount" . Ùn ci hè ch'è rubaccia per ghjente chì volenu esse briaghi zuffi u più prestu pussibule.

In quant'à u "beaujolpif" ne parlemu mancu. A più grande scruccuneria di tutti i tempi. Di siguru, l'astuti ci truveranu un gustu di fruttu : accianella, manga, chjarasgia o fragula. "Cette année il a un goût de papaye" senterete à u JT di Jean-Pierre Pernaut.

Tutti l'anni à listessa epica si disceta u mostru di u spiritu franchouillard. Hè Halloween in ritardu !

Allora, s'ellu hè per inturcavvi di vinu à bon pattu chì hè un imbuleghju di Destop è di Motul, almenu, inturcatevi nustrale ! Ùn sò micca i cubi di vinaccia corsa chì mancanu.

È ùn scurdatevi di u Gaviscon.

u 17 di Nuvembre 2009

u webmaestru

Accueil

Envoyer à un ami

Version imprimable

1.mandatu da Quill'altru u 18/11/2009 09:57

Aiò fatela finita appena o mansa di sgronchji ! Assumate a vostra boffattitudine à usu corsu : a vi site sciaccata in quantità a picchetta di u primu vinu ! Accantu un tradiziunale Père la Grolle ùn pò esse peghju !

2.mandatu da circinelludiguagnenativupeliguagnesusosanguaversatu u 18/11/2009 12:55

"boffattitudine" o "beauf'attitudine"...?
Tè, d'altronda, comu si diciarìa "BEAUF'" in corsu ? (ind'u sensu "suciali" micca u cugnatu stessu ben siguru...) ?

3.mandatu da Quill'altru u 18/11/2009 13:01

U beauf ind'è noi ùn esiste micca. Hè un'andatura francese schjetta. Purtemu ancu noi e nostre croce, emu puru quì ghjente senza nisuna classa, ma ùn hè micca esattamente u stessu cumpurtamente.
Sè ci vulia truvà una parolla, saria sicuramente quella di pumataghju.

4.mandatu da ghjuvanni-ghjuvanni u 18/11/2009 15:57

evviva u CUBI NOVU DI "BARBU", e buttiglie in plasticu di SPUNTINU è e "canette" d'ALALIA

5.mandatu da ZIU ANTO U PURCAGHIU u 18/11/2009 18:01

A mè mi parè chi tutti sti scialaccuati(beaufs)corsi so ancu eddi biadori di vinaccia.Quella sia vinaccia corsa o vinaccia francesa u risultatu ghiè u listessu.Un n'hè chè rubaccia hè basta.Andatè puri chi doppu a briaghina ,a péna in capu,in corpu,hé a cacaréda ,eddi annu sicuru u contu soiu.Pé parecchi gjiorni si sentenu malé.Ma eiu facciu a l'usu corsu paisanu,beghu accuavita hè pastizzu.Quessa né faccé pro...Faté ancu voi cumé mé o fratelli...

6.mandatu da piratella u 19/11/2009 01:40

beauf in corsu?

mascacciu? beccu? lol

Lasciate corre u bofjolais

7.mandatu da Fabien u 19/11/2009 20:03

"Cette année il a un goût de papaye"

Saria què chi si chjama fassi "empapayouter" ? Aghju capitu.
Evviva u marketing.
Per un bonu vinu corsu, biologicu, è micca tantu caru, vi arricumandu u Granajolo. Una bella surpresa per mè.

http://1000ideespourlacorse.wordpress.com/

Novu cumentu :