L'infurmazione impurtantissima di u ghjornu...

L'infurmazione capitale di u ghjornu ci vole à circalla innù l'eccelente giurnale So
Foot chì hà avutu a bona edea di fà un'intervista di a cantarina aiaccina Alizée.

S'ampara in st'intervista chì ind'a so famiglia si sustene l'OM è l'ACA ma chì u so ziu hà ghjucatu à u Gazelec.

Interessante dinù d'amparà ch'ella preferisce Napuleone à Sarkozy.

Infine, è siguramente ch'ellu hà da cambià u corsu di a vostra vita, Alizée dice ch'ella hà cacciatu a bandera auropeana nant'à a placca di a so vittura per mette a bandera corsa !!!

Ma hà tenutu u "F" di "Francia". Cum'ella dice ella, "à fond la Corse" (sic) !

Eccu, era l'infurmazione di u ghjornu di A Piazzetta.

A sò, l'azezi ci diceranu ch'ellu hè n'importa chè è ch'ellu ci hè più impurtante in Corsica è innù u mondu... Ma prima chì di a squatra di i cuntributori di u blog nimu ùn hà fattu nunda oghje (mansa di stercaghji !), è dopu ch'ellu mi tenia à core di parlà d'Alizée.

È po ci face una bona scusa per mette un ritrattu di l'aiaccina. Serete almenu d'accordu per dì ch'ellu hè megliu di vede una fottò d'Alizée piuttostu ch'è di vede a faccia di Sarkozy... D'ellu si ne parla abbastanza.

Hè vera, neh ?