Natale, piace à pienu di ghjente. Forse piace ancu à voi. Ma siamu onesti dui minuti : ci hè ghjente chì vi stumacanu, ancu à Natale. È à quale site obligati di fà un rigalu, perchè chì di spuntà à cena di Natale e mane viote, ùn si face micca. Un ziu appena facho, una zia antipatica, un parente tòssicu, un cugina o una cugina chì vi sorte pè i tufoni di u nasu, o simpliciamente una brama di vindetta di pettu à qualchissia chì v'hà fattu rigalacci fragichi in u passatu. Hè ora di vindicassi. Ochju per ochju, dente per dente, tale sbagliu, tale casticu, eccu a nostra selezzione di rigali di merda.
1. U pull di Natale cù i renni chì... infine. Avete capitu.
Da rigalà di preferenza à qualchissia chì ci vede male, è chì ùn viderà micca subbitu ciò ch'elli facenu sti belli renni di Natale. U tempu ch'è vo vi pigliessite in ritrattu cun ellu. (À ringraziavvi di mandaccila dopu, v'avemu datu l'idea, turnate à mandacci l'ascensore).
Pull di Natale : 29.33 €
Pull di Natale : 29.33 €
2. Un prufumu di star chì puzza.
Beyoncé, Lady Gaga, Britney Spears, Céline Dion, Cathy Guetta : tutte e stars anu surtitu un prufumu chì puzza. U penseru, hè chì si a persona hà gustacci, risicheghja di piaceli. Ma circhemu di vede u bichjeru à metà pienu (hè Natale, firmemu pusitivi) : averete ancu menu scrupuli à odialla dopu.
Curious, u prufumu chì puzza di Britney Spears : 26.16 €
Curious, u prufumu chì puzza di Britney Spears : 26.16 €
Heat, u prufumu chì puzza di Beyoncé : 18.80 €
M, u prufumu chì puzza di Mariah Carey : 26.97 € (averete rimarcatu a finezza di a buttigliuccia).
3. Un guatru tamantu È goffu.
Perchè chì un guatru chjucu è goffu, hè pràticu : si piatta in un scagnu è si torna à caccià in casu d'urgenza. U guatru tamantu è goffu duverà esse spostu in u salottu ogni volta ch'è vo venite, o sinnò v'ammuscerete.
È IÈ, si pò cumprà u guatru di Thérèse è di u porcu. Vi custerà 70 € quì è 59 € quì.
È IÈ, si pò cumprà u guatru di Thérèse è di u porcu. Vi custerà 70 € quì è 59 € quì.
4. S'elli anu zitelli : un ghjoculu chì face u tazzu.
Una batteria, un tamburu, una trumbetta, un cosu à tintenne : n'importa chè chì fessi un rimore orrìbile. U zitellu serà cuntentu cum'è un pichju, i parenti spaventati, voi passerete pè u bravu è elli pè i Thénardier. Evitate i ghjoculi à pile : i parenti sò furbacci, i cacceranu è diceranu à u zitellu chì u ghjoculu hè rottu. Allora chì un tamburu, face TUTTU U TEMPU rimore.
A trumbetta : 21,35 €
A trumbetta : 21,35 €
5. Un libru chì hà da annerballu.
Ùn hè forse micca un libru di merda, ma a persona chì l'hà da riceve l'hà da cunsiderà cusì. Ci vole dunque à sceglie u rigalu in funzione di u so destinatariu.
6. Un serviziu à tè di a Regina Elisabeth.
Ùn sò micca s'ellu ci hè bisognu di tante spiegazione. Hè goffu, piglia a piazza, è hè dinù goffu.
U serviziu à tè : 17,99 £ (circa 23 €)
U serviziu à tè : 17,99 £ (circa 23 €)
7. Un serviziu à tè in sùveru.
8. Un vestitu goffu.
9. Una palma gigante
In plàsticu, cusì mai murerà. Grande, sopr'à tuttu si u destinatariu campa in appartamentu.
A palma : 356 €
O sinnò ci hè stu mudellu chì costa 4000€, ma misura 4,20 metri. Ci anderia bè.
A palma : 356 €
O sinnò ci hè stu mudellu chì costa 4000€, ma misura 4,20 metri. Ci anderia bè.
10. Un CD o un DVD fràgicu.
Sapendu ch'elli ci sò tanti CD è DVD fràgichi ch'è di pianete extrasolare stimate à stu ghjornu, vi lascia abbastanza scelta.
A nostra selezzione :
CD :
A nostra selezzione :
CD :
DVD :
11. Un tee-shirt cù un nome, ma micca u bonu.
Un tavulone in punti di croce, un guatru persunalizatu, un tee-shirt pocu impreme, basta ch'ellu si veca u nome di a persona destinataria. Siate fine : sì u rigale hè per Matteu è ch'ellu ci h scrittu François, ùn marchja micca, si saperà ch'è vo avete fattu à posta. Pruvate piuttostu Matteu/Matéo, Aurélie/Orélie, Ghjulia/Djoulia, o allora u cungome pùzzicu : Cricri, Réré, Toto, Soso.
12. Un pesciu chì canta.
In u filu di a cacahuète musicale, ma cù una riferenza culturale : quelli chì anu vistui Soprano capisceranu.
U pesciu chì canta : da 28 à 34 €
U pesciu chì canta : da 28 à 34 €
13. Un rigalu fattu da u vostru zitellu.
Una scultura in pasta di sale, una cullane di paste, un tavulone à a gouache : almenu chì u vostru zitellu ghjovi à qualcosa. Nimu averà u curagiu di dì ch'ellu hè goffu quantu i rigali seranu spacchittati. Invece, ùn mettite micca a vostra figliulanza in a cunfidanza : puderia ammusciassi ch'è vo vi ne ridite di i so doni artìstichi, o allore ridene è cappià a bomba davant'à tutti : Babbu è Mamma m'anu dettu di fà un cosu goffu perchè ch'elli ùn ti tenenu micca caru !". Tandu, site male.
14. U "mulet" cù a so banda bleu-blanc-rouge.
15. Una scultura in chjòppule di mare. O in sùveru.
Quand'è no vi parlavamu di l'orrori di i magazini di ricordi : hè goffu, piglia u spaziu, dunque hè perfettu. A mo preferenza và à sta tavulinata d'òstrice chì ghjocanu à u poker, ch'aghju trovu in Grecia, ma ùn aghju u ligame per cumpralla. Scusate.
O sinnò l'acellu : 25,14 €
U rigalu ch'ellu ùn ci vole veramente micca à fà : un animale. Tuttu u mondu hà pensatu à rigalà un cane, un ghjattu, un hamster o un pesciu rossu à qualchissia per impuzzichilli a vita. Gattiva idea : hè à l'animale ch'è vo impuzzicate a vita, è à ellu ch'è vo fate un rigalacciu goffu. È ùn v'hà dumandatu nunda.
Ùn avete sempre micca idee è site à corri corri ? In e selezzione di i magazini in linea, belli sessisti è belli goffi duverete truvà qualcosa di bè, per a vostra felicità è per a sfurtuna di l'altru (ti ringraziu boulanger.fr).
Ùn avete sempre micca idee è site à corri corri ? In e selezzione di i magazini in linea, belli sessisti è belli goffi duverete truvà qualcosa di bè, per a vostra felicità è per a sfurtuna di l'altru (ti ringraziu boulanger.fr).
Amparate u corsu (o u francese ?) : l'articulu si trova quì.
Per San Valentinu, manda a to cartulina d'amore pulitica
