Ci vole à manghjà quantu Mon Chéri per esse in sborgna ?

Ùn fate micca nece, voi dinù ci avete pensatu : pigliassi una scimia à u Mon Chéri.

Hè u situ d'infurmazioni Slate à prupone un studiu seriu nant'à stu sugettu impurtantissimu.

Vi risparmiu i càlculi è e fòrmule matemàtiche, ma sàppiate ch'ellu ci vole circa 45 di ste cicculatacce per ghjunghje à 0,5 g d'alcool in u sangue, a lìmita autorizata per quelli chì cundùcenu. Siguramente chì u vostru fegatu ùn suppurterà micca sta quantità di zùccheru è di cicculata. Averete resu nanzu.

45 Mon Chéri per esse appinuccia briachettu, allora pensate quantu ci vulerà à ingollene per esse à tappu.

Lasciate corre, hè una gattiva idea...