A rientrata s'avvicina !

Ùn vale a pena di fà i maligni, a sapete bè ancu voi. E cartine è e parkà anu scantatu e serviette di mare in i supermercati.

I ghjorni sò cuntati, d'altronde accortanu digià. Perdimu 2 o 3 minuti di sole è andemu à corri corri versu l'inguernu.

Allora à tè, lettore di A Piazzetta, ùn ai bisognu di fà u maccu. U dancefloor di l'Acapulco, u jet-ski in Santa Giulia, è i mojitos sò digià in daretu à noi !

Più ch'è qualchì ghjornu è a rinfriscata di Santa Maria calmerà tutti i lonzi arrustiti techji d'écran total è di Biafine.

Per calmavvi, basta à andà ind'è Leclerc è à Géant Casinò. E cartine, l'astucci, i quaterni è i piloni anu pigliatu a piazza di e serviette di mare, di e palme è tubas. Effettu nant'à u murale guarantitu !

EVVIVA A RINFRISCATA !

u 5 d'Aostu 2009

azezu, arrabbiatu è gattivu

Accueil

Envoyer à un ami

Version imprimable

1.mandatu da cecce u 05/08/2009 23:59

(da un teleffuninu)

e sopratuttu amparate u corsu in scola!

2.mandatu da Upidochjurifattu u 09/08/2009 00:50

Iè è in più per quelli chì ponu, trasmettitelu in casa, o dumandate à i babboni, i vicini, i paisani di parlà corsu à i chjuchi : ci vole chè a lingua "circuleghji"...chì i zitelli ùn pensessinu micca ch'elli amparanu una lingua artificiale o peghju, morta.

Eppo ci sò mille affari à fà i corsu è nimu ci pensa : rispunditore, invitazione à l'anniversariu di u zitellu, parlà in corsu à i genitori corsofoni à u purtone di a scola, à l'insignanti dinù, moltu più l'abilitati, affissi (què pè i maestri o i direttori di scole : ..."I pidochji fora!" seria un bellu slogan pè a rientrata, nò?? )

3.mandatu da estrimei u 09/08/2009 08:33

aghjusteraghju ,'nu u carughju ,quand'omu và a fà e spese ,e ancu... in l'administrazioni.
parlà a so lingua he fà vede so ch'omu hè.
a tè, o lettore di a piazzetta , mi permetteraghju un cunsigliu, sie tè stessu ,e ancu quand'e tu vai a stuzzicà a zichinetta.... un ti scurdà di a filetta !

Novu cumentu :