Sta sera « Beaujolais nouveau » ! Festa in paese ! A più parte di e cantine e di i caffè anu da prupone « Barbecue-grillades » è « sauciflard-pâté en croûte » per fà passà u gustu di u vinu francese aspettatu da tutti cum'è Pasquale Paoli in u 1755. 450 000 litri di fragnu anu da annacquà u mondu tale una cavallata cerria.
I giappunesi anu ancu, per sta celebrazione, rimpiazzatu l’acqua di u bagnu incù u « Beaujolpif » (cusì u chjamanu certi). Speremu ch'elli ùn u rimetteranu micca in buttiglia dop’à l’abluzione.
Sta vinaccia hè stata maturata dui mesi (guasi nunda), techja di levitu, pizzica assai quand’ella fala è ancu di più quand’ella colla.
Ma sta sera, a Francia sana (è ancu a Corsica), s’annigherà sott’à u liquidu acru. Seguiteremu i « flonflons » è u pezzu di a carne à u focu cum’è i topi anu seguitatu à quellu ghjucatore di pirulla d’Hamelin è ci truveremu tutti n cità, azezi, criticoni è spapersi à buleghju, senza sapè perchè no simu quì.
Sopr'à tuttu, pruveremu di truvà u gustu di l’annata : fragula, rubu, banana, o ancu puru carne macinata. Di tutte e manere, sò i capizzoni di a cummunicazione è i giurnalisti chì decideranu ciò ch’ellu sentia u vinu di u terzu ghjovi di nuvembre.
Avete capitu, ùn site mica voi chì sceglite di beie u « Beauj’ », ghj’è ellu chì v’hà sceltu, chè vo siate di cunsentu o nò. Simu tutti pari per ciò chì ghjè di moda.
Puderiamu scrive un altru capuversu à quella canzona di Canta u Populu Corsu : « Nuvembre sente u Beaujolais… »
I giappunesi anu ancu, per sta celebrazione, rimpiazzatu l’acqua di u bagnu incù u « Beaujolpif » (cusì u chjamanu certi). Speremu ch'elli ùn u rimetteranu micca in buttiglia dop’à l’abluzione.
Sta vinaccia hè stata maturata dui mesi (guasi nunda), techja di levitu, pizzica assai quand’ella fala è ancu di più quand’ella colla.
Ma sta sera, a Francia sana (è ancu a Corsica), s’annigherà sott’à u liquidu acru. Seguiteremu i « flonflons » è u pezzu di a carne à u focu cum’è i topi anu seguitatu à quellu ghjucatore di pirulla d’Hamelin è ci truveremu tutti n cità, azezi, criticoni è spapersi à buleghju, senza sapè perchè no simu quì.
Sopr'à tuttu, pruveremu di truvà u gustu di l’annata : fragula, rubu, banana, o ancu puru carne macinata. Di tutte e manere, sò i capizzoni di a cummunicazione è i giurnalisti chì decideranu ciò ch’ellu sentia u vinu di u terzu ghjovi di nuvembre.
Avete capitu, ùn site mica voi chì sceglite di beie u « Beauj’ », ghj’è ellu chì v’hà sceltu, chè vo siate di cunsentu o nò. Simu tutti pari per ciò chì ghjè di moda.
Puderiamu scrive un altru capuversu à quella canzona di Canta u Populu Corsu : « Nuvembre sente u Beaujolais… »
Perchè ci vole à esse fiera d'esse una strega
