Ritrattu : corsicainfurmazione.org
Dicìa a paghjella di l'amanti siguri :
« Quandu lu primu battellu
Cullerà per la Rasgina
Chì u paese di la Mazzola
Serà portu di marina
Tandu t'abbanduneraghju
La mio cara medicina ».
Ci simu o guasi.
Cambia u clima, colla u mare, l'acqua salita si rode u liturale, a costa rincula è Nettunu si lampa à l'assaltu di e pèndite. L'innamuratu chì cantava pò appruntà e so valisge.
Ma, serà una gattiva nutizia sì e marine spariscenu ?
Addìu i turisti, i camping trapupulati, e vacanze superficiale à fassi abbrunzà nant'à una servietta « palmi à u ciuttà di u sole », à fà Sudoku, à leghje Paolo Coehlo ; À vèdeci dinù, i cuncorsi di Miss Mini Short ind'è buatte, e camisge arrabiate di i DJ's, è paillotes « pedi in l'acqua » chì servenu figatellu di zebru è quinoa « made in Corsica », a musica electro bip-bip da stridà « ohimè », e butteghe chì vendenu cullane di curallu in plàsticu è e cultelle di pastore per affittà u Kiri.
Da l'altra parte, certi diceranu chì ballà scalzu è mezu spugliatu à tagliu di mare hè più sensuale ch'è una veghja à u fucone è chì un zitellucciu chì si face un castellu di rena cù paletta è rastellu, ci ralegra u core. Riflettemu una cria.
À longu andà, chì hà da diventà a civilizazione pasturale ? Si ferà a muntagnera in scooter di mare, a bastella à l'àlighe serà a spezialità niulinca è anderemu à piscà u cignale cù u tuba. Eccu.
Di sicuru i nostri eletti anu da abbraccià a cumplessità di u fenòmenu. Ogni decisione nantu u PLU a ci dimustrerà. Ùn anu micca da lascià l'Isula di Granitu diventà l' Isula di Zùccheru quantunque ? È u paese di Sambucucciu sdrughjesi in lu Mare Terraniu cum'è una pìllula effervescente ?
Da leghje :
Corse-Matin : Le littoral corse toujours plus vulnérable
U Levante : Corse, plaines orientales : alerte à la submersion marine
U Levante : Corse orientale: murs et digues de protection se multiplient sur les plages
U Levante : Érosion du littoral en Corse : Prévenir pour ne pas avoir à guérir ou pleurer
« Quandu lu primu battellu
Cullerà per la Rasgina
Chì u paese di la Mazzola
Serà portu di marina
Tandu t'abbanduneraghju
La mio cara medicina ».
Ci simu o guasi.
Cambia u clima, colla u mare, l'acqua salita si rode u liturale, a costa rincula è Nettunu si lampa à l'assaltu di e pèndite. L'innamuratu chì cantava pò appruntà e so valisge.
Ma, serà una gattiva nutizia sì e marine spariscenu ?
Addìu i turisti, i camping trapupulati, e vacanze superficiale à fassi abbrunzà nant'à una servietta « palmi à u ciuttà di u sole », à fà Sudoku, à leghje Paolo Coehlo ; À vèdeci dinù, i cuncorsi di Miss Mini Short ind'è buatte, e camisge arrabiate di i DJ's, è paillotes « pedi in l'acqua » chì servenu figatellu di zebru è quinoa « made in Corsica », a musica electro bip-bip da stridà « ohimè », e butteghe chì vendenu cullane di curallu in plàsticu è e cultelle di pastore per affittà u Kiri.
Da l'altra parte, certi diceranu chì ballà scalzu è mezu spugliatu à tagliu di mare hè più sensuale ch'è una veghja à u fucone è chì un zitellucciu chì si face un castellu di rena cù paletta è rastellu, ci ralegra u core. Riflettemu una cria.
À longu andà, chì hà da diventà a civilizazione pasturale ? Si ferà a muntagnera in scooter di mare, a bastella à l'àlighe serà a spezialità niulinca è anderemu à piscà u cignale cù u tuba. Eccu.
Di sicuru i nostri eletti anu da abbraccià a cumplessità di u fenòmenu. Ogni decisione nantu u PLU a ci dimustrerà. Ùn anu micca da lascià l'Isula di Granitu diventà l' Isula di Zùccheru quantunque ? È u paese di Sambucucciu sdrughjesi in lu Mare Terraniu cum'è una pìllula effervescente ?
Da leghje :
Corse-Matin : Le littoral corse toujours plus vulnérable
U Levante : Corse, plaines orientales : alerte à la submersion marine
U Levante : Corse orientale: murs et digues de protection se multiplient sur les plages
U Levante : Érosion du littoral en Corse : Prévenir pour ne pas avoir à guérir ou pleurer
Per San Valentinu, manda a to cartulina d'amore pulitica
