Un casu di H1N1 à l'Acapulco ?

U puttachju corre in Balagna : un giovanu averia chjappu a grippa A in una serata à l'Acapulco, a grande buatta di Calvi.

L'infurmazione ùn hè micca accertata ma u puttachju hà fattu u giru di a Corsica. Si dice ancu chì Claude Njoya averebbe annulatu e so serate in buatta, di paura di chjappà l'influenza messicana.

Dopu à u rìsicu di chikungunya in Portivechju (una decina di turisti uspitalizati), serà a grippa A à minaccià a stagione turistica in Balagna ? Muriel Robin è Michel Fugain sarianu in traccia di neguzià per vende e so case. Thomas Dutronc ùn hà micca previstu di vene st'estate. Ancu a legione strangera pensa à andassine di Calvi.

Spaventati da a nutizia è di paura di fà una gattiva stagione, Ange Santini averebbi cummandatu in urgenza un stock impurtante di Tamiflu.

Lettori di A Piazzetta, attenti à voi. Site prevenuti...

u 4 di Lugliu 2009

u webmaestru

Accueil

Envoyer à un ami

Version imprimable

1.mandatu da estrimei u 04/07/2009 16:26

dicenu ch'ell' he vera ! dicenu dinu ch'ella si he tirata in Cala Purcina e chi da qui a pocu , tutti sti casamenti fatti a bor di mare hanu da esse resi a i corsi per via di u periculu . in Palumbaghja ci ne he unu chi volle chjove tuttu e ricullassine in Casinca .
o ghjente , cumu puderemu fà , senza tutta sta ghjente chi, per ajutacci , ci averia ghjucatu a leghjittima , ma chi per via di u periculu , ha da turnà a francà u mare?

2.mandatu da aerostat u 04/07/2009 20:53

a grippa purcina! cù tutte isse lovie è puchjucule in libertà, ùn hè micca stunente!

3.mandatu da Ghjuvan'Marcu u 05/07/2009 12:05

L'influenza A allegata di u Fronte per piantà a culunisazione ! Què ghjè un rigalu di u Sottu Cummandante Marcos !!!!

4.mandatu da Vira u 06/07/2009 13:05

Bon viaghju è ventu in poppa à tutti!!!!

Novu cumentu :