10 ragioni d'ùn vene micca à stallassi in Corsica

Segondu l'INSEE, a Corsica vince 4.000 abitanti à l'annu, per via di l'afflussu di ghjente da u cuntinente. Nanzu di creà "l'amicale des Corses de Corse", eccu qualchì ragione di dì à sta brava ghjente chì nò, ùn hè micca u mumentu di vene à stallassi ind'è noi...

1. A Corsica hè cara ! Eccu una nutizia chì ùn ferà micca piacè à u rancicu ch'è vo site : i prezzi in Corsica sò in media 10% più cari ch'è quelli praticati in cuntinente. Nunda ch'è quessa basterà à calmane unepochi di minuti chì vulianu stallassi in Corsica.

2. U tigliu, Tchernobyl è u radon. Chì disgrazia stu "scogliu arsu è machjosu" cum'ellu a dicia st'azizone di Sèneca. Un veru periculu è un veru velenu per i so abitanti. Radon in a parte granìtica, tigliu in a parte matticciosa, è càncaru per tutti. In più di un terrenu naturalmente periculosu, hè passatu u nulu di Tchernobyl chì ci hà lampatu tutta a so rubbaccia ind'è noi più ch'è in altrò è ci n'hè per parechji seculi di thyroïde. Allora ùn pigliate micca risichi !

3. L'accidenti nant'à e strade chì si trafalanu. Allora in Corsica in più d'avè u record di Francia d'accidenti di vitture nant'à e nostre stradacce, eccu chì quesse quì si ne falanu... Pentoni chì vi falanu in capu in Vizzavona, strade chì si lampanu in mare in Capicorsu, paesi tagliati da u mondu appena da per tuttu... À mumenti è ne vultemu à stacci in Cucuruzzu è Filitosa.

4. I flicchi. Ci vole à sapella : in Corsica ci hè più flicchi ch'è in altrò. Chì sfurtuna per voi chì site avvezzu à carcavvi à l'apperitivu pè piglià a vostra vittura ghjustu dopu. Sdiliccia : perderete in furia tutti i vostri punti.

5. Un veru disertu culturale : nè McDo nè Ikea. Chì calamità ! Si dice spessu ma a Corsica hè un veru disertu culturale. Nè mancu un Auchan, una FNAC o un Castorama per sorte a dumenica. Solu un miseriosu Gifi è un Eurobazar di u Terzu Mondu. Chì ghigna !

6. U mare si ne colla Vulite vene in Corsica per favvi una bella casa in bor'di mare ? Pensate ch'ella hè ora vistu chì case plasticate, ùn ci n'hè più ? Vi sbagliate ! Avà u periculu vene da a cullata di u livellu di u mare. Da quì à 50 anni, Portivechju serà sott'à l'acqua ! Megliu à cumprassi una casa in e Vosges. Micca paura ? Iè ma risicate di finisce cum'è Clavier, di discitavvi una matina è di truvà unepochi di naziunalisti azezi in u vostru giardinu. Guardate chì s'elli venenu ùn hè micca pè purtavvi i croissants...

7. U sole ? Chì sole ? U sole ? Un cornu sì ! Trà ottobre è ghjennaghju, sò stati quattru i ghjorni induv'ellu s'hè vistu u sole. U restu di u tempu : alertes orange, tempurale è acquate. À stu prezzu, hè megliu à stavvi in Maubeuge o in Tourcoing.

8. Ùn ci hè più corsi ! Ma nò, à voi ùn hè micca u sole è u mare chì v'interessanu. Hè l'authenticité des corses (sic). Cusì bravi è generosi, appena paisani ma cusì simpàtichi. Site sfurtunatu, i corsi, ùn esistenu più ! Ne Ferma qualchidunu, ma ciò chì l'interessa hè d'avè u so caddie pienu, l'ultime Ray-Ban è una buttiglia à L'Acapulco. U restu...

9. U Sporting. Bon, dimmula franca, a sola surtita interessante u sabbatu sera era d'andà à vede u Sporting in Furiani. Mumentu forte di cummunione trà i sustenidori è 11 lioni chì si battianu sin'à a morte nant'à u terrenu pè a nostra bandera corsa. Ma hè bellu luntanu stu tempu... Oghje u Sporting ùn ci la face mancu più à batte à Niort o à Laval. Ma u sabbatu sera vi ferma d'andà à u Flunch di Furiani.

10. A cultura corsa. Mafiosa, L'Enquête Corse, David Guetta, Alizée, Pascal Olmeta è DJ Corti. Eccu à chì si risume oghje a cultura corsa. Bisognu d'aghjustà qualcosa ?

u 27 d'Aprile 2009

U Sgaiuffu

Accueil

Envoyer à un ami

Version imprimable

1.mandatu da Fafanellu u 27/04/2009 07:24

Ci hè una raghjoni di più d'apressu à mè !!!!
Stampa lucali ùn ci n'hè più, o Corse-Matin, ghjurnali viotu, o A Piazzetta, cattivu ghjurnali, ùn c'hè nulla da leghja cuì !

2.mandatu da Piratella u 27/04/2009 09:35

11. Sè malgratu tutti 'ss'avvertimenti vi stallate, vi chjapparà prestu a picondria, diventata sport naziunale corsu, ancu in a (poca) creazione culturale.
Ma sè vo vulete parte in vacanze à cambiavvi l'idee, site sfurtunati una volta di più : ci sarà una greva di i trasporti marittimi è aerei u ghjornu stessu chè vo averete riservatu! Ahè, riflittite bè!

È cum'ellu dice Tzek (o Pido?) : Bona furtuna!

(O Sgaiuffu, u pb hè ch'avemu scrittu tuttu in corsu, risichemu d'ùn tuccà a "sibula"??)

3.mandatu da Piratella u 27/04/2009 09:36

12. S'è vo avete bisognu di una ragiò 12 vole dì ch'è vo site digià mantacatu, averete a scelta trà dui stabulimenti magnifichi : Castellucciu o Sant'Urnellu!

4.mandatu da Kugùrn u 27/04/2009 10:19

eppuru in u South Dakota, t'anu a pace, ELLI.

5.mandatu da lingua viva u 27/04/2009 11:39

13. anu decisu d'ùn fà più u grande festivale di u ventu, festi pinzi in Calvi, chi a Filetta hà fattu un prucessu...l'aria chi si respira durante stu festivale ùn sente micca " u corsu", di più st'ultimi anni ci hè statu un invasione di pidochji detti maligni dunque micca endemichi!!! state vi in casa vostra è leghjite l'express !

6.mandatu da circinelludiguagnenativupeliguagnesusosanguaversatu u 27/04/2009 12:09

chì hè ssa storia di prucessu ? Aiò ! chì mi piacciani i puttachji à me... ;)))

7.mandatu da Antò u 27/04/2009 12:48

U Sporting ghjoca micca u Sabbatu, ghjoca u Venari !

8.mandatu da Antò u 27/04/2009 12:53

IDEA per u prossimu articulu, 10 ragioni di sta a vita in Bastia

9.mandatu da Tuttintong u 27/04/2009 13:06

i[10. A cultura corsa. Mafiosa, L'Enquête Corse, David Guetta, Alizée, Pascal Olmeta è DJ Corti. Eccu à chì si risume oghje a cultura corsa. b[Bisognu d'aghjustà qualcosa ?]]bi

Iè, u libbru di Stefanu Pergola.

10.mandatu da dallavacuncihenimu u 27/04/2009 18:05

14. u nostru amicacciu Pernault di TF1 ùn conta chè futichje : a corsica hè bella, cum'è i corsi ùn ci n'hè, a pulenda hè bunissima è blablablablablabla.....attenti u tippu hè falzu !

11.mandatu da Forza u 27/04/2009 18:59

Bravu sgaiuffu ! Un ci so micca che e bombe chi devenu ritene a culunisazione di a Corsica cusi bel' avanzata.
Aghjustaraghju un antra raggione per alluntana tanti curpaciuti, quella di l'Amiante !!L'amiante avellena in permananza u terzu nordu di a Corsica. Si respira ind'e l'aria, da u nebbiu, cardu, case vecchje, finu a Giraglia. Un c'e bisognu di fuma o di fa abusi, a natura s'incarga di fa male senza guarda in faccia di nissunu.
Cusi simu cumpleti, Corsica suprana, l'Amiante, Corsica suttana, u radon, etc...

12.mandatu da lingua nostra u 27/04/2009 19:23

l'amiante si chjama u tigliu

13.mandatu da Piratella u 27/04/2009 19:29

puderiamu ancu fà corre a vuciata chì a grippa purcina hè ghjunta in Corsica...

Bò, sentu chì ùn facciu micca ride cun què, mi ne vò.

14.mandatu da Domenico u 27/04/2009 21:59

Ma cume ô Piratella, eu mi sò scialatu di i risa!

15.mandatu da dallavacuncihenimu u 28/04/2009 09:03

ci vole à aghjustà dinù quella di l'acelli cusi omancu ci assicuremu!!

16.mandatu da Forza u 28/04/2009 09:50

Ti ringrazziu "Lingua Nostra" per a to precizione n'anta l'amiante chi si chiama in Corsu u Tigliu. Un la sapia micca ! Qui almenu omu si premureghje di a nostra lingua cumpletamente tralasciata per altro. Un c'e ch'a vede tutti sti forum "Corsi" induve a lingua Corsa e cusi scarssa.

17.mandatu da lingua nostra u 28/04/2009 11:31

Di nunda, o Fò (rza), sò felice d'avetti amparatu una parolla, ma guarda chì in u puntu 2 di st'articulu, c'era a parolla tigliu.

18.mandatu da ZIU ANTO U PURCAGHIU u 28/04/2009 17:52

Hum bhèèèèèèè !!!! fra poccu un ci puderemu più mancu noi altri corsi di stà in Corsica;fra u mare periculosu,u tigliu,u radon,i focchi,i tempurali ,i nivoni, ma c'hè dinova a frebba catharale di è pecurè,a vache folle di è vaccinè,a grippa purcina in cu tutti si purceddi in libertà ;;;;;;;hè i pumataghi in duve i vi lasciatè voi ??????

19.mandatu da Cumpalliols u 28/04/2009 19:02

Podasse chì certi puderianu piglià ste poche raghjone per ùn stallàssi micca in Corsica.
Eiu, di ste raghjone, mi ne futtu... firmeraghju quì, in terra corsa, è ùn mi n'anderaghju mai.

PS : Cumu si pò fà, per scrive, in stu bloggu ?

http://cumpalliols-in-corsu.over-blog.com

20.mandatu da Forza u 28/04/2009 20:35

Ai raggio "Lingua Nostra" un c'avia mancu fattu casu. Per prova ch'un cunisciva micca su termine. Ava a so !! Molti ringrazji ! Salute a tutti ! Tenite forte !

21.mandatu da Piratella u 28/04/2009 21:25

O Forza, ci hè un foru induve si scrive ONLY in lingua corsa : u foru corsu, eccu l'indirizzu :

http://foru-corsu.forumactif.com/

22.mandatu da Forza u 28/04/2009 23:08

Ti ringrazziu o Piratella ! So andatu a vede. Aghju parcorssu qualchi prupositi e trovu su foru abbastanza riccu. Tuttu cosa po cuntribuiscie a u mantene e a sparghjera di a lingua Corsa un po esse che benedettu. Cusi salutu qui tutti i creatori di fori Corsi e dinnu i so participanti che senza elli un ci saria nulla !
Bona sera Piratella Ti basciu

23.mandatu da Francesca u 29/04/2009 05:45

Allora sè tù ti scrivissi o Forza, da participà à sta mossa ? Avemu bisognu di soci ATTIVI : guasi 500 soci scritti è ùn scrivenu mancu 30 persone...Un ti primurà di "sbagli" (à spessu a ghjente ùn volenu scrive perchè anu a peura di "sbagliassi". Sbagliatevi puru, viaghjendu s'acconcia a soma. Nantu à u foru ci sò uni pochi di prufessori di corsu chì vi ponu dà spiecazione (sè vo e dumandate). T'aspittemu avà, o Forza è tutti quelli chì volenu fà vive a lingua corsa...

24.mandatu da asignorabèbè u 29/04/2009 07:46

u n addiu micca visti i "rayban" in Sartè ....VI basgiu

25.mandatu da U cantadori pumuntincu u 29/04/2009 18:12

I tinti pinzuti lol L'ani da sorta prestu a puzza cusì lol

26.mandatu da Skuravy u 29/04/2009 20:22

(da un teleffuninu)

In stefan pergola we trust !

27.mandatu da Forza u 30/04/2009 22:23

Salute a te o Francesca !
Per contu meu participeghju tutti i ghjorni in parlendu Corsu incu i mio paisani, ancu cun quelli chi u capiscianu pocu. Un n'aghju tantu meritu, perche aghju sempre vissutu tra ghjente chi parlanu Corsu.
I piu curragiosi e meritanti so i giovanni chi volanu parla e scrive Corsu a l'ora d'oghje ! Per elli e difficiule perche so pigliati ind'un bagnu impizutitu a 70% !
I parenti anu capitulatu corpu e anima per via di a suprananza di u francese !
Mi fara piace di vene di tantu qui incu voi.

28.mandatu da Francesca u 30/04/2009 23:39

Vulia dì : t'aspittemu nantu à u foru corsu, induve ùn ci hè micca abbastanza participanti...lol à prestu. Senza abbandunà "A Piazzetta", di sicuru!

29.mandatu da francescu di castagniccia u 06/05/2009 15:00

a cultura corsa he dino pat flower!!!!

30.mandatu da ghjuva u 25/05/2009 23:41

un'altra ragio d'un vene micca a stallasi in corsica simu tutti ladri, gattivi, animali,tutti
razzisti,o ghjente chi populu simu .............
He cusi dice u gran prufeta audiard

31.mandatu da antonia u 23/06/2009 16:58

mitici :-))

32.mandatu da Pietro Mastroleo u 03/07/2009 22:41

A corsica hè bella, cum'è(si dice così anche nel mio dialetto)
La Corsica non ha bisogno di aggiustare niente! Deve soltanto difendersi meglio, come tutte le terre del mediterraneo d' Italia ex regno delle 2 sicilie. Scusatime se agghiu scrittu in italianu, speru quantu prima cu scrivu 100% u Corsu.
Pietro Mastroleo
Ugento (lecce)
Italia

33.mandatu da Piratella u 07/09/2009 23:37

Fate corre a vuciata nantu à INTERNET : AVEMU TUTTI A GRIPPA A, è ancu a B, l'X, eppo a zinzala tigaru hè ghjunta è prestu averemu u sciccungunghjà!!!

34.mandatu da mamone u 09/03/2010 20:28

E po' noi altri corsi un'avemu mancu lume und'è e casi...nu a inventu mica :un giorno adui purtatu un "pinzu" ,a falli vede un pagljadiu in Balagna,u tintacciu ,credeve c'ho m'aludiessi inde u pagljadu tuttu l'annu e m'ha detto:"mais comment faites-vous sans electricité",l'adju ripostu ch'avia una lumerella !!!Ma guardatu cun pietà ,u itntu!!Un l'adiu micca sbagliatu...cusi n'ha avudu cose da racunta quande le turnatu in francia!

Novu cumentu :