A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ghjunghje Séguéla è Ghjuvan-Francescu si ne và !

S'hè parlatu assai di i pippoli pinzuti scalati nant'à e nostre sponde per custruì si un paradisu ch'elli ùn trovanu ind'è elli. Laetizia Casta, a balanina, si farà di sicuru un affaccata in Lama, duve stanu digià Guy Bedos è d'altri sgaiuffi! Ma l'altri, i veri pippoli Corsi, i pippoli nustrali, quelli chì sbattenu l'inguernate sane ind'è noi, u giranu u mondu? Faranu solu u giru di i nostri paesi? Barchetta, Tizzanu, Carghjese è Santa Lucia di Mercuriu per compie u Giru 2008 in San Fiurenzu! L'averanu elli una casa in Ibiza, Porto Cervo o Miami?



Ghjunghje Séguéla è Ghjuvan-Francescu si ne và !
Induve vanu i nostri pippoli?

Principiemu appena avà e nostre ricerche.
Sapimu digià chì Ghjuvan'Francescu Bernardini s'hà compru una casa in Privlaka, un paisacciu di Cruazia ! Seguelacciu face fughje i nostri pippoli!

Ghjunghje Séguéla è Ghjuvan-Francescu si ne và !
À sente l'ultimi puttachji di a piazza d'À in Bastia, pare chì Maì Pesce, a voce di i Chjami Aghjalesi si n'anderebbe duie simane in Irlanda per un Irish Guiness Tour. À ellu sì chì li piacenu e tradizione !

Ghjunghje Séguéla è Ghjuvan-Francescu si ne và !
In quantu à Felì, sarebbe partutu à u Casino di Monacu! Pare ch'ellu provi di rimpattà tutti i so debbiti à Ricordu per i dischi ch'ellu ùn hà mai vendutu. Ùn sarebbe micca aspettatu in i Fulelli da quì à st'estate.


Ghjunghje Séguéla è Ghjuvan-Francescu si ne và !
In fatti di literatura, l'attualità hè puchissima. L'accademizianu bastiacciu Angeot Rinaldi sarebbe aspettatu da i so cumpari à a Gaypride di Parigi. Per avà, ùn si sà ancu cumu s'ellu s'hà da traveste.


Ghjunghje Séguéla è Ghjuvan-Francescu si ne và !
Infine, dopu l'annunziu ufficiale di a leia trà Jennifer è Pascal Obispo, u paese di Purti Poddu s'aspetta à u matrimoniu. Allora o Pasquà, attenti à e fucilate!

u 21 d'Aprile 2008
Buky Lee N'Gwasha



1.mandatu da GWM u 21/04/2008 19:34
quale era u tippu chi avia tiratu annant'à Obispo ? un giuvanottu, mi pare ? bon, eranu solu piumbini.

2.mandatu da Yvanuterribule u 22/04/2008 18:29
aghju intesu di dinù chi Antone Aiello è Gilles Simeoni averebbenu compru vicinu à Seguela, info o intox!! ???

3.mandatu da Benghjè u 06/05/2008 11:04
Guy Bedos, Muriel Robin è tutta a cumpagnia di e closce ùn si ne stanu micca in Lama ma in Lumiu...
Quant'à mè in Lama ùn ci anu mai messu u pede, troppu luntanu di u mare per elli...

4.mandatu da TonyMontana u 20/07/2008 16:16
So stumacatu di a nutizia cuncernendu a lea trà Jenifer è Pascal Obispo. Era megliu Maxim Nucci...
Pascal Obispo hè bravu è attalentatu, ma più chè goffu. Per un pezzo cume Jenifer marca male, serà torna un affare di soldi è di canzone...

5.mandatu da camille u 22/07/2008 13:45
Gilles Simeoni a signé la pétition soutenant l'application de la loi Littoral. Sa position est très claire sur le sujet.

6.mandatu da laziosu u 22/07/2008 14:38
Ùn ci hè nimu chì parlatu di GS! Chì c'entre quì u povaru Gildas?

7.mandatu da diavulacciu u 20/09/2008 07:47
pare che i simeoni hannu i casi chi annu saltatu?

perche?

speculazione?

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city