Balena morta in Aiacciu : avia anch'ella manghjatu à u Quick ?

Una vìttima nova in l'affare di u hamburger avvelenatu ? Una balena hè stata trova morta à A Parata, in Aiacciu. Per avà l'anàlisi ùn permettenu micca di dì s'ellu si tratta d'una intussicazione alimentaria.

Corse-Matin è Alta Frequenza anu fattu casu sta settimana d'una balena ritruvata morta nant'à u mare di A Parata.

A pulizza hà messu da cantu l'ipòtesi d'un assassiniu è d'una vindetta da trà bande rivale di a Brise de Mer o di u Petit Bar.

Invece, si sà chì a povera balena avia manghjatu à u Quick a vigilia. Avia pigliatu un "Extra Long Beef pepper". Trè ore dopu, a tinta hà resu è hà avutu diarrìa. U lindumane, a pena in capu era sempre forte. I succorsi ùn anu pussutu fà nunda.

Per avà, ùn si sà s'ellu si pò parlà d'una intussicazione alimentaria o nò.

u 29 di Ghjenaghju 2011

U Webmaestru

Accueil

Envoyer à un ami

Version imprimable

1.mandatu da batman u 29/01/2011 10:46

forse sera u ketchup.

2.mandatu da migliacciu u 29/01/2011 12:16

face una settimana chi estrimei ùn hà più scrittu nunda.... site siguri chi ùn manghjava micca à u Quick ellu dinù ?

3.mandatu da Donluicu u 29/01/2011 14:23

Ti si sbagliatu: si dice " la parate "

4.mandatu da ANTO u 29/01/2011 14:34

In fatti un n'hè mica una balèna ma un delfinu .E pò "globicephales =caponi ci n'hè parecchji in Corsica nunda chè a l'assemblea !!

http://www.blog-anto.be

5.mandatu da ghjuvan'marcu u 29/01/2011 17:46

O Antò , ti sbaglii, in l'assemblea sò "giaccobicéphales" in'cu un cerbellu cusi tamentu chi piazzatu a manca piglia dinù u centru e a diritta di u capu.

Sturietta: Ghjè un ghjuvanottu chi, famitu, si ne va à manghjà nu "fastfood" e... Couic !

http://andaccianu.over-blog.com

6.mandatu da Cagniaccia.. u 29/01/2011 18:13

E a Balena chi ghjè à a presidenza di u CG2B...pè quantu n'averà ?????

Novu cumentu :