A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ci hè un fliccu in u vostru ordinatore

Truvate ch'è vo ùn avete micca assai amichi nant'à Facebook ? Ùn v'inchietate, a pulizza ella surveglia a vostra pagina...



Ci hè un fliccu in u vostru ordinatore
Quale hè u paese chì dumanda u più d'infurmazioni à Google ? A Curea di u Nordu ? A Birmanìa ? L'Iranu ?

Nò, hè a Francia. Hè un raportu di Google chì a ci dice (leghje La France, championne du monde de la surveillance du Net).

U paese chì dumanda u più infurmazioni à Google nant'à i so citatini hè a Francia. Bon d'accordu, stu classamentu ùn piglia micca in contu certi paesi cum'è a China chì hè siguramente u primu, ma quantunque. L'India è i Stati Uniti sò in daretu. L'altri paesi aurupeani sò luntani.

Avete capitu avà ? Ci vole à dì chì l'attività nant'à internet hè un grande aiutu per i nostri amichi pulizzeri. Trà Google è Facebook, hè faciule di sapè tuttu di a vita di a ghjente. Ci vuleria à esse baulli per passà à cantu à sta mansa d'infurmazioni chì permette di sapè induve site, ciò ch'è vo fate, cun quale, ciò ch'è vo pensate, pregate, manghjate, biite, surtite, chjavate (o micca)...

Cuntinuvate à cuntà a vostra vita nant'à Facebook. Ancu s'è vo ùn avete micca assai amichi, date un grande serviziu à a pulizza.

Big Brother esiste, scrivite cunnerie tutti i ghjorni nantu...

u 27 d'Utrovi 2011



1.mandatu da Pumata u 28/10/2011 09:47
A francia hé un paese di flichi tuttu u mondu a sa! Simpliciamente perche simu in demucrazia e chi i francesi, populu di vitelli, so i primmi a dumanda sempre di piu cuntrollu e securita! Ancu meiu so sempre pronti a aiuta l'urdine stabilitu cu u spiritu di delazione (cf 41-44)! Se noi altri corsi simu sfarenti, e di piu arradicadi a e liberta individuali trippa pa noi, ùn ci vulia micca a perde in ponte novu!!!

2.mandatu da Grossu panzutu u 28/10/2011 09:50
Se vo vulete racuntà a vostra: A piazzetta. com o menu so obligati di pigliassi un traduttore pe flicacci! Face avanza l'impieghi bislingui!!!

3.mandatu da U Palatinu u 28/10/2011 11:10
S'e a ghjente hè conna, hè u so prublema !
http://appuntamentu-corsu.forums-actifs.net

4.mandatu da John-Bill u 28/10/2011 11:21
a maio parte di a ghjente nant'a facebook ùn contanu miccà "a so vita", ma parlanu di cose per macagnà, o d'attualità, mettenu qualchì musiche e vidéo e basta ... innò ùn leghju maì "aghju manghatu un figatellu" "aghja andà à piscia" .... ùn c'hè micca tante cose à truvà nan'tu "muru" d'una parsona ... -> per mè, hè un "cliché".

5.mandatu da ANTO u 28/10/2011 15:20
Andate a vedè i "muri" di i nostri omi pulitichie po ne riparlemmu :un ci si trova nunda ,acqua in bocca e scarpi stretti !
http://blog-anto.be

6.mandatu da fafanellu u 01/11/2011 14:45
Casca bè, flicchi ùn ci n'hè micca assà in Corsica, dunqua hè bè d'avè sempri un fliccu accant'à noi, mansa di criticoni ! ;)

7.mandatu da U Palatinu u 01/11/2011 16:00
Sì tù chì a dice o Fafanè. Sì tù chì a dice.
Certe volte, mi dumandu ancu s'elli ùn sò micca più numarosi ch'e noi.


PS : senza nisun ligame incù tuttu què, aghju amparatu nant'à u so bloggu chì u nostru amicu Tancrède Paoletti si ne hè mortu.
http://appuntamentu-corsu.forums-actifs.net

8.mandatu da fafanellu u 01/11/2011 16:42
iè, è ancu quì (ùn sò micca s'ella hè una macagna a cacciata d'u so duttori) : http://tancredepaoletti.blogspot.com/

9.mandatu da fafanellu u 01/11/2011 16:50
forse avarà mughjatu, ghjunghjendu in Paradisu : "Maréchal, me voilà !!!!"

10.mandatu da U Palatinu u 01/11/2011 17:47
Forse... ma à cundizione ch'ellu sia andatu in Paradisu.
Cosa ch'ùn hè micca sicura sicura (leghjendu altri testi).
http://appuntamentu-corsu.forums-actifs.net

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city