Un hoax hè dunque una falsa infurmazione chì circuleghja, è si sà ch'ellu ci n'hè tantu nant'à internet. À tal puntu ch'elli esistenu i siti spezializati in a verificazione è u cuntrollu di ste magagne, cum'è hoaxbuster.
Allora piantemu puru quì a magagna. U 12 d'aprile scorsu avemu messu in linea nant'à u nostru blog un articulu nant'à u fattu chì certi chinesi stumagati da l'attitutine francese nant'à u Tibet si sò messi à dumandà l'indipendenza di a Corsica, più pè pruvucazione ch'è per interessu di a nostra sorte.
Ma si l'infurmazione era vera, u ritrattu ùn l'era micca... Per illustrà st'articulu, avemu fattu un muntame cù Photoshop. Bastava à ficcà una bandera corsa in una manu d'una chinese abbastanza azeza in piena manifestazione, pugnu alzatu è sguardu determinatu.
Ma ci vole à crede chì u muntame era riesciutu... In quattru è trè sette, a fiura s'hè ritruvata nant'à ùn sò quanti forum, mandata da mail in mail, pè finalmente ritruvassi, (chì bellu destinu !) in piena pagina di u nostru caru Corse-Matin...
Allora eccu, per rispettu pè i nostri lettori è per esse onesti, sta testa di moru ùn s'hè mai ritruvata in manu di sta chinese, piccula impegata di Wal Mart in Shangai... è dì chì ancu i giurnalisti si sò fatti burlà !
Muralità : hè veramente faciule di manipulà l'infurmazioni...
Ma aspettemu torna appena, forse chì u destinu di sta fiura ùn hè ancu à compie. Forse ch'ella si ritruverà un ghjornu innù e pagine di Marianne o di L'Express, cù un articulu stumagatu di stu carnavale di Christophe Barbier, li ferà un'occasione di cuntinuvà à inzergassi contr'à noi.
Avà, voi lettori di A Piazzetta, sapete ch'ella hè una burla. Ma aspettate torna appena, d'altre surprese sò à vene...
Allora piantemu puru quì a magagna. U 12 d'aprile scorsu avemu messu in linea nant'à u nostru blog un articulu nant'à u fattu chì certi chinesi stumagati da l'attitutine francese nant'à u Tibet si sò messi à dumandà l'indipendenza di a Corsica, più pè pruvucazione ch'è per interessu di a nostra sorte.
Ma si l'infurmazione era vera, u ritrattu ùn l'era micca... Per illustrà st'articulu, avemu fattu un muntame cù Photoshop. Bastava à ficcà una bandera corsa in una manu d'una chinese abbastanza azeza in piena manifestazione, pugnu alzatu è sguardu determinatu.
Ma ci vole à crede chì u muntame era riesciutu... In quattru è trè sette, a fiura s'hè ritruvata nant'à ùn sò quanti forum, mandata da mail in mail, pè finalmente ritruvassi, (chì bellu destinu !) in piena pagina di u nostru caru Corse-Matin...
Allora eccu, per rispettu pè i nostri lettori è per esse onesti, sta testa di moru ùn s'hè mai ritruvata in manu di sta chinese, piccula impegata di Wal Mart in Shangai... è dì chì ancu i giurnalisti si sò fatti burlà !
Muralità : hè veramente faciule di manipulà l'infurmazioni...
Ma aspettemu torna appena, forse chì u destinu di sta fiura ùn hè ancu à compie. Forse ch'ella si ritruverà un ghjornu innù e pagine di Marianne o di L'Express, cù un articulu stumagatu di stu carnavale di Christophe Barbier, li ferà un'occasione di cuntinuvà à inzergassi contr'à noi.
Avà, voi lettori di A Piazzetta, sapete ch'ella hè una burla. Ma aspettate torna appena, d'altre surprese sò à vene...
Per San Valentinu, manda a to cartulina d'amore pulitica
