![Napuliò, u suldatu scunisciutu di a Corsica Napuliò, u suldatu scunisciutu di a Corsica](https://www.wmaker.net/apiazzetta/photo/art/default/993276-1241657.jpg?v=1289515044)
Tiniti à menti chì:
A mamma era incinta, l'aspittava à eddu, mentri ch'edda fughjia davanti à i sanguinari barbari dopu à a gluriosa disfatta di Pontinovu, strappendusi u vistitu ind’i tanghicci, muchendusi i pedi nantu à i petri acuti di i chjassi muntagnoli... Di quissa Letizia mai si n'hè scurdata. Tandu, hà cumbinatu un pianu tremendu da vindicassi di sta rupaccia abbandunata da Diu, è allivatu u ziteddu in stu spiritu quì ! Edda è u figliolu ùn si sò più arippusati fin ch'è a francia ùn fussi à caternu ! Prima, si n'andò à studià pà sti Franci da cunoscia megliu u nimicu.Quallà cunobbi u razzisimu rifurzendu u so odiu è a so determinazioni...
Da giuvanottu, s'avvicinò Napuliò di u Gran Pasquali da amparà l'amori di a patria è l'arti di a guerra. (Ùn sminticheti micca chì in una lettara sicreta, palisata da Corse-Matin à l'epica da arruinà su pianu, scrivia eddu à Pasquali: "30000 francesi vumiti nantu à la nostra marina anu annigatu u tronu di a Libertà sottu à u sangui falendu à borru !")
U pianu era quissu: piglià u puteri è di i francesi fanni un sfrageddu ! Cosa detta, cosa fatta: U figliolu, sustinutu da a mamma agiscendu cum'è una vera Mata-Hari, da i sureddi piazzati in ogni paesi pà piglià a Francia in una tanaglia, da i frateddi suldati di sempri à u serviziu di u so ideali, duventò IMPERATORI ! ... È da tandu missi u so pianu in anda:
- Millai è millai di francesi tombi in battaglii feroci,
- Stradi dritti è larghi aparti in Francia par chì a so vera è sola patria cunsirvissi u Giru di Corsica automobili,
- Custruzzioni di a Grandemotte ghjustu nanzu à a famosa leggi litturali: Hè Hè ! Troppu tardi! Quì ùn saremi mai tocchi da su mudelu di sviluppu (fighjuleti bè a forma di i palazzi culà: ùn vi ramenta nunda ? u so capeddu !)
- Priparazioni di u ristoru di a munarchia pà falli veda à i Francesi chì Pasquali, par sempri, era u megliu è u più grandi,
- Scrittura di un codici civili, chì ancu oghji imbestia ogni francesu,
- Invenzioni di a leggiò d'onori, da pudella dà à Sheila, Douillet è Sardou, da fà rida u mondu sanu !!!
- Rinforzu di a scola politecnica, fendu di u scaviatu spichjitinu u mudelu di l’omu francesu di puteri, ch’ùn sarà mai più stu masciu latinu bramatu da i donni inglesi in vacanza !
Pensò ancu à fà guvernà a Corsica da inculati rinumati, pà fà crescia u sintimu anti francesu. Fortu o nò u tipu ?!
Allura: abbiati una pinsata pà sta famiglia è st'omu, sacrificati tutti nantu à l'altari di a patria, sminticati da a canzona patriotica, cascati in l'ubliu o disprizzati da i naziunali d'oghji !
A mamma era incinta, l'aspittava à eddu, mentri ch'edda fughjia davanti à i sanguinari barbari dopu à a gluriosa disfatta di Pontinovu, strappendusi u vistitu ind’i tanghicci, muchendusi i pedi nantu à i petri acuti di i chjassi muntagnoli... Di quissa Letizia mai si n'hè scurdata. Tandu, hà cumbinatu un pianu tremendu da vindicassi di sta rupaccia abbandunata da Diu, è allivatu u ziteddu in stu spiritu quì ! Edda è u figliolu ùn si sò più arippusati fin ch'è a francia ùn fussi à caternu ! Prima, si n'andò à studià pà sti Franci da cunoscia megliu u nimicu.Quallà cunobbi u razzisimu rifurzendu u so odiu è a so determinazioni...
Da giuvanottu, s'avvicinò Napuliò di u Gran Pasquali da amparà l'amori di a patria è l'arti di a guerra. (Ùn sminticheti micca chì in una lettara sicreta, palisata da Corse-Matin à l'epica da arruinà su pianu, scrivia eddu à Pasquali: "30000 francesi vumiti nantu à la nostra marina anu annigatu u tronu di a Libertà sottu à u sangui falendu à borru !")
U pianu era quissu: piglià u puteri è di i francesi fanni un sfrageddu ! Cosa detta, cosa fatta: U figliolu, sustinutu da a mamma agiscendu cum'è una vera Mata-Hari, da i sureddi piazzati in ogni paesi pà piglià a Francia in una tanaglia, da i frateddi suldati di sempri à u serviziu di u so ideali, duventò IMPERATORI ! ... È da tandu missi u so pianu in anda:
- Millai è millai di francesi tombi in battaglii feroci,
- Stradi dritti è larghi aparti in Francia par chì a so vera è sola patria cunsirvissi u Giru di Corsica automobili,
- Custruzzioni di a Grandemotte ghjustu nanzu à a famosa leggi litturali: Hè Hè ! Troppu tardi! Quì ùn saremi mai tocchi da su mudelu di sviluppu (fighjuleti bè a forma di i palazzi culà: ùn vi ramenta nunda ? u so capeddu !)
- Priparazioni di u ristoru di a munarchia pà falli veda à i Francesi chì Pasquali, par sempri, era u megliu è u più grandi,
- Scrittura di un codici civili, chì ancu oghji imbestia ogni francesu,
- Invenzioni di a leggiò d'onori, da pudella dà à Sheila, Douillet è Sardou, da fà rida u mondu sanu !!!
- Rinforzu di a scola politecnica, fendu di u scaviatu spichjitinu u mudelu di l’omu francesu di puteri, ch’ùn sarà mai più stu masciu latinu bramatu da i donni inglesi in vacanza !
Pensò ancu à fà guvernà a Corsica da inculati rinumati, pà fà crescia u sintimu anti francesu. Fortu o nò u tipu ?!
Allura: abbiati una pinsata pà sta famiglia è st'omu, sacrificati tutti nantu à l'altari di a patria, sminticati da a canzona patriotica, cascati in l'ubliu o disprizzati da i naziunali d'oghji !