Salute à tutti !
Natale s’avvicina. I zitelli ùn pensanu più cà à Babbu Natale. I babbi è e mamme, à a gioia di i figlioli, cù l’ochji pieni di sogni è di stelle, è a u scumpientu di u porta fogliu (i conti si faranu dopu, glups !). I cummircianti saparanu frà pocu sì Santa Klaus hè statu ginarosu o musinosu cun elli.
À Petit papa noël, quale ùn l’hà avutu in bocca ? Quellu di voi chì ùn l’hà mai cantata, ch’ellu a fia sapè. L’emu da crede tutti !
Eccuvi quì una virsione, dispittosa, schirzosa, una cria trash, di quella canzunissima natalesca. Di siguru chì, dapoi una certa pezza è un certu filmu, à Babbu Natale, sapemu chì ci vole à falli una cunfidenza, dimu, misurata…
Allora, s’ella vi pare è piace, eccuvine unu, nustrale, chì tene guasi più caru u sangue di a vigna cà i zitelli bianchi è rossi… S’ellu soffia in la buscica di i giandarmi, andate chì a turnata di i cammini ùn la finisce cust’annu…
Natale s’avvicina. I zitelli ùn pensanu più cà à Babbu Natale. I babbi è e mamme, à a gioia di i figlioli, cù l’ochji pieni di sogni è di stelle, è a u scumpientu di u porta fogliu (i conti si faranu dopu, glups !). I cummircianti saparanu frà pocu sì Santa Klaus hè statu ginarosu o musinosu cun elli.
À Petit papa noël, quale ùn l’hà avutu in bocca ? Quellu di voi chì ùn l’hà mai cantata, ch’ellu a fia sapè. L’emu da crede tutti !
Eccuvi quì una virsione, dispittosa, schirzosa, una cria trash, di quella canzunissima natalesca. Di siguru chì, dapoi una certa pezza è un certu filmu, à Babbu Natale, sapemu chì ci vole à falli una cunfidenza, dimu, misurata…
Allora, s’ella vi pare è piace, eccuvine unu, nustrale, chì tene guasi più caru u sangue di a vigna cà i zitelli bianchi è rossi… S’ellu soffia in la buscica di i giandarmi, andate chì a turnata di i cammini ùn la finisce cust’annu…
Babbu Natale, ma chì rubbaccia (da cantassi cù u versu di Petit papa Noël)
O bella notte di Natale
A neve sparghje u so biancore
Una prighera universale
I ciucci facenu di core
Prima di spenghje a lumera
Eccu ciò chì ognunu spera
O babbucciu Natale
S’è tù ti lampi in le scale
Ùn cuntà micca sopra à mè
Par arrizzatti starè cum’è tù sè !
Ah l’avarè po scelta
A bella sera da fà festa
Avà chì ne stai à cochje in sù
U malignu vai puru ùn faci più !
Aspittava tantu u spuntà di u sole
Da spacchittà li me rigali
Aghju scupartu invece tamantu briacone
Chì vene è mi rompe li stifali !
Ti piacenu le sborgne
Tandu conti e to cianforgne
È tutti issi zitelli à aspittà
Cusì bravu omu chì hè un veru carnavà !
Hà fattu u giru Ciprianu
Da Bonifaziu à lu Niolu
Datti curagiu o andaccianu
Incù lu to spurtone à collu
À lu sonu latinu di e campane
Rifrescati cù l’acqua di e funtane…
Cerca di cunduce lu to strascinu
A sai l’affari sò in francese
Ti cunnoscu ormai ùn vali un cinquinu
Par tè mai più faraghju spese !
O babbucciu Natale
S’è tù ti lampi in le scale
Ùn cuntà micca sopra à mè
Par arrizzatti starè cum’è tù sè !
O babbucciu Natale !
O bella notte di Natale
A neve sparghje u so biancore
Una prighera universale
I ciucci facenu di core
Prima di spenghje a lumera
Eccu ciò chì ognunu spera
O babbucciu Natale
S’è tù ti lampi in le scale
Ùn cuntà micca sopra à mè
Par arrizzatti starè cum’è tù sè !
Ah l’avarè po scelta
A bella sera da fà festa
Avà chì ne stai à cochje in sù
U malignu vai puru ùn faci più !
Aspittava tantu u spuntà di u sole
Da spacchittà li me rigali
Aghju scupartu invece tamantu briacone
Chì vene è mi rompe li stifali !
Ti piacenu le sborgne
Tandu conti e to cianforgne
È tutti issi zitelli à aspittà
Cusì bravu omu chì hè un veru carnavà !
Hà fattu u giru Ciprianu
Da Bonifaziu à lu Niolu
Datti curagiu o andaccianu
Incù lu to spurtone à collu
À lu sonu latinu di e campane
Rifrescati cù l’acqua di e funtane…
Cerca di cunduce lu to strascinu
A sai l’affari sò in francese
Ti cunnoscu ormai ùn vali un cinquinu
Par tè mai più faraghju spese !
O babbucciu Natale
S’è tù ti lampi in le scale
Ùn cuntà micca sopra à mè
Par arrizzatti starè cum’è tù sè !
O babbucciu Natale !
Per San Valentinu, manda a to cartulina d'amore pulitica
