Marseillaise in Furiani : cumu rende omagiu à e vittime ?

In u grande "complot" mundiale contr'à u Sporting, ci vulerà forse à mette à Daesh. À u mumentu induve u mondu sanu (o guasi) vole rende omagiu à e vìttime di l'attentati di Parigi, eccu chì Thiriez hà avutu un'idea luminosa : fà sunà l'innu francese nant'à tutti i terreni di L1.

A LFP a dice nant'à u so situ :

Enfin, l’hymne national sera joué avant les matchs en hommage aux victimes des attentats. Frédéric Thiriez : « Jouer au football est un acte de résistance contre la barbarie. Après la douleur, après les larmes, la vie doit reprendre. Les sportifs comme les artistes peuvent donner l’exemple ».

U prublema, hè chì quandu Thiriez hà un'idea, hè rara ch'ella sia bona.

Una Marseillaise, à a dumanda di u francese u più udiatu di Corsica, in Furiani, per un derby corsu, chì casca in più per l'anniversariu di Bastia 1905... pare esse una magagna surtita da un cerbellu stortu. Ma nò, hè a realità.

Hè dinù a più bella manera per ch'elli nascinu incidenti. Nant'à e rete suciale, l'affare hè cummentatu.

Ben'intesa ch'ellu ci vole un omagiu, bellu, sulenne, à e vìttime di sta strage. Ma cumu fà ?

Si pò fà passà a cunsigna d'ùn fischjà micca, di rispettà, di fà silenziu durante l'innu francese... tantu ch'ellu si pò. Cumu esse siguri ch'ellu ùn si passerà nunda ?

In più, u SCB vole rende omagiu à u so educatore Dumè Albertini, smarritu sti pochi ghjorni.

Allora eccu unepoche di pruposte, casu mai a LFP accetti di cambià u protocolu di a partita.

A canzona di i Beatles principia cù e note di a Marseillaise, è hè sempre megliu ch'è di sente "qu'un sang impur abreuve nos sillons".

Quale s'arricorda di sta canzona ? Nimu ? Bon, peccatu. E parolle parlavanu di fratellenza è di libertà.

U club ùn puderia prupone di fà più forte ch'è un minutu di silenziu ? Dece, vinti, ancu trenta s'elli volenu.

Hè ciò ch'elli cantanu i sustenidori di u RC Lens à ogni partita :

Allons enfant de la patrie
Le jour de gloire est arrivé
Contre nous de la tyranie
L'étendard Sang et Or est levé
L'étendard Sang et Or est levé !
Entendez vous, les supporters
Chanter allez les Sang et Or
Allez, allez, les Sang et Or !
Vous êtes les plus forts !

Hè prumessa, ùn i fischjeremu micca.

Cun tutte e cunnerie ch'elli anu surtitu i gruppi corsi dapoi u Riacquistu, nimu hà pensatu à fà un'adattazione in corsu di "La Marseillaise". Cumu serà ?

"Aiò zitelli di a patria
Hè ghjuntu u ghjornu di gloria
Contr'à noi di a tirannia
U stendardu sanguinosu hè alzatu..."

Nò ? Bon...

Magnifica canzona universale di pace. Tè, saria ancu una bona idea d'adattalla è ancu cantà la in inglese, in francese, in corsu, in spagnolu, in... heu...

Cumu ? Hè digià stata fatta ? È ùn hè micca una bona idea ?

Iè, Canta u Populu Corsu è I Chjami Aghjalesi anu cantatu à u Bataclan.

A mudella inglese Cara Delevingne hà inventatu una manera originale di rende omagiu à a bandera francese.

Perchè micca purtà a vostra bandera olandese in Furiani ?

Piuttostu ch'è di sente a Marseillaise in Furiani, serà megliu di ghjucà in Gueugnon, o di ghjucà à portechjose.

Almenu, seremu siguri ch'elli ùn ci seranu incidenti. Mancu trà i sustenidori Aiaccini è Bastiacci, è puru sì nimu cunnosce e parolle.

A menu peghju di e suluzione ?