A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ma cumu averemu fattu à perde in Ponte Novu ?

Ghjuntu l'estate, scalati i primi turisti, a prima reazzione hè sempre a listessa : ma cumu averemu fattu à perde contr'à questi quì in Ponte Novu???



Ma cumu averemu fattu à perde in Ponte Novu ?
In fatti, Pasquale Paoli n'avia una techja è hà fattu à posta à perde. Stancu d'un populu chì manch'ellu ùn ci la facia à unisce, stumacatu da l'unu è da l'altru chì vulia u so pezzu di putere, davanti a desunione è u mancu di ricunniscenza u puverettu di Pasquale hà preferitu lascià cascà. Hà fattu cum'è Eric Cantona è hè partutu in Inghilterra.

I mercenarii prussii chì ùn parlavanu una parolla di corsu. A sapete bè, Paoli avia decisu di fà tene u ponte da mercenarii tedeschi. U prublema hè ch'elli ùn ci capianu una acca è ch'elli si sò messi à tirà nant'à i suldati corsi chì si ne vultavanu. Ch'edea dinù, d'andà à circà sempre st'alemani...

I rumori nant'à u finuchjisimu di Paoli. U ben'di Pasquale cuminciava à fassi magagnà da i so suldati "u generale hè un finochju, si tene cun Boswell !" Allora hà pigliatu a mosca è dopu à u macellu di Ponte Novu averia sciaccatu "vi stà bè, mansa di linguacce !" È hè cusì ch'ellu hè partutu à raghjunghje à Lady Cosway in Londra...

Bon, intantu, allora chì a canzona dicia "Per cent'anni, ùn ci hè da stà", semu sempre à trascinassi i Francesi è semu partuti pè francà i 250 anni.

Allora, a pigliemu quandu, a rivìncita di Ponte Novu ?

u 10 di Maghju 2009
u webmaestru



1.mandatu da paulistu u 11/05/2009 09:52
'sciarrabbiati sti busciacci chì ci anu fattu perde in Ponte Novu !

ancu di grazia ch'elli si so richjappati in u 1982 in Seviglia cun Harald Schumacher...

2.mandatu da circinelludiguagnenativupeliguagnesusosanguaversatu u 11/05/2009 11:31
Comu comu comu... !!! aspitteti un mumentu: EMU PERSU IN PONTINOVU ???

3.mandatu da Kügürn u 11/05/2009 12:05
quantunque, mi stunerà sempre, quellu sbagliu di i Prussii...i più boni mercenarii d'Auropa tandu...ci vulia ch'ellu caschessi nant'à noi...bah chi peccatu !!!

4.mandatu da Fafanellu u 11/05/2009 13:41
Par chi fistighjemu Ponte Novu ??? I pinzutti ùn fanni micca a festa pà A Borgu elli !!! Aiò !!!

5.mandatu da Fafanellu u 11/05/2009 13:41
Pà U Borgu...aghju persu u mè Latinu vedeti !

6.mandatu da borgaux u 11/05/2009 15:01
quessa hè vera ! ci vuleria à rilancià a festa di U Borgu, chi si facia sin'à ùn hè tantu... forse l'associu I Naziunali feranu qualcosa quist'annu ? o cio chi ferma di i burghisgiani ?

7.mandatu da Kügürn u 11/05/2009 17:40
è s'è u gran Pasquale avessi messu un chjodu à i mercenarii ? puderebbe spiecà quellu spripositu...

8.mandatu da altore u 11/05/2009 17:45
festighjà à ponte novu ghjè cume sè i frencesi festighjavanu l'entrata di l'alemani in parigi in 40... simu veramente speziali noi astri corsi... ma pè esse tutt'à fattu onestu ùn ferstighjemu micca à ponte novu ... cummemoremu... o allora ci vole à dumandà à a CFR elli festighjerebbenu vulinteri di sigura...

9.mandatu da estrimei u 11/05/2009 18:45
a webmaestru ,
mi pare chi a parulla "finochio" he taliana e ch'ella un s'adopri micca in corsu. senza accussente a a calumnia purtata contr'a a de PAOLI ,(un avia micca done , ma nimu un ha mai pussutu ghjustificà sta calumnia , ch'aghju intesu da pocu e purtata da naziunalisti francesi)
in Corsica, ommancu per so ch'aghju sempre intesu di, si dicia feminetta o mascu femina

in prussiani un capianu u corsu ? s'omu và nant'a u foru di u RINNOVU s'accorge omu chi per guasi tutti , u francese he a lingua beata e in Ponte Novu u spinzudimme , ancu s'ellu un cresce, si praticheghja sempre .
un ci scurdemmu di a ghjistemma : " che tu, un ti sapia tu cunosce "

10.mandatu da altore u 11/05/2009 21:05
u masciu femina ghjè u "travelo". u pd ghjè u rottu 'n culu. micca bellu bellu ma si capisce bè....

11.mandatu da ernestu u 11/05/2009 21:42
aio, chi so ssi cummenti è sse cunnerie ? U BABBU DI A PATRIA UN ERA UNU DI QUESSI, mansa di linguacce !

12.mandatu da Cincinellu u 12/05/2009 07:38
1) per i detagli à nantu à Paoli, serà megliu à dumandà à Antone Maria Graziani
2) parlendu di festighjà è di restu, ch'hà rimessu in ballu a storia di u nostru populu ùn sò micca l'eletti ma u Partitu Corsu d'Azzione di Petru Rocca in l'annate 20, cù a croce di u ricordu. vale à dì i naziunalisti di tandu.
3) a disfatta a mettenu à i prussiani. Bah ... Forse ch'ella hè a scelta di Paoli, cù tutte e cunsequenze per ellu stessu è a causa corsa.
Feraghju solu stu cumentucciu: aviamu in faccia à noi l'armata a più forte d'Auropa tandu. E quessa, Paoli a sapia. Forse chì a stattegia di "guerrilla" seria stata più efficace... Quale chì sà ?

13.mandatu da circinelludiguagnenativupeliguagnesusosanguaversatu u 12/05/2009 10:55
Ciò chì sogu eiu hè ch'ùn si duvìa micca bàttesi in 'ssu lucacciu quì: Pontinovu hè goffu, pillatu è u bastimentu di a posta ohimè !!! U VERU CORSU ÙN SI BATTE IN LOCHI BRUTTI !!! è quissa, Pasquale ùn la sappìa micca, ma i francesi, sì ! Partant de là l'issue de la bataille était prévisible.

14.mandatu da altore u 12/05/2009 15:09
o circinè chì t'accade??? franciseghji ancu tù avà? u prete di guagnu si volta in a so tomba!

15.mandatu da circinelludiguagnènativupèliguagnesilusanguaversatu u 12/05/2009 15:16
Wauuuuù ! Era pà rida, quoi !

16.mandatu da circinelludiguagnenativupeliguagnesusosanguaversatu u 12/05/2009 20:58
... è pensu chi u povaru circinellu avarà d'altri raggiò di vultuliassi ind'a so tomba... n'est-ce pas ?! ;o)

17.mandatu da Guagnese u 13/05/2009 16:05
Dumenicu Leca chiamatu circinellu , si volta tantu i la so tomba chi lu chiamanu tartaglia.

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city