A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > ATTUALITÀ CORSA

Voi dinù, tumbate una vacca corsa

U merre di Coti Chjavari hà datu l'autorizazione di stinzà l'animali nant'à a so cumuna. I passiunati di far west è di "galibrate" seranu cuntenti.

Cumu regulà u prublema di a divagazione di e vacche ?

In Coti Chjavari, u merre hà pigliatu una decisione radicale : s'è vo avete un permessu di caccighjà, avete u dirittu di tumbà una vacca (da sente nant'à u situ di RCFM).

Hè vera chì per avà ùn avemu trovu suluzioni à stu prublema, un veru perìculu per l'automobilisti.

Ma u ritornu à u far west serà una suluzione ? L'amatori d'arme è di galibrate s'anu da campà. Forse da quì à pocu a merria di Coti Chjavari puderà ancu prupone un "safari" pè andà à stinzà e vacche corse ?

Eccu un'idea chì puderà piace à i nostri amichi turisti amatori d'esotìsimu è di sensazioni forte.

Trà "moi cet été, j'ai tué une vache keurse" è "oh fraté, tu as vu comme on lui a mis le compte à la vache avec la kalach' ?", grosse discussioni in perspettiva...

u 10 di Sittembre 2011

U Webmaestru

Accueil

Envoyer à un ami

Version imprimable

1.mandatu da Felice u 10/09/2011 01:24

(da un teleffuninu)

U merre di Coti Chjavari faria megliu d'occupassi di i prublemi di paillotes, di scrucconi, di maffiosi e di résidences secondaires di a so cumuna

He piu impurtante che e vacche !

2.mandatu da Altore2a u 10/09/2011 01:54

Antona "u cowboy", boia di i boie

3.mandatu da J G u 10/09/2011 03:34

Eo qui pigliu u partitu di a vacca
A Corsica un hé micca una terra a vacine mancanu e pianure e si sti poveri animali voganu nantu a i straô hé per ch'elle so famite . Tutte e scuse so bone pe difende u lascia corre ma si certi allevatori so serii ci so chi so malonesti e hé vera cun si sà piu cumu parrassi.

povera vacca impalaficata chi stà arrita per un cascà
povera vacca magra schernita cum'ella mi face pietà
purtantu toccanu a prima apposta per dalli a manghjà
ma a vacca un ne prufita allora a chi ghjoverà
ssa prima di l'infamità

4.mandatu da Nemancu Perride u 10/09/2011 06:35

Ben chi u statu è l'Auropa lampessinu i solli dappoi 30 anni, a situazione di l'agricultura corsa ùn s'hè manc'appena migliurata, ùn c'hè chè da vede.

Cert'affari so periculosi per a ghjente è vergugnosi per certi, l'alevatori pochi serii, ch'ùn facenu nunda per tene ist'animali inchjiustrati, ghjè vera..

Ma anant'à sta cumuna, cume parechje altre di bor di mare, ci sò cose piu strane a pettu à a legge è moltu più periculose per a Corsica, cume a speculazione, u litturale, a pulluzione.

Ma quessa allora, ci vole à dila: dunque avale forse ci vulerebbe chi i merri chjamenu u populu à piglià l'arme per fà rispetà e legge, induve'andemu?
Beuh, quessu si u travagliu, dumanda à a ghjente di tumba e vacche.
Dumane : i gatti, i ghjali, i sumeri, i scemi, i briaconi, i "fusciati", i goffi...

5.mandatu da u miumese u 10/09/2011 08:22

Hè sigura chè quandu cullate in paese, truvate una vacca davanti à a vostra casa, face appena stranu. Allora capiscu chì certi possinu tumbà qualchì vacca in paese, ch'elle sò periculose. Mà ch'ellu sia u merre di una cummuna cumu Coti-Chiavari...S'ellu s'occupa solu di e vacche è chì in più di più di quessa lascià i ghjenti fallu...infine, Nemancu Perride hai dettu tuttu.

6.mandatu da machja u 10/09/2011 11:29

Eiu cunoscu un paese di u Boziu, induve l'eletti di a meria(for di u meru) facenu un cuncorsu di quellu chi tumberà piu vacche, u primu aggiuntu ne ha dighja tombu piu di trente, u sicondu 26, e u tersu a tombu a so diciottèssima a u mesu d'aostu, per l'apertura di a caccia a u cignale, e svaccinàte un si ne vede in paese.

7.mandatu da Vertumne u 10/09/2011 12:41

Atlantico hè u novu Express ?

http://www.atlantico.fr/decryptage/nombreuses-niches-fiscales-illegitimes-existent-en-corse-179017.html

"Je suis régulièrement agacé, comme beaucoup de gens du nord de la Loire, par le numéro de Caliméro auquel se livrent les Corses. De ce point de vue le musée du colonialisme de Corte me paraît une aberration à laquelle il faudrait mettre bon ordre."

8.mandatu da baccalà vaccalà u 10/09/2011 12:54

1° Antona hà u so da fà cù e vacche, e pagliotte è i permessi di custruì. Ellu chì hè republicanu, ch'ellu fia rispettà a legge è basta.
2° tumbà l'animali ùn hè manc'à pena un'usu nostru. L'antichi li purtavanu rispettu chì eranu u so stantapane. Diceria dunque :"quessa ùn si face micca", senza cuntà e storie in paese dopu chì l'usu d'avà hè di tumbà dinò l'omi cum'è animali...
3° Cuntate tutti i giovani morti o stroppii per ste strade per via di vaccine. In certi lochi, i "patroni" li lampanu u fenu à bor' di strada. U più bellu esempiu hè a strada vicinu à u ponte d'Altiani. Vi si pare un'affare nurmale? E' quì i merri è i giandarmi ùn li sentite micca chì i "patroni" sò elettori.
4° In certi paesi, castagne ùn ne buscherete più chì quelle chì fermanu, e si manghjanu vacche è porchi. Hè a Corsica "paisana" d'oghje ghjornu... Sarrende è murellle ùn ci ne hè più, è quand'elle ci sò, ùn stanu tantu. In francese si parla di "civisme" è in corsu di "cumunisimu". Serebbe ora ch'ella finisca, nò !!
5° ùn parleremu di e prime chì tandu certi anu da dì ch'è no vulemu tumbà "l'agricultura di l'internu"... S'ella dura cusì, o quell'ò, si parlerà da quì à pocu di "l'agricultura di l'infernu" ...
Eccu, ancu s'ella hà da dispiace à certi, esse "vaccinaghjolu" ùn hè micca solu un meritu per quellu chì campa in paese, hè una custruzzione rispettosa.
Per ciò chì tocca à u bor' di mare, aspettemu dinò u sgiò prefettu chì cappia, quand'ella li pare, permessi à ùn voline più, soprattuttu quandu chì i so servizii ricevenu teleffunate da eletti, di quì o puru "parigini".
In cunclusione: Corsica è Burchinà Fassò, listessa lotta ...

9.mandatu da Bacala par Corsica! u 11/09/2011 00:51

Le manque d'empathie des Corses à l'encontre de l'espece animale me choque beaucoup! Voir les bêtes divaguer sur la route avec des pattes cassées suivies de leurs jeunes veaux affolés, est un triste spectacle. Chasseur Corse ,coeur noir, à force de flinguer les bêtes, ils ne voient plus le vivant mais leur frigo bien garni.
Je precise que je suis Corse, mais ce manque d'évolution me désole.

10.mandatu da cuscienza u 11/09/2011 07:49

o nemancu per ride e vacche elle so corse ! allora lasciale campà nantu a so terra é fala finita ! vai à fà lezioni in altrò . Tu hai tuttu di funziunariu plancatu chi dice vulè fà a revoluzione davanti à to telé. I pastori so pochi serii ??? tu forse si u omu seriu ??? si u primu a criticà, é a toia a prima a meriti ?

11.mandatu da Mimia u 11/09/2011 10:23

eo sô nata in a mandria e allevata a u latte di capra . In i tempi i pastori un ne toccavanu prime e campavanu listessu . So un mi sbagliu a prima un hé ché una prima elettoralista per avé u votu d'uni pochi di stercaghji chi so abastanza maligni pe prufittà di u sistemu clientelistu

12.mandatu da machja u 11/09/2011 11:30

Ma tuttu cio chi si face in Corsica hè elettoralistu, face u pezzu chi i corsi un votenu piu per e so idee e vendenu i so bigliettini di votu per un serviziu, e l'eletti chi a sanu ne prufitanu, prumetendu monde e mare.

13.mandatu da cowboy u 11/09/2011 20:52

Mimia e machja avete raggiò

14.mandatu da adisperatadonnadicasa u 12/09/2011 15:10

Only a question :

where is Daddy's John -John ???

So veramente adisperata : mi ci vole a so cara imperrucata per ride OUT LOUD !!!!!!!!

15.mandatu da ANTO u 13/09/2011 14:13

So d'accunsentu in cu Mimia ,i manghjoni chi hannu e vacche (o megliu e plachette di e vacche) pè tucca e prime un so corsi ma scrucunelli cum'ellu ci n'hé oghje appena in ogni loghi

http://blog-anto.be

16.mandatu da baccalà baccalà u 22/09/2011 14:04

Iè, ci sò agricultori in Balagna, in Niolu è in Castagniccia chì sò scrucconi è micca corsi??

Novu cumentu :